ⴰⵎⴰⵡⴰⵙ
  • ⴰⵎⴰⵡⴰⵙ
    • ⵜⵉⵡⵓⵔⵉⵡⵉⵏ ⵏⵏⵖ
  • ⵜⵉⵡⵓⵔⵉⵡⵉⵏ ⵏⵏⵖ
    • ⵜⵉⵏⴰⴼⵓⵜⵉⵏ ⵏⵏⵖ
  • ⵜⵉⵏⴰⴼⵓⵜⵉⵏ ⵏⵏⵖ
    • ministre showcase

    ⵜⴰⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⴷ ⵜⵎⵙⵙⵓⵔⵜ ⵏ Mistral AI ⴰⵔ ⵙⵙⵉⵡⵉⴹⵏⵜ ⴰⴼⵙⴰⵢ ⴰⵎⵣⵡⴰⵔⵓ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵏⵏⴰ ⵉⵜⵜⵓⵙⴱⵓⵖⵍⴰⵏ ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵏⵏⵙⵏⵜ.

    • Accueil
    • ⵜⴰⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⴷ ⵜⵎⵙⵙⵓⵔⵜ ⵏ Mistral AI ⴰⵔ ⵙⵙⵉⵡⵉⴹⵏⵜ ...
    date icon

    ⴰⵔ ⵜⵙⵙⵉⵡⵉⴹ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴷ ⵜⵎⵙⵙⵓⵔⵜ ⵏ Mistral AI ⵅⴼ ⵓⴼⵙⴰⵢ ⴰⵎⵣⵡⴰⵔⵓ ⵉⵜⵜⵓⵙⴱⵓⵖⵍⴰⵏ ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵏⵏⵙⵏⵜ ⵜⴰⵙⵜⵔⴰⵜⵉⵊⵉⵜ ⴳ ⵢⵉⴳⵔ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⵙ ⵓⵎⵙⴰⵙⴰ ⴰⴽⴷ ⵓⵎⴷⵢⴰ ⵏ ⵜⵙⴰⵖⵓⵍⵜ ⵉⵕⵥⵎⵏ.

    ⵓⴷⴼⵏ ⵉⴼⵙⴰⵢⵏ ⴰⴷ ⴳ ⵓⵙⴰⵜⵉ ⵏ ⵓⵣⵣⵉⴳⵣ ⵏ ⵜⵙⵜⵔⴰⵜⵉⵊⵉⵜ ⵏ ⵍⵎⵖⵔⵉⴱ ⴰⵎⵓⵟⵟⵓⵏ 2030 ⴷ ⵜⴽⴰⵕⴹⴰ ⵏ ⵓⴱⵔⵉⴷ ⵏ AI Made in Morocco, ⵙ ⵡⵉⵍⵍⵉ ⵉⵡⴰⵜⵜⵙⵏ ⴰⵙⴱⵓⵖⵍⵓ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵜⴰⵎⵙⵜⴳⴳⴰⵔⵜ ⵜⵉⵍⵉ ⵖⵓⵔⵙ ⵡⴰⴱⴰⴹ, ⴰⵔ ⵜⵙⴰⴷⵎⴰⵔ ⵉ ⵜⵥⵍⴰⵢⵉⵏ ⵜⵉⵙⵏⵉⵍⵍⵙⵉⵏ ⵜⵉⴷⵍⵙⴰⵏⵉⵏ ⵏ ⵜⴳⵍⴷⵉⵜ.

    • ⴳⴰⵏ ⵉⴼⵙⴰⵢⵏ ⵉⵍⵍⴰⵏ ⴷⵖⵉ ⵙⵉⵏ ⵉⵎⴷⵢⴰⵜⵏ:
      ⴰⵎⵥⵍⴰⵢ ⵏ ⵜⵓⵙⵙⵏⴰ ⵏ ⵜⵓⵜⵍⴰⵢⵉⵏ, ⵉⵥⴹⴰⵕ ⴰⴷ ⵉⵥⵍⵉ ⵏⴳⵔ ⴽⵔⴰⵢⴳⴰⵜⵜ ⵜⴰⵏⵜⴰⵍⵉⵡⵉⵏ ⵏ ⵜⴰⵄⵕⴰⴱⵜ, ⵏⵏⴰ ⴳ ⵜⵍⵍⴰ ⴷⴷⴰⵔⵉⵊⴰ;
    • ⴰⵎⴷⵢⴰ ⵏ Voxtral ⵏ ⵜⵓⵙⵙⵏⴰ ⵜⴰⵡⵓⵔⵎⴰⵏⵜ ⵏ ⵡⴰⵡⴰⵍ ⵙ ⵜⵓⵜⵍⴰⵢⵜ ⵏⵉⵖ ⵜⴰⵏⵜⴰⵍⴰ ⵏ ⴷⴷⴰⵔⵉⵊⴰ ⵜⴰⵎⵖⵔⵉⴱⵉⵜ, ⴰⵔ ⴰⵡⴷ ⵉⵙⵏⴼⴰⵍ ⴰⵡⴰⵍ ⵖⵔ ⵜⵉⵔⵔⴰ, ⵓⵍⴰ ⴳ ⵡⴰⴷⴷⴰⴷⵏ ⵏ ⵓⵎⵎⵔⴽⵙ ⴰⵙⵏⵉⵍⵍⵙ ⵏⴳⵔ ⵜⴰⵄⵕⴰⴱⵜ ⴷ ⵜⴼⵕⴰⵏⵚⵉⵚⵜ ⴷ ⵜⵏⴳⵍⵉⵣⵉⵜ.

    ⵔⴰⴷ ⵓⵊⴷⵏ ⵉⵎⴰⵙⵙⵏ ⴰⴷ ⴳ ⵎⴰ ⴷ ⵢⵓⴷⵙⵏ ⵙ ⵓⵎⵙⴰⵙⴰ ⴰⴽⴷ ⵓⵙⴰⵖⵓⵍ ⵉⵕⵥⵎⵏ, ⴰⵢⵍⵍⵉ ⵔⴰⴷ ⵢⴰⴷⵊ ⵜⵉⵎⵙⵙⵓⴳⴰⵔ ⴷ ⵜⵙⵙⵓⵔⵉⵏ ⵉⵜⵜⵅⵉⵜⵉⵔⵏ ⵓⵍⴰ ⵎⵔⵣⵓⵜⵏ ⴷ ⴰⵢⵜ ⵓⵙⴱⵓⵖⵍⵓ ⴷ ⵜⵎⵙⵙⵏⵜⴰⵢ, ⴰⴷ ⵙⴱⵓⵖⵍⵓⵏ ⵉⴼⵙⴰⵢⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴱⴰⵀⵔⴰ ⴷ ⵢⵓⵙⴰⵏ ⵉ ⵓⵙⵎⵔⵙ ⵏ ⵉⵏⵎⴰⵔⴰⵏ ⴷ ⵜⵏⵎⵓⵔⴰ

    ⴰⵔ ⵉⵜⵜⴰⵡⵙ ⵎⴰ ⴰⴷ ⴳ ⵡⴰⴷⴰⴼ ⵉⴳⴳⵓⵜⵏ ⵖⵔ ⵉⵊⵎⵉⵍⵏ ⵉⵎⵓⵟⵟⵓⵏⵏ, ⵙⴰⵍⴰⵡⴰⵏ ⴰⴽⴽⵯ ⵙ ⵜⵓⵜⵍⴰⵢⵉⵏ ⵏⵏⴰ ⵙⵙⵎⵔⴰⵙⵏ ⴳ ⵜⵓⴷⵔⵜ ⵜⴰⴽⵓⵢⴰⵙⵙⵜ, ⴰⴽⴷ ⵓⵙⴷⵓⵙ ⵏ ⵡⴰⴱⴰⴹ ⴰⵎⵓⵟⵟⵓⵏ ⴷ ⵉⵙⵍⵍⵡⵉ ⴰⴷⵖⵔⴰⵏ ⴷ ⵓⵙⵉⵍⵉ ⵣⴳ ⵜⵣⵎⵎⴰⵔ ⵏ ⵓⵏⴳⵔⴰⵡ ⴰⵏⴰⵎⵓⵔ ⴳ ⵢⵉⴳⵔ ⴰⴷ

    ⵎⴽⴷⴰ ⵕⵥⵎⵏ ⵉⴼⵙⴰⵢⵏ ⴰⴷ ⵉⵎⵏⵉⴷⵏ ⵉⵎⴰⵢⵏⵓⵜⵏ ⵉ ⵛⵉⴳⴰⵏ ⵏ ⵉⴳⵔⴰⵏ, ⵣⵓⵏ ⴷ ⵉⵊⵎⵉⵍⵏ ⵉⴳⴷⵓⴷⴰⵏⵏ ⴷ ⵓⵙⵍⵎⴷ ⴷ ⵓⵙⵏⵖⵎⵙ ⴷ ⵉⵊⵎⵉⵍⵏ ⵏ ⵡⴰⵏⵏⴰⵍ ⵏ ⵉⵎⵍⵜⴰⵖⵏ ⴷ ⵜⵙⵎⵓⵟⵟⵓⵏⵜ ⵏ ⵜⵏⵜⴰⵎⵉⵏ ⴷ ⵓⵣⵣⵔⴰⵢ ⵏ ⵜⵎⵓⵛⴰ ⵜⴰⴳⵜⵓⵜⵍⴰⵢⵉⵏ

    ⵓⵙⴰⵏ ⴷ ⵉⴱⵓⵖⵍⵓⵜⵏ ⴰⴷ ⴳ ⵓⵙⴰⵜⵉ ⵏ ⵓⵙⵎⴰⴷ ⵏ ⵓⵏⴳⵔⴰⵡ ⵉⵅⴰⵜⵔⵏ ⵏ ⵉⴼⵙⴰⵢⵏ ⵉⵙⵎⴳⵓⵔⵏ ⵏⵏⴰ ⵜⵙⴱⵓⵖⵍⵓ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⵍⵍⵉ ⴳ ⴰⵔ ⵜⵙⵡⵓⵔⵉ ⵙ ⵜⵖⴰⵔⴰⵙⵜ ⵏ ⵓⴳⵏⵙⵓ ⵅⴼ ⵓⵙⵖⵉⵡⵙ ⵏ ⴷ ⵓⵙⵉⵔⵎ ⵏ ⴽⵔⴰⵢⴳⴰⵜⵜ ⵉⴼⵙⴰⵢⵏ ⴷ ⵉⵎⴷⵢⴰⵜⵏ ⵉⵜⵜⵓⵙⵡⴰⵍⴰⵏ ⵉ ⵓⵙⵖⵓⴷⵓ ⵏ ⵜⴷⴰⴱⵓⵜ ⵏⵏⵙ ⵉ ⵉⴼⵙⴰⵢⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⴰⴷⵎⵔ ⵉ ⵡⴰⵙⵙⴰⵔⵏ ⵏ ⵜⵎⵙⵙⵓⴳⴰⵔ ⴷ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ

    ⵜⴰⵙⴳⵓⵔⵉ ⵏ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ

    “ⴳⴰⵏⵜ ⵜⴼⵍⵍⴰⵡⵉⵏ ⵜⵉⵎⵣⵡⵓⵔⴰ ⵏ ⵜⴷⵔⴰⵡⵜ ⵜⴰⴳⵜⵉⵙⴳⴳⵯⴰⵙⵏ ⵏⴳⵔ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⴰⴽⴷ ⵜⵎⵙⵙⵓⵔⵜ ⵏ Mistral ⴰⵙⵎⵏⵉⴷ ⴰⴽⵎⴰⵎ ⵏ ⵜⴽⴰⵕⴹⴰ ⵏ ⵓⴱⵔⵉⴷ ⵏ AI Made in Morocco, ⵏⵏⴰ ⵉⵡⴰⵜⵜⵙⵏ ⴰⵙⴱⵓⵖⵍⵓ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴳ ⵉⵍⵍⴰ ⵡⴰⴱⴰⴹ ⵢⴰⵙⴷ ⵉ ⵜⵉⵍⴰⵡⵜ ⵏ ⵍⵎⵖⵔⵉⴱ, ⴷ ⵓⵣⵣⵉⴳⵣ ⴳ ⵜⵎⵓⵏⵉ ⴰⴽⴷ ⵜⵓⵜⵍⴰⵢⵉⵏ ⵜⵉⵏⴰⵎⵓⵔⵉⵏ, ⴰⵔ ⵏⵙⴷⵓⵙ ⴰⴷⴰⴼ ⴰⵎⵓⵟⵟⵓⵏ ⴷ ⵜⵕⵡⵉ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ ⴷ ⵜⵥⴹⴰⵕⵜ ⵏ ⵍⵎⵖⵔⵉⴱ ⴳ ⵡⴰⴱⴰⴹ ⴳ ⵉⵙⵜⴰⵢⵏ ⵏⵏⵙ ⵉⵜⵉⴽⵏⵓⵍⵓⵊⵉⵢⵏ”

    ⵎⴽⴷ ⵉⵍⵍⴰⵏ ⴷⵖⵉ ⴳ ⵓⵙⴱⵓⵖⵍⵓ ⵏ ⵉⵎⴷⵢⴰⵜⵏ ⵢⴰⴹⵏ ⴷ ⵡⴰⴷⴷⴰⴷⵏ ⵏ ⵓⵙⵎⵔⵙ ⴰⵎⴰⵢⵏⵓ, ⵙ ⵓⵡⵜⵜⴰⵙⵏ ⵏ ⵓⵙⴷⵓⵙ ⵏ ⵜⵣⵎⵎⴰⵔ ⵜⵉⵏⴰⵎⵓⵔⵉⵏ ⴳ ⵉⴳⵔⴰⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴰⵎⴰⵔⴰⵡ ⴷ ⵓⵣⵣⵔⴰⵢ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵏ ⵡⴰⵡⴰⵍ ⴷ ⵉⵊⵎⵉⵍⵏ ⵉⴳⴷⵓⴷⴰⵏⵏ ⵉⵎⵓⵟⵟⵓⵏⵏ.

     
     
    A+ A-

    Subscribe to our newsletter

    MTNRA © All rights reserved 2026 realization FORNET