ⵜⴷⵔⴰ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴰⵙⵙ ⵏ ⵓⵙⵉⵏⴰⵙ 7 ⵢⵓⵍⵢⵓⵣ 2026, ⴳ ⵜⵙⵇⵇⴰⵢⵎⵓⵜ ⵢⴰⵜⵜⵓⵢⵏ ⵉⵥⵍⵉⵏ ⵉ ⵉⵎⵔⵙⵉ ⵏ ⵜⵎⵢⵉⵎⴰⵏⵜ ⵜⴰⵎⵓⵟⵟⵓⵏⵜ ⴷ ⵜⵓⵚⴽⵓⵡⵉⵏ ⵜⵉⵏⴰⴷⴷⴰⵡⵉⵏ ⵏ ⵡⴰⵏⵏⴰⵍ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵉⵙⵎⴷⵏ.

7 July 2026

ⴳ ⵓⵙⴰⵜⵉ ⵏ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⵏ ⵡⴰⴼⴰ ⴰⵎⴰⴹⵍⴰⵏ ⵏ ⵡⴰⵎⵓⵏ ⵏ ⵡⵓⵎⵍⴰⵏ (WSIS Forum), ⵏⵏⴰ ⵉⵜⵜⵓⴳⴰⵏ ⴳ ⵜⵎⴷⵉⵏⵜ ⵏ ⵊⵓⵏⵉⴼ, ⵜⴷⵔⴰ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ ⵓⵙⵉⵏⴰⵙ 7 ⵢⵓⵍⵢⵓⵣ 2026, ⴳ ⵜⵙⵇⵇⴰⵢⵎⵓⵜ ⵢⴰⵜⵜⵓⵢⵏ ⵉⵥⵍⵉⵏ ⵉ ⵉⵎⵔⵙⵉ ⵏ ⵜⵎⵢⵉⵎⴰⵏⵜ ⵜⴰⵎⵓⵟⵟⵓⵏⵜ ⴷ ⵜⵓⵚⴽⵓⵡⵉⵏ ⵜⵉⵏⴰⴷⴷⴰⵡⵉⵏ ⵏ ⵡⴰⵏⵏⴰⵍ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵉⵙⵎⴷⵏ.

ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵜⴱⴷⴷⴰ ⵜⵓⵚⴽⴰ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵉⵙⵎⴷⵏ ⴳ ⵜⵣⵡⵓⵔⵉ, ⵅⴼ ⵓⴹⴰⴽⴰⵍ ⵏ ⵡⴰⴷⴰⴼ ⵖⵔ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⴷⵙⵍⴰⵏⵉⵏ, ⴰⵎ ⵡⴰⵡⴰⴹ ⴰⵎⵓⵟⵟⵓⵏ ⴷ ⵜⵎⵓⵛⴰ ⵓⵍⴰ ⵜⵉⵥⴹⴰⵕⵉⵏ ⵏ ⵜⵙⵙⵓⴷⵙⵜ, ⴷ ⵜⵥⴹⴰⵕⵜ ⴷ ⵜⵙⵓⴳⴰⵔ ⵜⵉⵏⴼⴳⴰⵏⵉⵏ, ⵜⵙⴼⴰⵡ ⵎⴰⵙ ⵉⵍⵍⴰ ⵡⴰⴱⴰⴹ ⴰⵎⵓⵟⵟⵓⵏ ⴳ ⵓⵙⵉⵥⴹⵕ ⵏ ⵉⵡⴰⵏⴽⵏ ⴳ ⵓⵙⴱⵓⵖⵍⵓ ⵏ ⵉⴼⵙⴰⵢⵏ ⵏⵏⵙⵏ ⵉⵎⵓⵟⵟⵓⵏⵏ ⴷ ⵓⵙⵏⵓⴱⴳ ⵏⵏⵙⵏ ⴷ ⵓⵙⵡⵓⴷⴷⵓ ⵏⵏⵙ ⵙ ⵓⵎⵙⴰⵙⴰ ⴰⴽⴷ ⵉⵙⵉⵡⵣⵉⵔⵏ ⵏⵏⵙ ⵉⵏⴰⵎⵓⵔⵏ.

ⵜⴼⵙⵔ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵜⵉⵙⴰⵡⵔⵉⵏ ⵜⵉⴷⵙⵍⴰⵏⵉⵏ ⵍⵍⵉ ⵉⵙⴽⴰⵔ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⴽⴰⵕⴹⴰ ⵏ ⵓⴱⵔⵉⴷ "AI Made in Morocco", ⵏⵏⴰ ⴳ ⵉⵍⵍⴰ ⵙⴱⵓⵖⵍⵓ ⵏ ⵡⴰⵎⵎⴰⵙⵏ ⵏ ⵜⵎⵓⵛⴰ, ⴷ ⵓⵙⴷⵓⵙ ⵏ ⵜⵓⵚⴽⴰ ⵜⴰⵏⴰⴷⴷⴰⵡⵜ ⵏ ⵓⴽⵍⴰⵡⴷ ⴳ ⵉⵍⵍⴰ ⵡⴰⴱⴰⴹ, ⵜⵥⵕⵉⴳⵜ ⵏ ⵜⵣⵎⵎⴰⵔ ⵉⴱⵓⵖⵍⴰⵏ ⵏ ⵜⵎⵙⵙⵓⴷⵙⵜ ⵎⵉ ⵢⴰⵜⵜⵓⵢ ⵓⵙⵡⵓⴷⴷⵓ, ⴰⵎ ⵓⵙⵡⵓⵔⵉ ⵏ ⵓⵎⵙⵙⵓⴷⵙ ⵉⴷⵓⵙⵏ ⴳ ⵜⵎⵏⵥⴰⵡⵜ ⵏ ⵡⴰⴼⵔⵉⵇⵢⴰⵏ, ⵓⵍⴰ ⴰⵕⵥⵥⵓⵎ ⵏ ⵓⵥⵟⵟⴰ ⴰⵏⴰⵎⵓⵔ ⵏ "JAZARI", ⵎⴽⵏⵏⴰ ⵜⵙⵎⴰⵢⵏⵓ ⴰⵙⴷⴷⵉⴷ ⵏ ⵜⵉⵔⴰⵜ ⵏ ⵜⴳⵍⴷⵉⵜ ⴳ ⵓⵙⵎⵓⵜⵜⴳ ⵏ 100 ⵏ ⵢⵉⴼⴹⵏ ⵏ ⵜⵥⴹⴰⵕⵉⵏ ⵜⵉⵎⵓⵟⵟⵓⵏⵉⵏ ⴽⵓ ⴰⵙⴳⴳⵯⴰⵙ ⴰⵔ 2030.

ⴳ ⵓⵎⵏⵉⴷ ⴰⴷ ⵏⵉⵜ, ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵣⵔⵉⵏⵜ ⵜⵏⵥⴰⵕ ⵉⵥⵍⵉⵏ ⵙ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵜⵉⵣⵎⵎⴰⵔ ⵏ ⴰⴽⴽⵯ ⵎⴰⵜⵜⴰ ⵓⵡⴰⵏⴽ ⵖⴰⵙ ⵏⵜⵜⴰ, ⵙ ⵡⵉⵍⵍⵉ ⴷ ⵢⵉⵡⵉⵏ ⴰⵚⵚⵕⵚⵓ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵉⴱⴷⴷⴰⵏ ⵅⴼ ⵜⵎⵢⵉⵎⴰⵏⵜ, ⴷ ⵓⵎⵔⴰⵔⴰ ⵏ ⵓⵣⴰⵍ, ⴷ ⵓⵙⴷⵓⵙ ⵏ ⵜⵥⴹⴰⵕⵉⵏ ⵜⴱⴷⵔ ⴰⵡⴷ ⵜⴰⴷⴰⴱⵓⵜ ⵏ D4SD Hub, ⵍⵍⵉ ⵜⵙⴱⵓⵖⵍⴰ ⵙ ⵜⴷⵔⴰⵡⵜ ⴰⴽⴷ ⵓⵖⴰⵡⴰⵙ ⵏ ⵜⵎⵜⵜⴰ ⵉⵎⵓⵏⵏ ⴰⵏⴳⵎⵓ, ⵎⴰⵙ ⵜⴳⴰ ⵢⴰⵏ ⵓⵙⴰⵢⵔⴰⵔ ⵏ ⵡⴰⵏⵏⴰⵍ ⵏ ⵉⵡⴰⵏⴽⵏ ⵉⴼⵔⵉⵇⵉⵢⵏ ⴷ ⵡⴰⵄⵕⴰⴱⵏ ⴳ ⵓⵙⴱⵓⵖⵍⵓ ⵏ ⵉⴼⵙⴰⵢⵏ ⵉⵎⵓⵟⵟⵓⵏⵏ ⵏⵏⴰ ⴳ ⵉⵍⵍⴰ ⵓⵙⵎⴰⴷ ⴷ ⵜⴰⵙⵓⵍⵜ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter