Skip to main content
ministre showcase

ⵉⵙⴷⴷⵉⴷ ⵎⴰⵙ ⴰⵃⵎⴰⴷ ⵕⵃⵃⵓ ⴳ ⵜⵎⵔⴰⵔⵓⵜⵉⵏ ⵏⵏⵙ ⵅⴼ ⵉⵙⵇⵙⵉⵜⵏ ⵏ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⴰⵔⴰⵏ ⴳ ⵜⴳⵉⵡⵔⵜ ⵏ ⵉⵙⵇⵙⵉⵜⵏ ⵉⵎⵉⵡⴰⵏⵏ ⴳ ⵓⵙⵇⵇⵉⵎ ⵏ ⵉⵎⴰⵔⴰⵏ ⵎⴰⵙ ⴷⴰ ⵜⵙⵡⵓⵔⵉ ⵜⵎⴰⵡⴰⵙⵜ ⵅⴼ ⵓⵙⴱⵓⵖⵍⵓ ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ...

  • Accueil
  • ⵉⵙⴷⴷⵉⴷ ⵎⴰⵙ ⴰⵃⵎⴰⴷ ⵕⵃⵃⵓ ⴳ ⵜⵎⵔⴰⵔⵓⵜⵉⵏ ⵏⵏⵙ ⵅⴼ ⵉⵙⵇⵙⵉⵜⵏ ⵏ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⴰⵔⴰⵏ ⴳ ...
date icon

ⵉⵙⴷⴷⵉⴷ ⵎⴰⵙⵙ ⴰⵃⵎⴰⴷ ⵕⵃⵃⵓ, ⴰⵎⴰⵡⵙⴰⵙ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⴳ ⵜⵎⵔⴰⵔⵓⵜⵉⵏ ⵏⵏⵙ ⵅⴼ ⵉⵙⵇⵙⵉⵜⵏ ⵏ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⴰⵔⴰⵏ ⴳ ⵜⴳⵉⵡⵔⵜ ⵏ ⵉⵙⵇⵙⵉⵜⵏ ⵉⵎⵉⵡⴰⵏⵏ ⴳ ⵓⵙⵇⵇⵉⵎ ⵏ ⵉⵎⴰⵔⴰⵏ, ⴰⵙⵙ ⵏ ⵡⴰⵢⵏⴰⵙ 16 ⵏⵓⵡⴰⵏⴱⵉⵔ 2026, ⵎⴰⵙ ⴰⵔ ⵜⵙⵡⵓⵔⵉ ⵜⵎⴰⵡⴰⵙⵜ ⵅⴼ ⵓⵙⴱⵓⵖⵍⵓ ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵖⵓⴷⵓ ⵜⵖⵎⵙⴰ ⵙ ⵉⵥⴹⵡⴰⵏ ⵏ ⵡⴰⵡⴰⴹⵏ, ⴷ ⵓⵙⴷⴷⵔⴼ ⵏ ⵜⵙⵎⵓⵟⵟⵓⵏⵜ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ, ⵙ ⵡⵉⵍⵍⵉ ⵔⴰⴷ ⵉⵙⴷⵓⵙ ⵜⵉⵕⵡⵉ ⵏ ⵉⵊⵎⵉⵍⵏ ⵉⵜⵜⵓⵙⵎⵏⵉⴷⵏ ⵉ ⵉⵏⵎⵓⵔⴰⵏ ⴷ ⵜⵎⵣⵉⵣⵡⵔⵜ ⵏ ⵜⵎⵙⵙⵏⴰⵜⵢⵉⵏ ⵓⵍⴰ ⵜⵉⵕⵡⵉ ⵏ ⵜⵎⵙⵙⵓⴳⵓⵔⵜ

ⴳ ⵎⴰⴷ ⵉⵥⵍⵉⵏ ⵙ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⵉⴱⴷⵔ ⵎⴰⵙⵙ ⴰⵎⴰⵡⵙⴰⵙ ⵉⵙⵡⴰⵍⴰⵜⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ ⵏⵏⴰ ⵉⵖⵔⴰⵏ ⵉ ⵓⵕⵥⵥⵓⵎ ⵏ ⵜⵙⵓⵜ ⵜⴰⵎⴰⵢⵏⵓⵜ ⵏ ⵏ ⵜⵙⵜⵔⴰⵜⵉⵊⵢⵉⵏ ⵜⵉⵅⴰⵜⴰⵔⵉⵏ, ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⵏ ⵜⴷⵎⵙⴰ ⵜⴰⵎⵓⵟⵟⵓⵏⵜ ⴷ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⵉⵙⴷⴷⵉⴷ ⵎⴰⵙ ⵜⴳⴰ ⵜⵉⵔⴰⵜ ⵏ ⵍⵎⵖⵔⵉⴱ ⴷ ⴰⴷ ⵉⴳ ⴰⵎⴳⴳⴰⵢ ⴳ ⵓⵙⴱⵓⵖⵍⵓ ⵏ ⵜⴽⵏⵓⵍⵓⵊⵉⵜ ⴰⴷ ⴷ ⵓⴼⴰⵔⵙ ⵏ ⵉⴼⵙⴰⵢⵏ, ⵙ ⵓⵙⴷⴷⵔⴼ ⵏ ⵓⵙⵎⵀⵍ ⵏ ⵜⴽⴰⵕⴹⴰ  ⵏ ⵓⴱⵔⵉⴷ ⵜⴰⵏⴰⵎⵓⵔⵜ “AI Made in Morocco”, ⴳ ⵓⵙⵎⴰⴷ ⴰⴽⴷ ⵜⵙⵜⵔⴰⵜⵉⵊⵉⵜ ⵏ “ ⵍⵎⵖⵔⵉⴱ ⴰⵎⵓⵟⵟⵓⵏ 2030”.

ⵉⵙⴼⴰⵡ ⵎⴰⵙ ⵓⵎⴰⵏ ⵉⵙⵉⵣⵡⵉⵔⵏ ⴰⵙⵖⵔⵜ ⵏ ⵜⵙⵓⴳⴰⵔ ⵜⵉⵏⴰⵎⵓⵔⵉⵏ ⵉ ⵜⵎⵓⵏⵉ ⴰⴽⴷ ⵉⵙⵏⴼⴰⵍ ⵏⵏⴰ ⵔⴰⴷ ⵜⵙⴽⵔ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴳ ⴽⵔⴰⵢⴳⴰⵜⵜ ⵜⴰⵣⵣⵓⵍⵉⵏ, ⴷ ⵓⵙⵖⴰⵏ ⵏ ⵜⴽⵏⵓⵍⵓⵊⵉⵜ ⴰⴷ ⴳ ⵓⵙⵖⵓⴷⵓ ⵏ ⵓⵙⵡⵓⴷⴷⵓ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ, ⵓⵍⴰ ⴰⵙⴱⵓⵖⵍⵓ ⵏ ⵉⵎⴰⵡⴰⵙⵏ ⵉⵎⵉⵖⵉⵙⵏ ⵉ ⵜⵎⵙⵙⵓⴳⴰⵔ ⴷ ⵜⵎⵙⵙⵏⵜⴰⵢⵉⵏ. ⵎⴽⴷⴰ ⵉⵙⵙⵎⵜⵔ ⴰⵙⴷⴷⵔⴼ ⵏ ⵓⵙⵎⵀⵍ ⵏ ⵉⵥⴹⵡⴰⵏ ⵏ ⵊⴰⵥⴰⵕⵉ “ⵍⵊⴰⵥⴰⵕⵉ”, ⴷ ⵓⵙⴷⵓⵙ ⵏ ⵏ ⵜⵥⴹⴰⵕⵉⵏ ⵜⵉⵏⴰⵎⵓⵔⵉⵏ ⴳ ⵢⵉⴳⵔ ⵏ ⵜⵙⵎⵓⵟⵟⵓⵏⵜ ⴷ ⵓⵙⵎⵀⵍ ⵏ ⵉⵎⴰⵙⵙⵏ ⵏ ⵓⵙⵥⵕⴼ ⵏ ⵜⵎⵙⵙⵏⵜⴰⵢⵉⵏ ⵉⵜⵜⵅⵉⵜⵉⵔⵏ, ⵙ ⵜⵉⵔⴰⵜ ⵏ ⵓⵙⵎⵓⵙⵙⵓ ⵏ 2,5 ⵎⵍⵢⴰⵕ ⵏ ⵓⴷⵔⵀⵎ, ⴰⴽⴷ ⵜⵎⵔⵉⵙⵜ ⵏ ⵓⴹⴰⴽⴰⵍ ⵏ ⵓⵙⵎⵔⵙ ⴰⵎⵙⵜⴳⴳⴰⵔ ⵜⵉⵍⵉ ⴳⵉⵙ ⵜⵏⴼⵔⵓⵜ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ.

ⴳ ⵎⴰⴷ ⵉⵥⵍⵉⵏ ⵙ ⵓⵙⵖⵓⴷⵓ ⵏ ⵜⵖⴰⵎⵙⴰ ⵙ ⵡⴰⵏⵜⵉⵔⵏⵉⵜ, ⵉⵏⵏⴰ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⵉⵡⴰⵜⵜⵙ ⵓⴳⵣⵣⵓⵎ ⵡⵉⵙ ⵙⵉⵏ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵜⵢⴳⵎⵉ ⵏ ⵡⴰⵏⵜⵉⵔⵏⵉⵜ ⵜⴰⵏⴼⵍⵍⴰⵜ, ⵜⴰⵖⴰⵎⵙⴰ ⵏ 2000 ⵏ ⵜⵎⵏⴰⴹⵜ ⵜⴰⴼⴰⵔⴰⵏⵜ ⵏⵏⴰ ⵎⵉ ⵜⴷⵔⵓⵙ ⵜⵖⵎⵙⴰ ⵏⵉⵖ ⵓⵔ ⴰⴽⴽⵯ ⵜⵍⵍⵉ, ⴰⴽⴷ ⵓⴽⴰⵎⴷ ⵏ ⵓⵣⵣⵔⴰⵢ ⵏ ⵜⵍⴳⴰⵎⵉⵏ ⵏ ⵜⵎⵏⴰⴹⵉⵏ ⵜⵉⵎⵏⵜⴰⵢⵉⵏ ⵙ ⵓⵎⵙⴰⵙⴰ ⴰⴽⴷ ⵜⵎⵢⴰⴷⴰⵙⵜ ⵜⴰⵏⵊⵎⵓⵜ ⵢⵓⵎⴰⵏ ⵉⴱⵕⵍⴰⵎⴰⵏⵉⵢⵏ ⴷ ⵜⵏⴱⴰⴹⵉⵏ ⵜⵉⴷⵖⵔⴰⵏⵉⵏ ⴷ ⵉⴳⵔⴰⵡⵏ ⵉⵎⵙⵜⴰⵢⵏ.

ⵎⴽⴷⴰ ⵉⵙⴼⴰⵡ ⵜⴰⵣⵎⵔⵜ ⵏ ⵓⵙⵎⵔⵙ ⵏ ⵉⴼⵙⴰⵢⵏ ⵏ ⵡⴰⵡⴰⴹ ⵙ ⵉⵙⴰⵜⵉⵍⵏ ⴳ ⵜⵎⵏⴰⴹⵉⵏ ⵏⵏⴰ ⵖⵔ ⵉⵛⵇⵇⴰ ⵡⴰⴷⴰⴼ, ⴷ ⵓⵙⵅⵉⵜⵔ ⵏ ⵓⵊⵎⵉⵍ ⵏ “ⵓⵙⴰⵔⴰ ⴰⵏⴰⵎⵓⵔ” ⵏⵏⴰ ⵢⵓⵎⴰⵏ ⴷⵖⵉ ⵓⴳⴰⵔ ⵏ 7000 ⵏ ⵜⵎⵏⴰⴹⵜ. ⵉⵙⵙⵎⵜⵔ ⴰⵡⴷ ⵜⴰⵙⴽⵔⴰⵡⵜ ⵏ ⵓⵙⵉⴼⴼ ⴰⵎⵣⵡⴰⵔⵓ ⵏ ⵜⵖⴰⵎⵙⴰ ⵢⵓⵎⴰⵏ ⴰⵜⵜⴰⵢⵏ ⵏ 50 ⵏ ⵢⵉⴼⴹ ⵏ ⵉⴷ ⴽⵉⵍⵓⵎⵉⵜⵔ ⵏ ⵉⴱⵔⴷⴰⵏ, ⴰⴽⴷ ⵓⴹⴼⴼⵓⵕ ⵏ ⵓⵎⴰⵜⵔ ⵏ ⵜⵖⴰⵎⵙⴰ ⵏ ⵉⴱⵔⴷⴰⵏ ⵉⵙⴳⴰⵡⴰⵏⵏ ⴳ ⵓⵙⴳⴳⵯⴰⵙ ⵏ 2027.

ⴳ ⵜⵙⴳⴰ ⵏ ⵜⵙⵎⵓⵟⵟⵓⵏⵜ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ, ⵉⵙⴼⴰⵡ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⴰⵔ ⵜⵙⵡⵓⵔⵉ ⵜⵎⴰⵡⴰⵙⵜ ⵅⴼ ⵓⵙⵎⴰⴷ ⵏ ⵓⵙⴰⵜⵉ ⵓⵍⴳⵉⵏ ⴷ ⵓⵎⴰⴷⴷⴰⵙ, ⴷ ⵓⵙⵀⵡⵏ ⴷ ⵜⵙⵎⵓⵟⵟⵓⵏⵜ ⵏ ⵉⵍⵓⴳⵏⵏ ⵉⵎⵙⵙⵓⴳⵓⵔⵏ, ⴷ ⵓⵙⴱⵓⵖⵍⵓ ⵏ ⵜⴰⵡⵡⵓⵔⵜ ⵜⴰⵏⴰⵎⵓⵔⵜ (idarati.ma), ⴷ ⵓⵙⴷⴷⵔⴼ ⵏ ⵓⵎⵔⴰⵔⴰ ⵏ ⵜⵎⵓⵛⴰ ⵏⴳⵔ ⵜⵎⵙⵙⵓⴳⴰⵔ ⵉ ⵓⵙⴷⵔⵙ ⵏ ⵜⵏⵜⴰⵎⵉⵏ ⵉⵜⵜⵢⴰⵜⵜⴰⵔⵏ ⴷ ⵓⵎⵓⵜⵜⵓⵢⵏ ⵏ ⵉⵙⵏⵎⵔⴰⵙⵏ.

ⵉⵏⵏⴰ ⵎⴰⵙ ⵓⵎⴰⵏⵜ ⵜⵙⴰⵡⵔⵉⵏ ⴰⴷ ⴰⵡⴷ ⴰⵙⵎⴰⵜⴰ ⵏ ⵏ ⵜⵎⴰⴳⵉⵜ ⵜⴰⵎⵓⵟⵟⵓⵏⵜ ⴷ ⵓⵙⵡⵓⴷⴷⵓ ⴰⵍⵉⴽⵜⵕⵓⵏⵉ ⵓⵍⴰ ⴰⵙⴱⵓⵖⵍⵓ ⵏ ⵓⵎⴷⵢⴰ “ⵜⵉⴷⵎⵎⵉ ⵏ ⵓⵏⵎⵓⵔⵉ” ⵉ ⵓⵙⵓⴷⵙ ⵏ ⵉⵊⵎⵉⵍⵏ ⵉⵎⵓⵟⵟⵓⵏⵏ ⵉ ⵉⵏⵙⵎⵔⴰⵙⵏ ⴷ ⵓⵙⵖⵔⵜ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⵙ ⵉⵖⴰⵡⴰⵙⵏ ⵏ ⵓⵙⵎⵓⵜⵜⴳ ⴷ ⵜⵎⵓⵏⵉ ⴰⴽⴷ ⵓⵙⵏⴼⵍ ⴰⵎⵓⵟⵟⵓⵏ.

ⴷ ⵉⵙⴷⴷⵉⴷ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⵉⴳⴰ ⵓⵡⵜⵜⴰⵙ ⵏ ⵜⵙⴰⵡⵔⵉⵏ ⴰⴷ ⴷ ⴰⵣⵣⴳⵉⵔ ⵏ ⵜⵔⵙⵓⵜ ⵜⴰⴽⵎⴰⵎⵜ ⴳ ⵜⵓⴷⵔⵜ ⵏ ⵉⵏⵎⵓⵔⴰⵏ ⴷ ⵓⵙⵖⵓⴷⵓ ⵏ ⵉⵊⵎⵉⵍⵏ ⵉⵎⵓⵟⵟⵓⵏⵏ, ⵓⵍⴰ ⴰⵙⴷⵓⵙ ⵏ ⵓⴼⴰⵔⵙ ⵏ ⵜⵎⵙⵙⵏⵜⴰⵢⵉⵏ ⴷ ⵜⵕⵡⵉ ⵏ ⵜⵎⵙⵙⵓⴳⵓⵔⵜ.

 
 

Subscribe to our newsletter