ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴳ ⵎⵔⵣⵓⴳⴰ, ⵜⵉⴳⵉⵡⵔⵜ ⵏ ⵓⵏⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ RallyIA Future Lab, ⵍⵍⵉ ⵉⵜⵜⴰⵡⵙⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ.

16 June 2026

ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ 16 ⵢⵓⵏⵢⵓ 2026 ⴳ ⵎⵔⵣⵓⴳⴰ, ⵜⵉⴳⵉⵡⵔⵜ ⵏ ⵓⵏⵏⵓⵕⵥⵎ ⵏ ⵜⵡⵓⵔⵉⵡⵉⵏ ⵏ RallyIA Future Lab, ⵍⵍⵉ ⵉⵜⵜⴰⵡⵙⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵏⵔⵓ ⵕⴱⴱⵉ. ⴷⵔⴰⵏ ⴳ ⵓⵣⵎⵣⵣⵓ ⴰⴷ ⵡⵓⴳⴰⵔ ⵏ ⵢⵉⴼⴹ ⵏ ⵜⵎⴷⵔⴰⵡⵜ ⴷ ⵓⵎⴷⵔⴰⵡ ⵍⵍⵉ ⴷ ⵉⴷⴷⴰⵏ ⵣⴳ ⵇⴰⵃ ⵜⵎⵏⴰⴹⵉⵏ ⵏ ⵜⴳⵍⴷⵉⵜ, ⵎⴽⵏⵏⴰ ⵍⵍⴰⵏ ⵓⵍⴰ ⴽⵔⴰⵢⴳⴰⵜ ⵉⵎⵙⵜⴳⴳⴰⵔⵏ ⵓⵏⴱⵉⴹⵏ ⴷ ⵉⵎⵔⵙⴰⵍⵏ ⴷ ⵉⵖⵉⵡⴰⵏⵏ ⵓⵍⴰ ⵉⵎⵓⵣⴰⵢⵏ.

ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴳ ⵜⴳⵓⵔⵉ ⵏⵏⵙ ⵎⴰⵙ ⵜⵓⴷⴼ ⵜⵙⵏⵜⴰⵢⵜ ⴰⴷ ⴳ ⵓⵙⴰⵜⵉ ⵏ ⵜⴷⵉⵏⴰⵎⵉⵜ ⵍⵍⵉ ⵉⴽⵛⵎⵏ ⴳ ⵜⵙⵜⵔⴰⵜⵉⵊⵉⵜ ⵏ “ⵍⵎⵖⵔⵉⴱ ⴰⵎⵓⵟⵟⵓⵏ ⵏ 2030”, ⵜⵎⵙⴰⵙⴰ ⴰⴽⴷ ⵉⵙⵖⵍⴰⴼ ⵏ ⵓⴷⵡⴰⵍ ⴰⵏⴰⵎⵓⵔ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⴽⴰⵕⴹⴰ ⵏ ⵓⴱⵔⵉⴷ ⵏ “AI Made in Morocco”. ⵎⴽⵏⵏⴰ ⵜⴱⴷⵔ ⵎⴰⵙ ⵜⴳⴰ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴰⵙⵙⴰ ⵢⴰⵜ ⵜⵎⵙⵙⵉⵍⵉⵜ ⵜⴰⵙⵜⵔⴰⵜⵉⵊⵉⵜ ⵏ ⵓⵙⴷⵓⵙ ⵏ ⵡⴰⴱⴰⴹ ⴰⵎⵓⵟⵟⵓⵏ, ⴷ ⵓⵙⵉⵍⵉ ⵣⴳ ⵜⵎⵣⵉⵣⵡⵔⵜ ⵜⴰⴷⵎⵙⴰⵏⵜ ⴷ ⵓⵙⵜⵔⴰⵔ ⵏ ⵜⵡⵓⵔⵉ ⵜⴰⴳⴷⵓⴷⴰⵏⵜ, ⴷ ⵓⵙⵓⵜⴳ ⵏ ⵓⴷⴳⴰⵔ ⴰⵏⴼⴳⴰⵏ ⵙ ⵡⵉⵍⵍⵉ ⵔⴰⴷ ⵢⴰⵡⵙ ⵉⴳⵔⴰⵏ ⵉⵜⵜⵎⵓⵙⵙⵓⵏ ⵣⵓⵏⴷ ⵜⵉⴳⵎⵉ ⴷ ⵓⵙⵍⵎⴷ ⴷ ⵜⴷⵓⵙⵉ ⵓⵍⴰ ⵜⴰⴼⵍⵍⴰⵃⵜ ⴷ ⵜⵥⴹⴰⵕⵜ ⴷ ⵉⵊⵎⵉⵍⵏ ⵉⴳⴷⵓⴷⴰⵏⵏ.

ⵎⴽⵏⵏⴰ ⵜⴼⵙⵔ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵜⵉⵙⴰⵡⵔⵉⵏ ⵜⵉⵏⴼⵔⴰⵔⵉⵏ ⵍⵍⵉ ⵜⵕⵥⵎ ⵜⵎⴰⵡⴰⵙⵜ ⴳ ⵢⵉⴳⵔ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ, ⵙⴰⵍⴰⵡⴰⵏⵏ ⴰⴽⴽⵯ ⵉⵙⵉⵏⴰⴳⵏ ⵏ ⵊⴰⵥⴰⵕⵉ ⴷ ⵡⴰⵎⵎⴰⵙ ⴰⵄⵕⴰⴱ ⴰⴼⵔⵉⵇⵉ D4SD, ⴷ ⵓⵙⵏⵜⵉ ⵏ ⵓⵙⵍⴳⵏ ⵉⵥⵍⵉⵏ ⵙ ⵜⵎⵙⵙⵓⴳⵓⵔⵜ ⵜⴰⵎⵓⵟⵟⵓⵏⵜ ⵓⵍⴰ ⴰⵙⵔⵓⵙ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵉⵥⵍⵉⵏ ⵙ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⵉⴽⵏⵓⵍⵓⵊⵉⵜ ⵉⵙⵙⵏⵜⵉⵏ. ⵎⴽⵏⵏⴰ ⵜⴷⴼⴰⵡ ⵎⴰⵅ ⴰⵍⵍⵉ ⵜⵙⵜⵉ ⵎⵔⵣⵓⴳⴰ ⴰⴳ ⴳⵉⵙ ⵜⵙⴽⵔ ⴰⵙⴰⵔⵎ ⴰⴷ ⴰⵏⴰⵎⵓⵔ, ⵜⵙⵙⵓⵜⵔ ⵣⴳ ⵜⵎⴷⵔⴰⵡⵉⵏ ⴷ ⵉⵎⴷⵔⴰⵡⵏ ⴰⴷ ⴱⵣⵔⵏ ⴳ ⵜⵓⵚⴽⴰ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴰⵎⵙⵜⴳⴳⴰⵔ ⴷ ⵓⵏⴼⵍⵓⵙ, ⵍⵍⵉ ⵔⴰⴷ ⵉⵙⵔⵙ ⵉⵙⵍⵍⵡⵉ ⴳ ⵓⵊⵎⵉⵍ ⵏ ⵜⴳⵎⵉ ⵏ ⵜⴳⵍⴷⵉⵜ ⴷ ⵓⵙⴷⵓⵙ ⵏ ⵓⵥⵏⵥⵕ ⵏⵏⵙ ⴳ ⵓⵙⵡⵉⵔ ⴰⵙⴳⴰⵡⴰⵏ ⴷ ⵓⵎⴰⴹⵍⴰⵏ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter