ⵜⴷⵔⴰ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ 2 ⴽⵟⵓⴱⵕ 2026, ⴳ ⵓⵙⴳⵔⴰⵡ ⵏ ⴹⴹⴰⵕ ⵍⴱⵉⴹⴰ ⵏ ⵜⵡⵓⵔⵉⵡⵉⵏ

2 October 2026

ⵜⴷⵔⴰ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ 2 ⴽⵟⵓⴱⵕ 2026, ⴳ ⵓⵙⴳⵔⴰⵡ ⵏ ⴹⴹⴰⵕ ⵍⴱⵉⴹⴰ ⵏ ⵜⵡⵓⵔⵉⵡⵉⵏ, ⵉⵜⵜⵓⴳⴰⵏ ⴷⴷⴰⵡ ⵏ ⵜⵎⴰⵜⴰⵔⵜ ⵏ “ⵉⵎⵉⵔ ⴰⴷⵎⵙⴰⵏ ⴷ ⵉⴷⴷⴰⵏ ⵉ ⵉⴼⵔⵉⵇⵢⴰ”.

ⵉⵙⵎⴰⵏ ⵓⵙⴳⵔⴰⵡ ⵉⵎⵙⵜⴳⴳⴰⵔⵏ ⵉⴳⴷⵓⴷⴰⵏⵏ ⴷ ⵉⴳⵏⵙⴰⵙⵏ ⵏ ⵜⵎⵙⵙⵓⵔⵉⵏ ⴷ ⴰⵢⵜ ⵓⵙⵙⴰⵔⵓ ⴷ ⵉⵎⵓⵣⴰⵢⵏ, ⵉⴷⴷⵖ ⵜⵜⵓⴳⴰⵏⵜ ⵜⵡⵓⵔⵉⵡⵉⵏ ⵏⵏⵙ ⵉ ⵓⵎⴹⴰⴽⴰⵕ ⵅⴼ ⵉⵎⵏⵉⴷⵏ ⵏ ⵜⴳⵎⵉ ⴳ ⵜⵎⵏⵥⴰⵡⵜ ⵏ ⵉⴼⵔⵉⵇⵢⴰ, ⴳ ⵓⵙⴰⵜⵉ ⵏ ⵉⵙⵏⴼⴰⵍ ⵉⴷⵎⵙⴰⵏⵏ ⴷ ⵉⵜⵉⴽⵏⵓⵍⵓⵊⵉⵢⵏ ⵏⵏⴰ ⵉⵥⵕⵕⴰ ⵓⵎⴰⴹⴰⵍ.

ⴳ ⵜⴳⵉⵡⵔⵜ ⵏ “ⵓⵙⵏⴼⵍ ⴰⵎⴰⴹⵍⴰⵏ: ⵎⴰ ⴷ ⵉⴳⴰⵏ ⵜⵉⵎⵙⵙⵉⵍⵉⵢⵉⵏ ⵏ ⵓⵣⵣⴳⵉⵔ ⵏ ⵡⴰⴱⴰⴹ ⴷ ⵜⴳⵎⵉ ⴳ ⵉⴼⵔⵉⵇⵢⴰ?”, ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵉⴱⴷⴷⴰ ⵓⵙⴱⵓⵖⵍⵓ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵅⴼ ⵜⵙⵓⴳⴰⵔ ⴷ ⵡⴰⵎⵎⴰⴽⵏ ⵉⵎⴰⵙⵙⴰⵏⵏ ⵉⴽⵎⴰⵎⵏ, ⵜⵙⵙⴽⵜⵉ ⵙ ⵓⴽⴰⵎⴷ ⵏ ⵓⵙⵎⵓⵏ ⵏⴳⵔ ⵜⵄⵄⵓⵔⵎⴰ ⴷ ⵜⵙⴷⴰⵡⵉⵢⵉⵏ ⴷ ⵜⵎⵙⵙⵓⵔⵉⵏ ⵉⵜⵜⵅⵉⵜⵉⵔⵏ ⴷ ⵜⵎⵙⵙⵏⵜⴰⵢ ⵜⵉⵎⵥⵥⵢⴰⵏⵉⵏ ⴷ ⵜⵏⴰⵎⵎⴰⵙⵉⵏ, ⵉ ⵓⵙⵖⵉⵡⵙ ⵏ ⵉⴼⵙⴰⵢⵏ ⵉⴱⵓⵖⵍⴰⵏ ⵉ ⵜⵎⵙⵙⵓⵔⵉⵏ ⴷ ⵜⵎⵙⵙⵓⴳⴰⵔ.

ⵜⴼⵙⵔ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵜⵉⵍⴰⵍⵜ ⵏ ⵓⵙⵉⵏⴰⴳ ⵏ “ⵊⴰⵥⴰⵕⵉ” ⴳ ⵓⵙⴷⵓⵙ ⵏ ⵓⵙⵓⴷⵙ ⵏⴳⵔ ⵉⴳⵔⴰⵏ ⵏ ⵓⵙⵎⵓⵜⵜⴳ ⴷ ⵓⵔⵣⵣⵓ ⴷ ⵉⵙⵍⵍⵡⵉ, ⵜⵙⴷⴷⵉⴷ ⴰⵡⴷ ⵅⴼ ⵓⴽⴰⵎⴷ ⵏ ⵓⵎⵢⴰⵏⴰⵡ ⵏ ⵉⴱⵔⴷⴰⵏ ⵏ ⵓⵙⵎⵓⵜⵜⴳ, ⵙⵍⴰⵡⴰⵏ ⴰⴽⴽⵯ ⵣⴳ ⵜⵉⵏⵎⴰⵍ ⵏ ⵓⵙⵖⵉⵡⵙ ⴷ ⵉⵙⵎⵓⵜⵜⴳⵏ ⵓⵙⵏⵉⵙⵏ ⴷ ⵢⵓⵙⴰⵏ ⴰⴽⴷ ⵡⴰⵙⵙⴰⵔⵏ ⵏ ⵜⵣⵣⵓⵍⵉⵏ ⵏ ⵜⵙⵎⵓⵟⵟⵓⵏⵜ.

ⵎⴽⴷⴰ ⵜⴼⴽⴰ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⴽⵎⴷ ⵓⵙⵍⵉⴳ ⵉ ⵢⵉⴳⵔ ⵏ ⵓⵙⵎⵓⵜⵜⵉ ⵏ ⵉⵊⵎⵉⵍⵏ (Offshoring), ⵡⴰⵍⵍⵉ ⵉⵜⵜⴰⵡⵙⵏ ⴳ ⵓⵙⵔⵓⵙ ⵏ ⵜⵎⵍⴷⵉⵡⵉⵏ ⵏ ⵜⵡⵓⵔⵉ ⴷ ⵓⵙⴱⵓⵖⵍⵓ ⵏ ⵉⵊⵎⵉⵍⵏ ⵉⵎⵓⵟⵟⵓⵏⵏ ⴳ ⵍⵎⵖⵔⵉⴱ. ⴷ ⵡⵉⵍⵍⵉ ⵜⴰⴽⴽⴰ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⵙⵏⵎⴰⵍⴰⵢⵜ ⵏ ⵉⵎⵏⵉⴷⵏ ⵉⵎⴰⵢⵏⵓⵜⵏ ⴷⴰⵜ ⵏ ⵢⵉⴳⵔ ⴰⴷ.

ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵜⴳⴰ ⵜⵎⵢⵉⵎⴰⵏⵜ ⴳ ⵓⵙⴰⵜⵉ ⴰⵎⴰⴷⴷⴰⵙ ⴰⵎⵖⵔⵉⴱⵉ ⵢⴰⵜ ⵣⴳ ⵜⵎⵏⵜⴰⵍ ⵏ ⵓⵏⵣⴰⵖ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵜⵎⵙⵙⵓⵔⵉⵏ ⵜⵉⴳⵔⴰⵖⵍⴰⵏⵉⵏ. ⵉⴳ ⴰⵡⴷ ⵓⴼⵔⴰⴳ ⵏ ⵡⵓⵎⵍⴰⵏ ⵉⵏⵉⵎⴰⵏⵏ ⴷ ⵓⵣⵔⴰⴽ ⵏ ⵜⵓⴷⵔⵜ ⵜⵓⵙⵍⵉⴳⵜ, ⴷ ⵜⵙⵓⵙⵖⵜ ⵓⵍⴰ ⵜⴰⵎⵙⵜⴳⴳⴰⵔⵜ ⵣⴳ ⵉⴼⵔⴷⵉⵙⵏ ⵉⴷⵙⵍⴰⵏⵏ ⵏ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⵏ ⵉⵏⵎⴰⵔⴰⵏ ⴷ ⴰⵢⵜ ⵓⵙⵙⴰⵔⵓ.

ⴳ ⵓⵙⴰⵜⵉ ⴰⴷ, ⵜⵙⵙⴽⵜⵉ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵉⵔⴰ ⵉⵙⵍⵍⵡⵉ ⴷ ⵓⵙⵏⴰⵎⴰⵍⴰ ⴰⴷ ⵉⵣⵣⵉⴳⵣ ⵙ ⵓⵙⴱⵓⵖⵍⵓ ⵏ ⵉⴼⵙⴰⵢⵏ ⵉⵎⴰⵢⵏⵓⵜⵏ, ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵏⵎⴰⵔⴰⵏ ⴷ ⵓⵙⵎⵙⴰⵙⴰ ⵏ ⵜⵎⵙⵓⵜⴰⵍ ⵏ ⵓⵣⵣⴳⵉⵔ ⵏ ⵜⴳⵎⵉ ⵜⴰⵙⵓⵍⴰⵏⵜ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter