ⴰⵎⴰⵡⴰⵙ
  • ⴰⵎⴰⵡⴰⵙ
    • ⵜⵉⵡⵓⵔⵉⵡⵉⵏ ⵏⵏⵖ
  • ⵜⵉⵡⵓⵔⵉⵡⵉⵏ ⵏⵏⵖ
    • ⵜⵉⵏⴰⴼⵓⵜⵉⵏ ⵏⵏⵖ
  • ⵜⵉⵏⴰⴼⵓⵜⵉⵏ ⵏⵏⵖ
    • ministre showcase

    ⵜⴰⵡⵡⵓⵔⵜ ⵏ ⵉⴷⴰⵔⴰⵜⵉ : ⵖⵔ ⵜⵎⵙⵙⵓⴳⵓⵔⵜ ⴱⴰⵀⵔⴰ ⵢⵓⴷⵙⵏ ⵜⵣⵡⵓⵔ ⵜⴱⴷⴷ ⵅⴼ ⵓⵏⵙⵎⵔⴰⵙ

    • Accueil
    • ⵜⴰⵡⵡⵓⵔⵜ ⵏ ⵉⴷⴰⵔⴰⵜⵉ : ⵖⵔ ⵜⵎⵙⵙⵓⴳⵓⵔⵜ ⴱⴰⵀⵔⴰ ⵢⵓⴷⵙⵏ ⵜⵣⵡⵓⵔ ⵜⴱⴷⴷ ⵅⴼ ⵓⵏⵙⵎⵔⴰⵙ
    date icon

    ⴷⴷⴰⵡ ⵜⵏⴰⵔⴰ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵏⵔⵓ ⵕⴱⴱⵉ, ⴷ ⵓⵎⵙⴰⵙⴰ ⴰⴽⴷ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ ⵏ ⵢⴰⵜⵜⵓⵢⵏ ⵏⵏⴰ ⵉⵙⵔⵓⵙⵏ ⴰⵏⵙⵎⵔⴰⵙ ⴳ ⵡⴰⵎⵎⴰⵙ ⵏ ⵜⵡⵓⵔⵉ ⵜⴰⵎⵙⵙⵓⴳⵓⵔⵜ, ⴷ ⵓⵙⵕⵚⵚⵓ ⵏ ⵉⵎⵏⵣⴰⵢⵏ ⵏ ⵓⵙⵓⴷⵙ ⵏ ⵜⵎⵙⵙⵓⴳⵓⵔⵜ ⵖⵔ ⵓⵏⵙⵎⵔⴰⵙ ⴷ ⵓⵙⵉⵍⵉ ⴰⵙⵓⵍⴰⵏ ⵣⴳ ⵜⵕⵡⵉ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ, ⵜⵕⵥⵎ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⵜⵓⵏⵖⵉⵍⵜ ⵜⴰⵎⴰⵢⵏⵓⵜ ⵏ ⵜⴰⵡⵡⵓⵔⵜ ⵏ “ⵉⴷⴰⵔⴰⵜⵉ”, ⵎⴰⵢⴰⴷ ⴳ ⵓⵙⴰⵜⵉ ⵏ ⵓⴹⴼⴼⵓⵕ ⵏ ⵓⴱⵔⵉⴷ ⵏ ⵓⵙⵏⴼⵍ ⴰⵎⵓⵟⵟⵓⵏ ⵏ ⵜⵎⵙⵙⵓⴳⵓⵔⵜ.

    ⴰⵔ ⵜⵎⵎⴰⵍ ⵜⵓⵏⵖⵉⵍⵜ ⴰⴷ ⴰⵙⵡⴰⵍ ⵖⵔ ⵓⵙⵕⵚⵚⵓ ⵏ ⵜⵎⵙⵙⵓⴳⵓⵔⵜ ⵉⴱⴷⴷⴰⵏ ⵅⴼ ⵓⵏⵙⵎⵔⴰⵙ ⴱⴰⵀⵔⴰ ⵢⵓⴷⵙⵏ ⵉⵡⵀⵏ ⴰⵙ ⵡⴰⴷⴰⴼ, ⵉⵥⴹⴰⵕ ⵙ ⵜⵖⴰⵔⴰⵙⵜ ⵜⴰⵣⵣⵉⴳⵣⴰⵏⵜ ⵉⵙⵔⵙ ⵜⵉⵔⵎⵉⵜ ⵜⴰⵎⵓⵟⵟⵓⵏⵜ ⵉⵀⵡⵏⵏ ⵉⵎⵙⴰⵙⴰⵏ ⴰⴽⴷ ⵓⵎⵏⵣⴰⵢ ⵏ “ⴳ ⴽⵓ ⴰⵏⵙⴰ ⴷ ⴽⵓ ⴰⴽⵓⴷ, ⴷ ⴽⵓ ⴰⵍⵍⴰⵍ”, ⴰⵢⵍⵍⵉ ⵉⵜⵜⴰⵊⵊⴰⵏ ⴰⴷⴰⴼ ⵖⵔ ⵖⵔ ⵉⵊⵎⵉⵍⵏ ⵉⵎⵓⵟⵟⵓⵏⵏ ⵉⴳⴷⵓⴷⴰⵏⵏ ⴳ ⴽⵔⴰⵢⴳⴰⵜ ⵜⵉⵣⵉ ⴷ ⵡⴰⵏⵙⴰ, ⴷ ⵙ ⵓⵙⵎⵔⵙ ⵏ ⵇⴰⵃ ⴰⵎⵎⴰⴽⵏ ⴷ ⵡⴰⵍⵍⴰⵍⵏ ⵉⵎⵓⵟⵟⵓⵏⵏ.

    ⵜⵓⴷⴼ ⵜⵓⵏⵖⵉⵍⵜ ⴰⴷ ⴳ ⵓⵙⴰⵜⵉ ⵏ ⵓⵙⵏⴼⵍ ⴰⵎⵓⵟⵟⵓⵏ ⵜⵉⵎⵉⵔⵉⵡⵜ ⵖⵔ ⵜⵎⵙⵙⵓⴳⵓⵔⵜ ⴱⴰⵀⵔⴰ ⵉⵎⵢⴰⵖⵏ ⵜⵣⵡⵓⵔ, ⴰⵔ ⵜⵙⴰⴷⵎⴰⵔ ⵉ ⵡⴰⵙⵙⴰⵔⵏ ⵏ ⵉⵏⵙⵎⵔⴰⵙⵏ ⴷ ⵉⴱⵔⵉⴷⵏ ⵏⵏⵙⵏ, ⴰⵔ ⵜⵙⵡⵓⵔⵉ ⵅⴼ ⵓⵙⵡⵓⴷⴷⵓ ⵏ ⵡⴰⴷⴰⴼ ⵏⵏⵙⵏ ⵖⵔ ⵉⵊⵎⵉⵍⵏ ⵉⴳⴷⵓⴷⴰⵏⵏ, ⵙ ⵓⵙⵖⴰⵏ ⴰⵣⵣⵉⴳⵣⴰⵏ ⵏ ⵜⵎⵓⵛⴰ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵙ ⵡⵉⵍⵍⵉ ⵔⴰⴷ ⵢⴰⵡⵙ ⴳ ⵓⵙⵖⵓⴷⵓ ⵏ ⵉⵙⵡⴰⵍⴰⵜⵏ ⵏⵏⵙⵏ, ⴷ ⵓⵙⵉⵣⵡⵔ ⵏ ⴽⵔⴰ ⵏ ⵡⴰⵙⵙⴰⵔⵏ ⵏⵏⵙⵏ, ⵓⵍⴰ ⵜⴰⵙⵓⵎⵔⵜ ⵏ ⵉⵊⵎⵉⵍⵏ ⴷ ⵢⵓⵙⴰⵏ ⴳ ⵓⵙⴰⴽⵓⴷ ⴷ ⵢⵓⵙⴰⵏ ⴷ ⵙ ⵜⴰⵖⴰⵔⴰⵙⵜ ⵜⴰⵣⵣⵉⴳⵣⴰⵏⵜ.

    ⴰⵔ ⵜⴰⴽⴽⴰ ⵜⵓⵏⵖⵉⵍⵜ ⵜⴰⵎⴰⵢⵏⵓⵜ ⵢⴰⵏ ⵡⴰⵏⵙⴰ ⴰⴷⵙⵍⴰⵏ ⵉ “ⵓⵙⴰⵖⵓⵍ ⴰⵏⴰⵎⵓⵔ ⵏ ⵉⵊⵎⵉⵍⵏ ⵉⵍⵉⴽⵜⵕⵓⵏⵉⵢⵏ” ⵎⴰⵙ ⴳⴰⵏ ⵢⴰⵜ ⵜⵏⵇⵇⵉⴹⵜ ⵉⵎⵓⵏⵏ ⵖⵔ ⵉⵊⵎⵉⵍⵏ ⵉⵎⵓⵟⵟⵓⵏⵏ ⵏⵏⴰ ⵙⵙⵎⵏⵉⴷⵏⵜ ⵜⵎⵙⵙⵓⴳⴰⵔ ⴷ ⵜⵎⵔⵙⴰⵍ ⵜⵉⴷⵓⴷⴰⵏⵉⵏ. ⴳ ⵓⵙⴰⵜⵉ ⴰⴷ ⵙⵓⵍⵏⵜ ⵜⵣⵎⵎⴰⵔ ⵏ ⵓⵙⵎⵓⵏ ⵏ ⵉⵊⵎⵉⵍⵏ ⴰⴷ ⴷ ⵓⵙⴷⵖⵉ ⵏⵏⵙⵏⵜ, ⵙ ⵜⴷⵔⴰⵡⵜ ⵜⴰⵙⵓⵍⴰⵏⵜ ⴰⴽⴷ ⵜⵎⵙⵙⵓⴳⴰⵔ ⴷ ⵉⵎⴳⴳⴰⵢⵏ ⴷ ⵜⵎⵔⵙⴰⵍ ⵜⵉⵎⵏⵜⴰⵢⵉⵏ, ⴰⵢⵍⵍⵉ ⵢⴰⴽⴽⴰⵏ ⴰⴹⴰⴽⴰⵍ ⵉ ⵉⵏⵙⵎⵔⴰⵙⵏ ⴷ ⵜⵎⵙⵙⵓⵔⵉⵏ ⴳ ⵜⴱⵔⵖⵔⵜ ⵣⴳ ⵓⵎⵍⴰⵏ ⴳ ⵜⵍⵍⴰ ⵜⵎⵢⵉⵎⴰⵏⵜ ⴷ ⵓⵙⴷⵖⵉ.

    ⴰⵔ ⵜⴰⴽⴽⴰ ⵜⴰⵡⵡⵓⵔⵜ ⴳ ⵜⵓⵏⵖⵉⵍⵜ ⵏⵏⵙ ⵜⴰⵎⴰⵢⵏⵓⵜ, ⴰⴷⴰⴼ ⵖⵔ 874 ⵏ ⵓⵊⵎⵉⵍ ⴰⵍⵉⴽⵜⵕⵓⵏⵉ ⴰⴳⴷⵓⴷⴰⵏ ⴷ ⵉⵜⵜⵓⵙⵏⵎⴰⵍⴰⵏ ⴳ ⵉⴱⵔⴷⴰⵏ ⵢⵓⴷⴼⵏ, ⵙ ⵡⵉⵍⵍⵉ ⵉⵎⵎⴰⵍⵏ ⴰⵎⵓⵜⵜⵉ ⴰⵣⵣⵉⴳⵣⴰⵏ ⵣⴳ ⵉⵊⵎⵉⵍⵏ ⵉⵎⵙⵙⵓⴳⵓⵔⵏ ⵉⴱⴹⴰⵏ ⵖⵔ ⵉⴱⵔⴷⴰⵏ ⵢⵓⴷⴼⵏ, ⵉⵜⵜⵓⵙⵖⴰⵡⵙⴰⵏ ⵣⴳ ⵡⴰⵙⵙⴰⵔⵏ ⵏ ⵉⵏⵙⵎⵔⴰⵙ ⵣⴳ ⴽⵔⴰⵢⴳⴰⵜ ⵉⵣⵓⵔⵜⵏ ⵏ ⵉⵙⴱⴷⴷⵏ ⵏ ⵜⵓⴷⵔⵜ ⵏⵏⵙⵏ, ⴷ ⴰⵡⴷ ⵜⴰⵥⵕⵉⴳⵜ ⵏ 2533 ⵏ ⵜⵖⵜⴰⵙⵜ ⵜⴰⵎⵙⵙⵓⴳⵓⵔⵜ.

    ⵎⴽⴷⴰ ⵜⵙⵔⵓⵙ ⵜⴰⵡⵡⵓⵔⵜ ⴰⵡⴷ ⵜⴰⵥⵍⴰⵢⵜ ⵏ “ⴼⴽ ⵜⴰⵏⵏⴰⵢⵜ ⵏⵏⴽ”, ⵍⵍⵉ ⵢⴰⴽⴽⴰⵏ ⵉ ⵏⵙⵎⵔⴰⵙⵏ ⴰⴷ ⵉⵏⵉⵏ ⵜⴰⵏⵏⴰⵢⵉⵏ ⵏⵏⵙⵏ ⴷ ⵓⵙⵓⵜⴳ ⵏ ⵜⵉⵔⵎⵉⵜ ⵏⵏⵙⵏ ⵙ ⵜⵖⴰⵔⴰⵙⵜ ⵜⵓⵙⵔⵉⴷⵜ ⴳ ⵎⴰ ⴰⴷ ⵉⵥⵍⵉⵏ ⵙ ⵉⵊⵎⵉⵍⵏ ⵉⴳⴷⵓⴷⴰⵏⵏ ⵉⵍⵉⴽⵜⵕⵓⵏⵉⵢⵏ. ⴰⵔ ⴰⵡⴷ ⵜⵜⴰⵡⵙ ⴳ ⵓⵙⴼⵍⴷ ⴰⵙⵓⵍⴰⵏ ⵖⵔ ⵉⵏⵙⵎⵔⴰⵙⵏ, ⴰⵢⵍⵍⵉ ⵢⴰⴽⴽⴰⵏ ⴰⵙⵖⵓⴷⵓ ⵏ ⵜⵕⵡⵉ ⵏ ⵉⵊⵎⵉⵍⵏ ⴷ ⵓⵙⴱⵓⵖⵍⵓ ⵏⵏⵙⵏ ⴷ ⵓⵙⵉⵍⵉ ⵏⵏⵙⵏ ⵃⵎⴰ ⴰⴷ ⵙⴰⴷⵎⴰⵔⵏ ⵙ ⵎⴰ ⴰⴷ ⵢⵓⴼⵏ ⵉ ⵉⴳⴰⵏⵉⵜⵏ ⵏⵏⵙⵏ.

    ⵙ ⵜⵎⵔⵏⵉⵡⵜ ⵉ ⵎⴰ ⴰⴷ, ⴰⴷⴰⴼ ⴰⵎⵓⵟⵟⵓⵏ ⵏⵏⴰ ⵉⴳⴰⵏ ⵜⴰⵥⵍⴰⵢⵜ ⵜⴰⵏⴼⵔⴰⵔⵜ ⴳ ⵜⵉⴽⵍⵉⵡⵉⵏ ⵏ ⵡⴰⵍⴰⵙ ⵏ ⵓⵙⵖⵉⵡⵙ ⵏ ⵜⴰⵡⵡⵓⵔⵜ, ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵡⴰⵎⵎⴰⴽⵏ ⵏ ⵓⵙⴰⵔⴰ ⴷ ⵓⵔⵣⵣⵓ ⴷ ⵓⵥⵟⵟⴰ ⵏ ⵜⵓⵎⴰⵢⵜ, ⵙ ⵡⵉⵍⵍⵉ ⵉⵜⵜⴹⵎⴰⵏⵏ ⴰⴷⴰⴼ ⴱⴰⵀⵔⴰ ⵉⵀⵡⵏⵏ ⵉ ⵇⴰⵃ ⵉⵙⵎⵉⵍⵏ ⵏ ⵉⵏⵙⵎⵔⴰⵙⵏ ⴷ ⵜⵏⵟⵟⵓⴼⵜ ⵉⵥⵍⵉⵏ ⵉ ⵉⵡⴷⴰⵏ ⵉⵍⵍⴰⵏ ⴳ ⵡⴰⴷⴷⴰⴷ ⵏ ⵓⵎⵓⵄⴹⵕ.

    ⵣⴳ ⵜⵎⵉⵔⵉⵏ ⵏ ⵓⵥⵟⵟⴰ ⵏⵏⴰ ⵉⵍⵍⴰⵏ ⴳ ⵜⵓⵏⵖⵉⵍⵜ ⵜⴰⵎⴰⵢⵏⵓⵜ, ⴰⵙⵉⴷⴼ ⵏ ⵢⴰⵏ ⵓⵙⴰⵢⵔⴰⵔ ⵉⵥⵍⵉⵏ ⵙ ⵓⴼⵙⴰⵔ ⵏ ⵉⴼⵙⴰⵢⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵏⵏⴰ ⴳ ⵜⵍⵍⴰ ⵜⵎⵢⵉⵎⴰⵏⵜ ⴰⵔ ⵜⵜⴰⵡⵙ ⴳ ⵓⵊⵎⵉⵍ ⵏ ⵓⵏⵙⵎⵔⴰⵙ ⴷ ⵓⵙⵡⵓⴷⴷⵓ ⵏ ⵡⴰⴷⴰⴼ ⵏⵏⵙⵏ ⵖⵔ ⵉⵊⵎⵉⵍⵏ ⴷ ⵓⵎⵍⴰⵏ ⵉⵎⵥⵍⴰⵢⵏ.

    ⴰⵔ ⵉⵙⵙⵓⵊⴰⴷ ⵓⴱⵓⵖⵍⵓ ⴰⴷ ⴰⵎⵓⵜⵜⵉ ⵖⵔ ⵜⵙⵓⵜ ⵜⴰⵎⴰⵢⵏⵓⵜ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ ⵏⵏⴰ ⵔⴰⴷ ⵢⵉⵍⵉ ⴳ ⵜⴷⴰⴱⵓⵜ ⵏ “ⵉⴷⴰⵔⴰⵜⵉ X.0, ⵎⴰⵙ ⵜⴳⴰ ⵜⴰⵏⵇⵇⵉⴹⵜ ⵏ ⵡⴰⴷⴰⴼ ⵉⵎⵓⵏⵏ ⵖⵔ ⵉⵊⵎⵉⵍⵏ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ, ⵜⵙⵎⴷ ⴰⴽⴷ ⵜⵙⵎⵓⵟⵟⵓⵏⵜ ⵜⴰⵏⴰⵎⵓⵔⵜ ⴷ ⵜⵎⴰⴳⵉⵜ ⵜⴰⵎⵓⵟⵟⵓⵏⵜ ⴷ ⵓⵏⴳⵔⴰⵡ ⵏ ⵓⵎⵔⴰⵔⴰ ⴰⵡⵏⴹⴰⵏ ⵜⴱⴷⴷ ⵅⴼ ⵓⵎⵏⵣⴰⵢ ⵏ “ⵓⵙⵎⵏⵉⴷ ⵏ ⵓⵎⵍⵉ ⵢⴰⵜ ⵜⵉⴽⴽⵍⵉⵜ”. ⵥⴹⴰⵕⵏⵜ ⵜⵔⵙⴰⵍ ⴰⴷ ⴳ ⵎⴰⴷ ⵢⵓⴷⵙⵏ, ⴰⴷ ⵙⴱⵓⵖⵍⵓⵏⵜ ⵉⴱⵔⵉⴷⵏ ⵉⵎⵙⵙⵓⴳⵓⵔⵏ ⴱⴰⵀⵔⴰ ⵉⵙⵎⴷⵏ ⵣⵡⵓⵔⵏ, ⵙ ⵡⵉⵍⵍⵉ ⵉⵙⴷⵓⵙⵏ ⵜⵉⵕⵡⵉ ⵏ ⵜⵉⵔⵎⵉⵜ ⵏ ⵉⵏⵙⵎⵔⴰⵙ ⴷ ⵓⵙⵀⵡⵏ ⵏ ⵡⴰⴷⴰⴼ ⵖⵔ ⵉⵊⵎⵉⵍⵏ ⵉⴳⴷⵓⴷⴰⵏⵏ.

    ⵣⴳ ⵜⵓⵏⵖⵉⵍⵜ ⴰⴷ ⵜⴰⵎⴰⵢⵏⵓⵜ, ⴰⵔ ⵜⴹⴼⴼⵓⵕ ⵜⴰⵡⵡⵓⵔⵜ ⵏ “ⵉⴷⴰⵔⴰⵜⵉ” ⴰⵙⵏⴼⵍ ⵏⵏⵙ ⵣⴳ ⵜⴰⵡⵡⵓⵔⵜ ⵜⴰⵙⵏⵎⴰⵍⴰⵢⵜ ⵖⵔ ⵜⵎⵏⵉⴷⵜ ⴳ ⵉⵍⵍⴰ ⵓⵎⵢⴰⵖ, ⵙ ⵡⵉⵍⵍⵉ ⵉⵚⵕⵚⵚⵓⵏ ⵜⴰⵎⵙⵙⵓⴳⵓⵔⵜ ⴱⴰⵀⵔⴰ ⵢⵓⴷⵙⵏ ⴰⵔ ⵜⵙⴰⴷⵎⴰⵔ ⵉ ⵡⴰⵙⵙⴰⵔⵏ ⵏ ⵉⵏⵙⵎⵔⴰⵙⵏ ⵏⵏⵙ, ⵎⴽⴷⴰ ⵜⵥⴹⴰⵕ ⴰⴷ ⵜⴳ ⵜⵙⵜⴰⵍ ⵏ ⵏ ⵉⵊⵎⵉⵍⵏ ⵉⵀⵡⵏⵏ ⴰⵔ ⵙⴰⴷⵎⴰⵔⵏ.

     
     
    A+ A-

    Subscribe to our newsletter

    MTNRA © All rights reserved 2026 realization FORNET