ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴳ ⵜⴳⵉⵔⴰ ⵏ ⵓⵙⴳⵔⴰⵡ ⵏ ⵜⵏⴱⴰⴹⵜ ⵉⵕⵥⵎⵏ ⵏ ⵉⴼⵔⵉⵇⵢⴰ 2026 ⴳ ⵕⵕⴱⴰⵟ, ⵎⴰⵙ ⵍⵍⴰⵏⵜ ⵖⵔ ⵉⴼⵔⵉⵇⵢⴰ ⴰⵙⵙⴰ ⵜⵔⵙⴰⵍ ⵏ ⵜⵓⵚⴽⴰ ⵏ ⵜⴰⵏⵏⴰⵢⵜ ⵏⵏⵙ ⵜⵓⵥⵍⵉⵢⵜ ⵏ ⵜⵏⵏⵓⴱⴹⴰ ⵉⵏⵏⵓⵕⵥⵎⵏ.

8 May 2026

ⵜⵏⵏⴰ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴳ ⵜⴳⵉⵔⴰ ⵏ ⵜⵡⵓⵔⵉⵡⵉⵏ ⵏ ⵓⴷⵡⴰⵍ ⵉⴼⵔⵉⵇⵉ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ 2026, ⵎⴰⵙ ⵍⵍⴰⵏⵜ ⵖⵔ ⵉⴼⵔⵉⵇⵢⴰ ⴰⵙⵙⴰ ⵇⴰⵃ ⵜⵔⵙⴰⵍ ⵏ ⵜⵓⵚⴽⴰ ⵏ ⵜⴰⵏⵏⴰⵢⵜ ⵏⵏⵙ ⵜⵓⵥⵍⵉⵢⵜ ⵏ ⵜⵏⵏⵓⴱⴹⴰ ⵉⵏⵏⵓⵕⵥⵎⵏ, ⵣⴳ ⵜⵉⵍⴰⵡⵜ ⴷ ⵉⵙⵉⵣⵡⵉⵔ ⴷ ⵓⵎⵢⴰⵏⴰⵡ ⵏ ⵜⵉⵔⵎⵉⵜⵉⵏ ⵏⵏⵙ, ⵎⴽⵏⵏⴰ ⵜⵙⴷⴷⵉⴷ ⵅⴼ ⵜⵥⴹⴰⵕⵉⵏ ⵍⵍⵉ ⵜⵎⵎⴰⵍ ⵜⵎⵏⵥⴰⵡⵜ ⴳ ⵓⴷⵡⴰⵍ ⴰⴷ, ⴳ ⵓⴼⴰⵔⵙ ⵏ ⵉⴼⵙⴰⵢⵏ ⵉⵙⵍⵍⵡⵉⵜⵏ ⴳ ⵉⴳⵔⴰⵏ ⵏ ⵜⵙⵓⵙⵖⵜ ⴷ ⵜⴷⵔⴰⵡⵜ ⵜⴰⵎⵓⵔⵉⵜ ⴷ ⵜⵔⴰⵡⵙⴰⵏⵜ ⵜⴰⴳⴷⵓⴷⴰⵏⵜ ⴷ ⵓⵙⵏⴼⵍ ⴰⵎⵓⵟⵟⵓⵏ.

ⵜⵙⴼⴰⵡ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴳ ⵓⴷⵡⴰⵍ ⴰⴷ ⴰⴼⵔⵉⵇⵉ ⵍⵍⵉ ⵉⵜⵜⵓⵙⴽⴰⵔⵏ ⴳ ⵕⵕⴱⴰⵟ, ⵉⵍⴷⵉ ⴷ ⵜⴰⴷⵉⵏⴰⵎⵉⵜ ⵜⴰⴼⵔⵉⵇⵉⵢⵜ ⵜⵓⵏⵥⵉⵥⵜ ⵉⴱⴷⴷⴰⵏ ⵅⴼ ⵜⵓⵚⴽⴰ ⵏ ⵢⴰⵏ ⵓⵣⵓⵔⵜ ⵉⴼⵔⵉⵇⵉ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ, ⴰⵔ ⵉⵙⵔⵓⵙ ⴰⴽⴰⵎⴷ ⵏⵏⵙ ⵅⴼ ⵡⴰⴷⴰⵙ ⵖⵔ ⵓⵏⵎⵓⵔⵉ ⴷ ⵓⵙⵉⴷⴼ ⴷ ⵉⵙⵍⵍⵡⵉ ⵓⵍⴰ ⴰⵎⴷⵔⴰⵡ ⴳ ⵓⵙⵏⴰⵎ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉ, ⵜⴱⴷⵔ ⴰⵡⴷ ⵎⴰⵙ ⴰⵔ ⵎⵎⴰⵍⵏⵜ ⵜⵉⵔⵎⵉⵜⵉⵏ ⵍⵍⵉ ⵉⵜⵜⵓⵙⴰⵔⵙⵏ ⴳ ⵉⴳⵔⴰⵏ ⵏ ⵓⵣⵔⴼ ⵏ ⵉⵎⵉⵥ ⵏ ⵡⵓⵎⵍⴰⵏ ⴷ ⵜⵎⵙⴰⵙⵜⵍⵉⵏ ⵜⵉⵏⵊⵎⵓⵜⵉⵏ ⴷ ⵜⵣⵔⴼⵜ ⵉⵏⵏⵓⵕⵥⵎⵏ ⴷ ⵜⵔⴰⵡⵙⴰⵏⵜ ⵜⴰⴳⴷⵓⴷⴰⵏⵜ ⵓⵍⴰ ⴰⵏⵏⵓⵕⵥⵎ ⵅⴼ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ, ⴰⴱⵓⵖⵍⵓ ⵏ ⵏ “ⵜⵉⵏⵎⵍ ⵜⴰⴼⵔⵉⵇⵉⵢⵜ” ⵏ ⵜⵏⵏⵓⴱⴹⴰ ⵉⵏⵏⵓⵕⵥⵎⵏ.

ⵎⴽⵏⵏⴰ ⵜⴳⴰ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵍⵖⵓ ⵏ ⵡⴰⴷⴰⵙ ⵏ ⵓⵙⵏⵎⴰⵍⴰ ⵏ ⵢⴰⵏ ⵓⵎⴰⴳⵔ ⴰⵏⴰⵎⵓⵔ ⴰⵏⴼⵔⴰⵔ ⴳ ⵜⵎⴷⵉⵏⵜ ⵏ ⴷⴷⴰⵅⵍⴰ, ⵅⴼ ⵜⵏⴱⴰⴹⵜ ⵉⵏⵏⵓⵕⵥⵎⵏ ⵙ ⵜⴷⵔⴰⵡⵜ ⵏ ⴽⵔⴰⵢⴳⴰⵜ ⵉⵎⵏⵜⴰⵢⵏ ⵙⵍⴰⵡⴰⵏⵏ ⴰⴽⴽⵯ ⵜⵉⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴰⴽⴷ ⵜⵉⵍⵉⵜ ⵉⴳⵓⴷⵉⵏ ⵏ ⵡⴰⵎⵓⵏ ⵓⵖⵔⵉⵎ.

ⴳ ⵜⴳⵉⵔⴰ ⵏ ⵜⵡⵓⵔⵉⵡⵉⵏ ⵏ ⵓⴷⵡⴰⵍ ⴰⴼⵔⵉⵇⵉ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ, ⵙⵙⵓⴼⵖⵏ ⴷ ⵜⵎⴰⴷⴷⴰⵙⵉⵏ ⵜⵉⴼⵔⵉⵇⵉⵢⵉⵏ ⵏ ⵡⴰⵎⵓⵏ ⵓⵖⵔⵉⵎ ⵏⵏⴰ ⵉⴷⵔⴰⵏ, “ⴰⵍⵖⵓ ⵏ ⵕⵕⴱⴰⵟ ⵉ ⵓⵙⴷⵓⵙ ⵏ ⵜⵎⵔⵉⵙⵜ ⵜⴰⵙⵔⵜⴰⵏⵜ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ ⴳ ⵉⴼⵔⵉⵇⵢⴰ”, ⵙⴷⴷⵉⴷⵏⵜ ⵜⴰⵎⵔⵉⵙⵜ ⵏⵏⵙⵏⵜ ⵜⴰⵎⴳⵔⵓⵜ ⴳ ⵓⴹⴼⴼⵓⵕ ⵏ ⵓⵚⵕⵚⵚⵓ ⵏ ⵉⵣⴰⵍⵉⵡⵏ ⵏ ⵜⵙⵓⵙⵖⵜ ⴷ ⵓⵙⵇⵙⴰ ⴷ ⵜⴷⵔⴰⵡⵜ ⵜⴰⵎⵓⵔⵉⵜ ⴳ ⵜⵎⵏⵥⴰⵡⵜ ⵏ ⵉⴼⵔⵉⵇⵢⴰ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter