ⴰⵔ ⵉⵙⵏⵎⴰⵍⴰ ⵡⴰⵎⵎⴰⵙ ⵉⴼⵔⵉⵇⵉ ⵏ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⵙⵙⵓⴳⵓⵔ ⵏ ⵜⴳⵎⵉ (ⴽⴰⴼⵕⴰⴷ) ⵢⴰⵏ ⵓⵙⴳⵔⴰⵡ ⴰⴳⵔⴰⵖⵍⴰⵏ ⵢⴰⵜⵜⵓⵢⵏ ⵉⵥⵍⵉⵏ ⵙ ⵜⵓⵎⴰⵢⵉⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵜⵥⴹⴰⵕⵜ ⴷ ⵓⵣⴷⴷⵓⵢ ⴰⵎⵏⵥⴰⵡ ⴳ ⵉⴼⵔⵉⵇⵢⴰ

11 May 2026

ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵏⵔⵓ ⵕⴱⴱⵉ, ⴰⵔ ⵉⵙⵏⵎⴰⵍⴰ ⵡⴰⵎⵎⴰⵙ ⵉⴼⵔⵉⵇⵉ ⵏ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⵙⵙⵓⴳⵓⵔ ⵏ ⵜⴳⵎⵉ (ⴽⴰⴼⵕⴰⴷ) ⴳ ⵜⵎⴷⵉⵏⵜ ⵏ ⵕⵕⴱⴰⵟ, ⵣⴳ 11 ⴰⵔ 13 ⵎⴰⵢⵢⵓ 2026, ⵢⴰ ⵓⵙⴳⵔⴰⵡ ⴰⴳⵔⴰⵖⵍⴰⵏ ⵢⴰⵜⵜⵓⵢⵏ ⵉⵥⵍⵉⵏ ⵙ ⵜⵓⵎⴰⵢⵉⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵜⵥⴹⴰⵕⵜ ⴷ ⵓⵣⴷⴷⵓⵢ ⴰⵎⵏⵥⴰⵡ ⴳ ⵉⴼⵔⵉⵇⵢⴰ.

ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵍⵍⵉ ⵉⴳⴰⵏ ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴻⵜⵜⵓⵙⵎⴰⴳⵍ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵡⴰⵎⵎⴰⵙ ⵉⴼⵔⵉⵇⵉ ⵏ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⵙⵙⵓⴳⵓⵔ ⵏ ⵜⴳⵎⵉ, ⵜⵉⴳⵉⵡⵔⵜ ⵏ ⵓⵕⵥⵥⵓⵎ ⵏ ⵓⵣⵎⵣⵣⵓ ⴰⴷ.

ⴳ ⵜⴳⵓⵔⵉ ⵏ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵙ ⵜⵎⵍⴷⴰ ⴰⴷ, ⵜⵙⴷⴷⵉⴷ ⵎⴰⵙ ⵜⴳⴰ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⵉⴽⵏⵓⵍⵓⵊⵉⵜ ⴰⵙⵙⴰ, ⵢⴰⵜ ⵜⵔⵙⵍⵜ ⵜⴰⴷⵙⵍⴰⵏⵜ ⵏ ⵉⵎⵙⵓⵔⴰⵙ ⵏ ⵡⴰⴱⴰⴹ, ⴷ ⵜⵎⵣⵉⵣⵡⵔⵜ ⵜⴰⴷⵎⵙⴰⵏⵜ, ⴷ ⵓⵙⵜⵔⴰⵔ ⵏ ⵜⵡⵓⵔⵉ ⵜⴰⴳⴷⵓⴷⴰⵏⵜ.

ⵎⴽⵏⵏⴰ ⵜⵎⵎⴰⵍ ⵎⴰⵙ ⵍⵍⴰⵏⵜ ⵖⵔ ⵜⵎⵏⵥⴰⵡⵜ ⵏ ⵉⴼⵔⵉⵇⵢⴰ ⴷⵖⵉ ⵜⵥⴹⴰⵕⵉⵏ ⵜⵉⵎⵇⵔⴰⵏⵉⵏ ⵍⵍⵉ ⴰⵙ ⵉⵜⵜⴳⴳⴰⵏ ⴰⴱⵓⵖⵍⵓ ⵏ ⵜⴰⵏⵏⴰⵢⵜ ⵏⵏⵙ ⵜⵓⵥⵍⵉⵢⵜ ⴳ ⵢⵉⴳⵔ ⵏ ⵜⵙⵎⵓⵟⵟⵓⵏⵜ ⴷ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⵙ ⵓⵎⵙⴰⵙⴰ ⴰⴽⴷ ⵉⵎⵏⵣⴰⵢⵏ ⵏ ⵓⵎⵢⴰⵡⴰⵙ ⴷ ⵉⵙⵍⵍⵡⵉ ⴷ ⵜⴳⵎⵉ ⵏ ⵜⵥⴹⴰⵕⵉⵏ ⴷ ⵡⴰⴱⴰⴹ ⴰⵜⵉⴽⵏⵓⵍⵓⵊⵉ. ⵜⵎⵎⴰⵍ ⴳ ⵓⵙⴰⵜⵉ ⴰⴷ ⵉⵙⵡⴰⵍⴰⵜⵏ ⵏⵏⴰ ⵉⴹⴼⴼⵓⵕ ⵍⵎⵖⵔⵉⴱ ⴳ ⵜⵙⵏⵜⴰⵢⵜ ⵏ “ⵍⵎⵖⵔⵉⴱ ⴰⵎⵓⵟⵟⵓⵏ 2030” ⴷ «AI Made in Morocco» ⵓⵍⴰ ⴰⵙⴰⵏⵓⴹ ⴰⵎⵖⵔⵉⴱⵉⵏ ⵏ ⵜⴳⵎⵉ ⵜⴰⵙⵓⵍⴰⵏⵜ D4SD ⴷ ⵓⵙⵏⵜⵉ ⵏ «JAZARI ROOT».

ⵢⴰⵏⵏⴰⵢ ⵓⵙⴳⵔⴰⵡ ⴰⴷ ⴰⴳⵔⴰⵖⵍⴰⵏ ⵜⴰⴷⵔⴰⵡⵜ ⵏ ⵉⵎⴰⵡⵙⴰⵙⵏ ⴷ ⵉⵎⵙⵇⴰⴷⵏ ⴷ ⵉⴳⵏⵙⴰⵙⵏ ⵏ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ, ⴷ ⵉⵎⵓⵣⴰⵢⵏ ⴷ ⵉⴽⴰⴷⵉⵎⵉⵢⵏ ⵓⵍⴰ ⵉⵎⴳⴳⴰⵢⵏ ⴳ ⵢⵉⴳⵔ ⴰⵎⵓⵟⵟⵓⵏ, ⴷⴷⴰⵏ ⴷ ⵣⴳ ⵛⵉⴳⴰⵏ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵜⵎⵉⵣⴰⵔ ⵜⵉⵏⵊⵎⵓⵜⵉⵏ, ⵃⵎⴰ ⴰⴷ ⴳⵉⵏ ⵓⵎⴹⴰⴽⴰⵕ ⵅⴼ ⵜⵙⵓⵎⴰⵔ ⵥⵍⵉⵏⵉⵏ ⵙ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵣⴷⴷⵓⵢ ⴰⵎⵏⵥⴰⵡ ⴷ ⵓⵙⵏⴼⵍ ⴰⵎⵓⵟⵟⵓⵏ ⴳ ⵜⵎⵏⵥⴰⵡⵜ ⵏ ⵉⴼⵔⵉⵇⵢⴰ.

ⵎⴽⵏⵏⴰ ⵙⴳⵎⴹⵏ ⵉⵎⴰⵡⵙⴰⵙⵏ ⴷ ⵡⵓⴷⵎⴰⵡⵏ ⴳ ⵜⴳⵉⵡⵔⵜ ⴰⴷ ⵏ ⵓⵕⵥⵥⵓⵎ, ⴳ ⵡⴰⵍⵓⴳ ⵏ ⵡⵓⵔⵖ ⵏ ⵡⴰⵎⵎⴰⵙ ⵉⴼⵔⵉⵇⵉ ⵏ ⵓⵙⵎⵓⵜⵜⴳ ⴰⵎⵙⵙⵓⴳⵓⵔ ⵏ ⵜⴳⵎⵉ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter