ⵜⵙⵖⵣⴰⵏ ⵜⵙⵇⵇⵉⵎⵜ ⵏ ⵓⴳⵏⵙⵓ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ ⴷ ⵜⵖⴰⵡⵙⵉⵡⵉⵏ ⵜⵉⵎⵙⵙⵓⴳⵓⵔⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴰⵜⴰ, ⴰⵙⵏⵜⵉ ⵏ ⵓⵙⵍⴳⵏ ⴰⵎⴰⴷⴷⴰⵙ ⵉⵥⵍⵉⵏ ⵙ ⵜⵙⵎⵍⴰ ⴳ ⵜⵔⵙⵓⵜⵉⵏ ⵢⴰⵜⵜⵓⵢⵏ.

9 June 2026

ⵜⵙⵖⵣⴰⵏ ⵜⵙⵇⵇⵉⵎⵜ ⵏ ⵓⴳⵏⵙⵓ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ ⴷ ⵜⵖⴰⵡⵙⵉⵡⵉⵏ ⵜⵉⵎⵙⵙⵓⴳⴰⵔ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴰⵜⴰ, ⴰⵙⵙ ⵏ ⵓⵙⵉⵏⴰⵙ 9 ⵢⵓⵏⵢⵓ 2026, ⵅⴼ ⵓⵙⵏⵜⵉ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 026.26 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 02.12 ⵉⵥⵍⵉⵏ ⵙ ⵜⵙⵎⵍⴰ ⴳ ⵜⵔⵙⵓⵜⵉⵏ ⵢⴰⵜⵜⵓⵢⵏ, ⵙ ⵓⵎⵙⴰⵙⴰ ⴰⴽⴷ ⵉⴱⴹⵉⵢⵏ ⵏ ⵓⵎⵏⵏⵉ 49 ⴷ 92 ⵏ ⵓⴷⵓⵙⵜⵓⵔ.

ⵜⵙⵎⵏⵉⴷ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⵍⵍⵉ ⵉⴳⴰⵏ ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵙⵏⵜⵉ ⵏ ⵓⵙⵍⴳⵏ ⴷⴰⵜ ⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵍⵍⵉⴳ ⵜⵙⵏⴽⴷ ⵉⵙⴱⴷⴰⴷⵏ ⵉⴷⵙⵍⴰⵏⵏ ⵍⵍⵉ ⵉⵍⵍⴰⵏ ⴳ ⵓⴹⵕⵉⵚ ⴰⴷ ⵓⵣⵔⵉⴼ.

ⵜⵙⴼⴰⵡ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵉⵡⴰⵜⵜⵙ ⵓⵙⵏⵜⵉ ⴰⴷ ⴰⵙⴷⵖⵉ ⴷ ⵓⵙⵎⴰⴷ ⵏ ⵜⵍⴳⴰⵎⵉⵏ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⴷ ⵜⵔⵙⵓⵜⵉⵏ ⵢⴰⵜⵜⵓⵢⵏ ⵍⵍⵉ ⴳ ⵉⵜⵜⵉⵍⵉ ⵓⵎⴹⴰⴽⴰⵕ ⵅⴼ ⵜⵙⵎⵍⴰ ⴳ ⵜⵎⵙⵜⴳⴳⴰⵔⵉⵏ ⵙⵔⵙⵏⵜ ⵉⵥⵍⵉⵏ, ⵙ ⵡⵉⵍⵍⵉ ⵢⴰⴽⴽⴰⵏ ⴰⴹⴰⴽⴰⵍ ⵏ ⵓⵙⵎⵙⴰⵙⴰ ⵏ ⵓⵙⴰⵜⵉ ⵓⵍⴳⵉⵏ ⴷ ⵓⵎⴰⴷⴷⴰⵙ ⴰⴽⴷ ⵜⵎⵉⵔⵉⵏ ⵜⵉⵎⵔⵙⴰⵍⵉⵏ ⴷ ⵜⵓⵣⵔⵉⴼⵉⵏ ⵍⵍⵉ ⵜⴰⵏⵏⴰⵢ ⵜⴳⵍⴷⵉⵜ.

ⵢⵓⵎⴰ ⵓⵙⵏⵜⵉ ⴽⵕⴰⴹ ⵏ ⵉⵙⴳⴳⴷⵏ ⵉⴷⵙⵍⴰⵏⵏ, ⵉⴳⴰⵜⵏ:

ⵓⵙⵉⴷⴼ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⴼⵔⴰⴳ ⵏ ⵉⵎⵥⵥⵢⴰⵏⵏ ⴳ ⵜⵍⴳⴰⵎⵜ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⵏⵏⴰ ⴳ ⵉⵍⵍⴰ ⵓⵎⴹⴰⴽⴰⵕ ⴳ ⵜⵙⵎⵍⴰ ⵏ ⵉⵎⵙⵜⴳⴳⴰⵔⵏ ⵏⵏⵙ ⴳ ⵓⵙⵇⵇⵉⵎ ⴰⵎⴰⵡⵙⴰⵙ;
ⴰⵙⴷⵖⵉ ⵏ ⵡⴰⵙⵙⴰⵖ ⵏ ⵜⵎⵔⵙⵍⵜ ⵜⴰⵎⵓⵃⵎⵎⴰⴷⵉⵢⵜ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵉ ⵉⵎⵙⵖⴰⵏⵏ ⵏ ⵜⵣⵔⴼⵜ ⵙ ⵓⵎⵙⴰⵙⴰ ⴰⴽⴷ ⵉⵙⴱⴷⴰⴷⵏ ⵓⵍⴳⵉⵏⵏ ⵉⵎⴰⵢⵏⵓⵜⵏ ⵍⵍⵉ ⵜⵜ ⵉⵙⵏⵎⴰⵍⴰⵏ;
ⵜⴰⵎⵔⵏⵉⵡⵜ ⵏ ⵢⴰⵜ ⵜⵔⵙⵓⵜ ⵏ ⵉⵎⵃⴹⴰⵏ ⵉⵏⵣⵔⴰⴼⵏ ⵉⵎⴰⵜⴰⵢⵏ ⵖⵔ ⵜⵍⴳⴰⵎⵜ ⵏ ⵜⵔⵙⵓⵜⵉⵏ ⵢⴰⵜⵜⵓⵢⵏ ⴳ ⵜⵎⵙⵙⵓⴳⴰⵜ ⵜⵉⴳⴷⵓⴷⴰⵏⵉⵏ ⵏⵏⴰ ⵅⴼ ⵉⵍⵍⴰ ⵓⵎⴹⴰⴽⴰⵕ ⴳ ⵜⵙⵎⵍⴰ ⴷⵉⴽⵙ ⴳ ⵓⵙⵇⵇⵉⵎ ⵏ ⵜⵏⴱⴰⴹⵜ.

ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵓⴷⴼⵏ ⵉⵙⴳⴳⴷⵏ ⴰⴷ ⴳ ⵓⴹⴼⴼⵓⵕ ⵏ ⵓⵙⵜⵔⴰⵔ ⵏ ⵓⵏⴳⵔⴰⵡ ⵓⵍⴳⵉⵏ ⵉⵜⵜⵉⵏ ⵉ ⵜⵙⵎⵍⴰ ⴳ ⵜⵔⵙⵓⵜⵉⵏ ⵢⴰⵜⵜⵓⵢⵏ, ⴷ ⵓⵙⴷⵓⵙ ⵏ ⵜⵎⵙⵉⵙⴰⵜ ⵏⵏⵙ ⴰⴽⴷ ⵉⵙⵏⴼⵍⵏ ⵉⵎⵔⵙⴰⵍⵏ ⴷ ⵡⵓⵣⵔⵉⴼⵏ ⵍⵍⵉ ⴰⵏⵏⴰⵢⵏ ⴽⵔⴰⵢⴳⴰⵜ ⵉⴳⵔⴰⵏ ⴷ ⵜⵎⵔⵙⴰⵍ ⵜⵉⵏⴰⵎⵓⵏⵉⵏ.

ⵔⴰⴷ ⵜⵉⵍⵉ ⵜⵙⵖⵣⵏⵜ ⵏ ⵓⵙⵏⵜⵉ ⴰⴷ ⴷⴼⴼⵉⵔ ⵏ ⵓⵙⵖⵣⵏ ⵏⵏⵙ ⵣⴳ ⵜⵏⵉⵍⴰ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴷ ⵓⵙⵇⵇⵉⵎ ⴰⵎⴰⵡⵙⴰⵙ ⴳ ⵓⵙⴰⴽⵓⴷ ⵏ 9 ⵉⵎⴱⵔⵉⵔ 2026, ⴽⵓⴷⵏⵏⴰ ⵉⵙⵎⴷ ⵓⴱⵔⵉⴷ ⵏⵏⵙ ⵓⵣⵔⵉⴼ ⵙ ⵓⵎⵙⴰⵙⴰ ⴰⴽⴷ ⵉⵙⴱⴷⴰⴷⵏ ⵉⴷⵙⵜⴰⵔⵏ ⵏⵏⴰ ⵙ ⵜⵍⵍⴰ ⵜⵡⵓⵔⵉ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter