Skip to main content
ministre showcase

ⴰⵙⵏⵓⴱⴳ ⵏ ⵉⵎⴰⵡⴰⵙⵏ ⵏ ⵓⵙⵏⵓⴱⴳ ⵏⵏⴰ ⵉⵙⴰⵡⴰⵍⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ

  • Accueil
  • ⴰⵙⵏⵓⴱⴳ ⵏ ⵉⵎⴰⵡⴰⵙⵏ ⵏ ⵓⵙⵏⵓⴱⴳ ⵏⵏⴰ ⵉⵙⴰⵡⴰⵍⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ
date icon

ⵜⵙⵏⵓⴱⴳ ⵎⴰⵙⵙⴰ ⵄⵉⵛⴰ ⴳⵍⵍⴰⵄ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵎⴰⵡⵙⴰⵙ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⵉⵜⵜⵓⵙⵎⴰⴳⵍⵏ ⵙ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ 12 ⵏⵓⵡⴰⵏⴱⵉⵔ 2023, ⴰⴽⴰⴱⴰⵕ ⵏ ⵓⵏⵎⴰⵍⵍⵓ ⴰⵏⴰⵎⵓⵔ ⵏ ⵉⵎⴰⵡⴰⵙⵏ ⵏ ⵓⵙⵏⵓⴱⴳ ⵏⵏⴰ ⵉⵙⴰⵡⴰⵍⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵏⵏⴰ ⵢⴰⵎⵓⵏ ⴳ ⵜⵎⵓⵏⵉ ⵜⴰⵎⵖⵔⵉⴱⵉⵜ ⵏ ⵜⵡⵓⵔⵉ.

ⵉⵜⵜⵓⵥⵍⵉ ⵓⵎⴰⴳⵔ ⵉ ⵓⵙⴼⵍⴷ ⵉ ⵜⵓⵜⵔⴰⵡⵉⵏ ⵏ ⵓⵏⵎⴰⵍⵍⵓ ⴰⴷ, ⵜⵉⵍⵍⵉ ⵢⵓⵎⴰⵏ ⴽⵔⴰⵢⴳⴰⵜⵜ ⵉⵙⴽⴽⵉⵏⵏ ⵏⵏⴰ ⵉⵥⵍⵉⵏ ⵙ ⵡⴰⴷⴷⴰⴷ ⵏⵏⵙⵏ ⴰⵣⵣⵓⵍⴰⵏ ⴷ ⵜⵎⴰⵎⴽⵉⵏ ⵏ ⵓⴷⵔⴰⵡ ⴳ ⵓⵙⵎⵀⵍ ⵏ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴳ ⵜⵎⵙⵙⵓⴳⴰⵔ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ.

ⵜⴱⵔⵔⴽ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵉ ⵜⵡⵏⴳⵉⵎⵉⵏ ⴷ ⵜⵙⵓⵎⴰⵔ ⵏⵏⴰ ⴷ ⵢⵉⵡⵉ ⵓⴽⴰⴱⴰⵕ, ⵎⴽⴷⴰ ⵜⵙⴼⴰⵡ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⵔⵎⴰⵙ ⵏⵏⵙ ⵉ ⵜⵓⵜⵔⴰⵡⵉⵏ ⵏ ⵓⵏⵎⴰⵍⵍⵓ, ⴷ ⵔⴰⴷ ⵜⵉⵍⵉ ⵜⵖⴱⵉ ⵏ ⵓⵎⵢⴰⵡⴰⴹ ⴷ ⵉⵎⴹⴰⴽⴰⵕⵏ ⴰⴽⴷ ⵜⵎⵏⴰⴹⵉⵏ ⵜⵉⵎⵜⴰⵢⵉⵏ ⵃⵎⴰ ⴰⴷ ⵥⵕⵏ ⵜⵓⵜⵔⴰⵡⵉⵏ ⴰⴷ.

ⵏⴱⴷⵔ ⴰⵡⴷ ⵎⴰⵙ ⵜⵏⵏⵓⵕⵥⵎ ⵜⵎⴰⵡⴰⵙⵜ ⵅⴼ ⵇⴰⵃ ⵉⵎⵓⵙⵙⵓⵜⵏ ⵙ ⵓⵎⵙⴰⵙⴰ ⴰⴽⴷ ⵜⵎⵢⴰⴷⴰⵙⵜ ⵜⴰⵏⵊⵎⵓⵜ ⴷ ⵜⵣⵣⵉⴳⵣⴰⵏⵜ ⵏ ⵓⵙⵎⵀⵍ ⵏ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴳ ⵜⵎⵙⵙⵓⴳⴰⵔ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ.

 
 

Subscribe to our newsletter