ⴳⴰⵏⵜ ⴰⵙⵙ ⵏ ⵓⵙⵉⵏⴰⵙ 8 ⵛⵓⵜⴰⵏⴱⵉⵔ 2026, ⵜⵎⵙⵎⵓⵏⵉⵏ ⵜⵉⵎⴰⵜⴰⵢⵉ ⵙ ⴽⴽⵥ ⵏ ⵉⵙⵉⵏⴰⴳⵏ ⵏ “ⵊⴰⵥⴰⵕⵉ” ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ.

8 September 2026

ⵜⴻⵜⵜⵡⴰⴳⵏⵜ ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵜⵎⵙⵎⵓⵏⵉⵏ ⵜⵉⵎⴰⵜⴰⵢⵉⵏ ⵙ ⴽⴽⵓⵥ ⵏ ⵉⵙⵉⵏⴰⴳⵏ ⵏ “ⵊⴰⵥⴰⵕⵉ”, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴳ ⵓⵙⴱⴷⴷ ⴰⵎⴰⵢⵏⵓ ⵏ ⵓⵚⵕⵚⵚⵓ ⵏ ⵓⵎⵓⵜⵜⵉ ⵏ ⵉⵙⵉⵏⴰⴳⵏ ⴰⴷ ⴳ ⵜⵉⴽⵍⵉ ⵏ ⵓⵙⵎⵔⵙⵍ ⴷ ⵓⵥⵟⵟⴰ ⴰⵎⵔⵙⴰⵍ ⵖⵔ ⵜⵉⴽⵍⵉ ⵏ ⵓⵙⵎⵀⵍ.

ⵉⵥⵍⵉ ⵡⴰⵡⴰⵍ ⵙ ⵓⵙⵉⵏⴰⴳ ⵏ ⵊⴰⵥⵕⵉ ⴰⵎⵎⴰⵙ (JAZARI ROOT), ⴷ ⵓⵙⵉⵏⴰⴳ ⵏ ⵊⴰⵥⵕⵉ ⵏ ⵓⵙⴳⵎⵉ ⴷ ⵉⵙⵍⵍⵡⵉ ⵏ ⵜⵎⴷⵉⵏⵉⵏ ⵜⵉⵎⵉⵖⵉⵙⵉⵏ, ⵏⵏⴰ ⵉⴳⴰⵏ ⵜⵉⵔⵙⵍⵜ ⵜⴰⴷⵙⵍⴰⵏⵜ ⵏ ⴳ ⵓⵏⴳⵔⴰⵡ ⴰⵏⴰⵎⵓⵔ ⵉⵡⴰⵜⵜⵙⵏ ⴰⵙⴱⵓⵖⵍⵓ ⵏ ⵜⵥⴹⴰⵕⵉⵏ ⵏ ⵜⴳⵍⴷⵉⵜ ⴳ ⵢⵉⴳⵔ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵣⴷⴰⵢ ⵏ ⵓⵔⵣⵣⵓ ⴷ ⵉⵙⵍⵍⵡⵉ ⴰⴽⴷ ⵡⴰⵙⵙⴰⵔⵏ ⵏ ⵜⵎⵙⵙⵓⴳⵓⵔⵜ ⴷ ⵜⴷⴰⵎⵙⴰ ⴷ ⵓⵙⵍⵎⴷ ⴷ ⵜⵎⴳⵓⵔⵉ ⴷ ⵉⴳⵔⴰⵏ ⵉⵏⴰⴽⴰⵍⵏ.

ⵉⴷⴷⴰⴷ ⵉⴳⵉ ⵏ ⵜⵎⵙⵎⵓⵏⵉⵏ ⵜⵉⵎⴰⵜⴰⵢⵉⵏ ⴷⴼⴼⵉⵔ ⵏ ⵓⵙⴱⴷⴷ ⴰⵎⵔⵙⴰⵍ ⴰⵏⴼⵔⴰⵔ ⴰⵎⵎ ⵜⵥⵕⵉⴳⵜ ⵏ ⵜⵖⵜⴰⵙⵉⵏ ⵉⵥⵍⵉⵏ ⵙ ⵓⵙⵖⵣⵏ ⵏ ⵜⵎⵢⴰⵇⵇⴰⵏⵉⵏ ⵉⵜⵜⵓⵙⵎⵎⵔⵙⵍⵏ ⵉ ⵉⵙⵉⵏⴰⴳⵏ ⴰⴷ ⴳ ⵓⵖⵎⵉⵙ ⴰⵎⴰⴷⴷⵓⴷ ⴳ ⵡⴰⵢⵢⵓⵔ ⵏ ⵖⵓⵛⵜ 2026, ⵙ ⵡⵉⵍⵍⵉ ⴰⵙ ⵢⴰⴽⴽⴰⵏ ⴰⵙⴰⵜⵜⵉ ⴰⵎⵔⵙⴰⵍ ⴰⵎⴰⴷⴷⵓⴷ ⴷ ⵓⵙⵏⵜⵉ ⵏ ⵓⵎⵓⵜⵜⵉ ⵏ ⵓⵣⵣⵉⴳⵣ ⵏ ⵜⵙⵎⵉⴳⴰⵍ ⵏⵏⵙ ⴷ ⵓⵖⴰⵡⴰⵙⵏ ⵏ ⵜⵡⵓⵔⵉ ⵏⵏⵙ.

ⵜⴳⴰ ⵜⴷⵉⵏⴰⵎⵉⵜ ⴰⴷ ⵜⴰⴼⵍⵍⴰⵡⵜ ⵏ ⵓⵣⵓⵔⵜ ⴰⵏⴰⵎⵓⵔ “AI Made in Morocco” ⵏⵏⴰ ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴰⵙⵙ ⵏ 12 ⵉⵏⵏⴰⵢⵔ 2026 ⴳ ⵕⵕⴱⴰⵟ, ⵢⴰⵏⵏⴰⵢ ⴰⵏⵏⵓⵕⵥⵎ ⴰⵎⴰⴷⴷⵓⴷ ⵏ ⵏ JAZARI ROOT ⴷ ⵓⵙⴳⵎⴹ ⵏ ⴽⵔⴰⵢⴳⴰⵜⵜ ⵜⵉⵎⵢⴰⵇⵇⴰⵏⵉⵏ ⴷ ⵜⴷⵔⴰⵡⵉⵏ ⵏ ⵓⵙⵔⵓⵙ ⵏ ⵉⵙⵉⵏⴰⴳⵏ ⵏ ⵊⴰⵥⴰⵕⵉ ⵉⵥⵍⵉⵏ ⴳ ⵉⴳⵔⴰⵏ ⵉⵜⵔⴰⵜⵉⵊⵉⵢⵏ ⵉⴳⵜⵉⵔⴰⵏⵏ.

ⵎⴽⴷⴰ ⵉⴳⴰ ⵓⵙⵉⵏⴰⴳ ⵏ ⵊⴰⵥⴰⵕⵉ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵉⵙⵍⵍⵡⵉ ⴰⵜⵉⴽⵏⵓⵍⵓⵊⵉ ⵢⴰⵏ ⵓⵙⴰⵜⵉ ⵏ ⵓⵙⵎⵓⵙⵙⵓ ⵏ ⵜⵥⴹⴰⵕⵉⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⴽⵏⵓⵍⵓⵊⵉⵜ ⵜⴰⵜⵔⴰⵔⵜ ⵉ ⵓⵊⵎⵉⵍ ⵏ ⵓⵏⴳⵔⴰⵡ ⵏ ⵓⵙⵍⵎⴷ, ⵙ ⵓⵙⴱⵓⵖⵍⵓ ⵏ ⵉⴼⵙⴰⵢⵏ ⵉⴱⴷⴷⴰⵏ ⵅⴼ ⵜⵎⵓⵛⴰ ⴷ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵔⵇⴱ ⵏ ⵜⵉⵔⵎⵉⵜ ⴳ ⵉⴳⵔⴰⵏ ⵏ ⵉⵎⴰⵙⵙⵏ ⵏ ⵓⵙⵍⵎⴷ ⴰⵎⴰⵢⵏⵓ ⴷ ⵜⵉⵍⴰⵡⵜ ⵉⴷⵓⵙⵏ ⴷ ⵜⵉⵍⴰⵡⵜ ⵜⴰⵡⵏⴳⵉⵎⵜ ⴷ ⵓⵙⵜⴰⵍ ⵉⵎⵉⵖⵉⵙ.

ⵉⴷⴷ ⴰⵙⵉⵏⴰⴳ ⵏ ⵊⴰⵥⴰⵕⵉ ⵏ ⵜⵎⴳⵓⵔⵉ X.0, ⵉⵡⴰⵜⵜⵙ ⵏⵜⵜⴰ ⴰⴷ ⵉⴳ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵉⵙⵍⵍⵡⵉ ⴷ ⵜⴽⵏⵓⵍⵓⵊⵉⵜ ⵢⴰⵜ ⵜⵎⵙⵙⵉⵍⵉⵜ ⵏ ⵓⵙⵜⵔⴰⵔ ⵏ ⵜⵎⴳⵓⵔⵉ ⵜⴰⵎⵖⵔⵉⴱⵉⵜ ⴷ ⵓⵙⴷⵓⵙ ⵏ ⵜⵎⵣⵉⵣⵡⵔⵜ ⵏⵏⵙ, ⵙ ⵓⵙⵓⴷⵙ ⵏ ⵓⵔⵣⵣⵓ ⴰⵎⴰⵙⵙⴰⵏ ⵖⵔ ⵡⴰⵙⵙⴰⵔⵏ ⵏ ⵜⵎⵙⵙⵏⵜⴰⵢⵉⵏ ⴷ ⵓⵙⵔⵇⴱ ⵏ ⵓⵙⵖⵣⵏ ⵏ ⵜⴽⵏⵓⵍⵓⵊⵉⵜ ⵏ ⵜⵎⴳⵓⵔⵉ, ⵙ ⵡⵉⵍⵍⵉ ⵉⵜⵜⴰⵎⵓⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵍⴰⵏⵜⵉⵔⵏⵉⵜ ⵏ ⵉⵙⴽⴽⵉⵏⵏ ⴷ ⵕⵕⵓⴱⵓⵜ ⴷ ⵜⵓⵚⴽⵉⵡⵉⵏ ⴷ ⵜⴼⵔⵓⵜ ⵜⴰⵙⵉⴱⵉⵕⴰⵏⵉⵜ.

ⴰⵔ ⵉⵜⵜⵙⵎⴰⴷ ⵓⵙⵡⴰⵍⴰ ⴰⴷ ⴰⴽⴷ ⵓⵙⵉⵏⴰⴳ ⵏ ⵊⴰⵥⴰⵕⵉ ⵏ ⵜⵎⴷⵉⵏⵉⵏ ⵜⵉⵎⵉⵖⵉⵙⵉⵏ, ⵏⵏⴰ ⵉⵡⴰⵜⵜⵙⵏ ⴰⵙⴱⵓⵖⵍⵓ ⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⵎⵓⵛⴰ ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵉⵎⵓⵟⵟⵓⵏⵉⵏ ⵏ ⵓⵙⵖⵓⴷⵓ ⵏ ⵓⵙⵡⵓⴷⴷⵓ ⵏ ⵉⴳⵔⴰⵏ ⵉⵖⵔⵎⴰⵏⵏ, ⴷ ⵓⵙⴱⵓⵖⵍⵓ ⵏ ⵉⴼⵙⴰⵢⵏ ⵉⵥⵍⵉⵏ ⵙ ⵜⵙⵎⵓⵟⵟⵓⵏⵜ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ ⴷ ⵓⵙⵡⵓⴷⴷⵓ ⵉⵎⵉⵖⵉⵙ ⵏ ⵉⵙⵓⴳⴰⵎ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵓⵎⵓⵜⵜⵉ ⴷ ⵜⵥⴹⴰⵕⵜ ⴷ ⵜⵡⵏⵏⴰⴹⵜ ⴷ ⵓⵙⵖⵉⵡⵙ ⴰⵖⵔⵎⴰⵏ ⵉⴱⴷⴷⴰⵏ ⵅⴼ ⵜⵎⵓⵛⴰ.

ⴰⵔ ⵉⵜⵜⴱⴷⴷⴰ ⵓⵜⵜⴰⵙ ⵏ ⵊⴰⵥⴰⵕⵉ ⵅⴼ ⵜⵏⵎⴰⴳⴰⵔⵜ ⵏ ⵜⵣⵎⵎⴰⵔ ⵏ ⵓⵡⴰⵏⴽ ⴷ ⵜⵙⴷⴰⵡⵉⵢⵉⵏ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵢⵉⴳⵔ ⵓⵙⵍⵉⴳ ⴷ ⵜⵎⵙⵙⵏⵜⵉⵢⵉⵏ ⵉⵜⵜⵅⵉⵜⵉⵔⵏ ⴷ ⵉⴳⵔⴰⵏ ⵉⵏⴰⴽⴰⵍⵏ, ⴷ ⵓⵣⴷⴰⵢ ⵏ ⵉⴼⵔⴷⵉⵙⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵜⵓⵙⵏⵉⵙⵜ ⵙ ⵡⵉⵍⵍⵉ ⵉⵜⵜⴳⴳⴰⵏ ⵉⵙⵉⵏⴰⴳⵏ ⵉⵜⵙⵏⵜ ⵜⴷⴰⴱⵓⵜⵉⵏ ⵉⵕⵥⵎⵏ ⵏ ⵓⵔⵣⵣⵓ ⴷ ⵜⵉⵔⵎⵉⵜ ⴷ ⵉⵙⵍⵍⵡⵉ ⴰⵏⵊⵎⵓ ⴷ ⵓⵙⵉⵜⵜⵉ ⵏ ⵜⴽⵏⵓⵍⵓⵊⵉⵜ ⴷ ⵓⵙⴱⵓⵖⵍⵓ ⵏ ⵉⵎⴷⵢⴰⵜⵏ ⴷ ⵉⴼⵙⴰⵢⵏ ⵉⵏⴰⵎⵓⵔⵏ ⴷ ⵢⵓⵙⴰⵏ ⴰⴽⴷ ⵜⵉⵍⴰⵡⵜ ⵏ ⵍⵎⵖⵔⵉⴱ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter