ⵜⴷⵔⴰ ⵎⴰⵙⵙⴰ ⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴳ ⵜⴳⵉⵡⵔⵜ ⵏ ⵓⵏⵏⵓⵕⵥⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵎⵙⴰⵡⴰⵍ ⴰⴳⵔⴰⵖⵍⴰⵏ ⵅⴼ ⵜⵏⵏⵓⴱⴹⴰ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⵍⵍⵉ ⵉⵜⵜⴰⵡⵙⵏⵎⴰⵍⴰⵏ ⴳ ⵜⵎⵜⵜⴰ ⵉⵎⵓⵏⵏ ⴰⵙⵙ ⵏ 6 ⴷ 7 ⵢⵓⵍⵢⵓⵣ 2026 ⴳ ⵉⵖⵔⵎ ⵏ ⵉⵙⴼⵙⴰⵔ Palexpo ⴳ ⵊⵓⵏⵉⴼ.

6 July 2026

ⵜⴷⵔⴰ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴳ ⵜⴳⵉⵡⵔⵜ ⵏ ⵓⵏⵏⵓⵕⵥⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵎⵙⴰⵡⴰⵍ ⴰⴳⵔⴰⵖⵍⴰⵏ ⵅⴼ ⵜⵏⵏⵓⴱⴹⴰ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⵍⵍⵉ ⵉⵜⵜⴰⵡⵙⵏⵎⴰⵍⴰⵏ ⴳ ⵜⵎⵜⵜⴰ ⵉⵎⵓⵏⵏ ⴰⵙⵙ ⵏ 6 ⴷ 7 ⵢⵓⵍⵢⵓⵣ 2026 ⴳ ⵉⵖⵔⵎ ⵏ ⵉⵙⴼⵙⴰⵔ Palexpo ⴳ ⵊⵓⵏⵉⴼ.

ⵉⵡⴰⵜⵜⵙ ⵓⵣⵎⵣⵣⵓ ⴰⴷ ⴰⴳⵔⴰⵖⴰⵍ ⵉⴼⴰⵡⵏ, ⵍⵍⵉ ⵉⵙⵎⴰⵏⵏ ⵉⴳⵏⵙⴰⵙⵏ ⵏ ⵡⵓⴳⴰⵔ ⵏ 170 ⵏ ⵓⵡⴰⵏⴽ, ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴳⵜⵉⵔⴰⵏ ⵏ ⵜⵏⵏⵓⴱⴹⴰ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵉⵙⵎⴷⵏ ⵜⴼⵍⵙ ⵜⵉⵍⵉ ⴳⵉⵙ ⵜⵖⴰⵔⴰ ⴷ ⵓⵣⵔⴰⴽ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⴱⴷⴷⵉⵏ ⵉⵎⴹⴰⴽⴰⵕⵏ ⴳ ⵓⵎⵏⵉⴷ ⴰⴷ ⵅⴼ ⵓⵙⴷⵔⵉⵙ ⵏ ⵜⵕⵥⵉ ⵜⴰⵎⵓⵟⵟⵓⵏⵜ, ⴷ ⵓⴼⵔⴰⴳ ⵏ ⵉⵎⵥⵥⵢⴰⵏⵏ ⴷ ⵜⵔⴰⵡⵙⴰⵏⵜ ⵏ ⵡⵓⵎⵍⴰⵏ ⵓⵍⴰ ⵜⴰⵏⴼⵔⵓⵜ ⵏ ⵉⵏⴳⵔⴰⵡⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⴷ ⵡⴰⴷⴰⴼ ⵉⵙⴽⵉⵍⵏ ⵖⵔ ⵉⵡⴰⵏⴽⵏ ⵉⵍⵍⴰⵏ ⴳ ⵡⴰⵙⵙⴰⵔ ⵖⵔ ⵜⵎⵓⵛⴰ ⴷ ⵜⵥⴹⴰⵕⵉⵏ ⴷ ⵜⵣⵎⵎⴰⵔ ⵏ ⵜⵎⵙⵙⵓⴷⵙⵜ.

ⵜⵓⴷⴼ ⵜⴷⵔⴰⵡⵜ ⴰⴷ ⴳ ⵓⵙⴰⵜⵉ ⵏ ⵜⴰⵏⵏⴰⵢⵜ ⵏ “AI Made in Morocco” ⴷ ⵓⵣⵉⴳⴳⵣ ⵏ ⵜⵙⵜⵔⴰⵜⵉⵊⵉⵜ ⵏ “ ⵍⵎⵖⵔⵉⴱ ⴰⵎⵓⵟⵟⵓⵏ 2030” ⵜⵉⵍⵍⵉ ⵉⵡⴰⵜⵜⵙⵏ ⴰⵚⵕⵚⵚⵓ ⵏ ⵡⴰⵏⵙⴰ ⵏ ⵜⴳⵍⴷⵉⵜ ⵉⴳⴰⵏ ⴰⵎⴳⴳⴰⵢ ⵉⵥⴹⴰⵕⵏ ⵉ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴳ ⵉⵍⵍⴰ ⵡⴰⴱⴰⴹ ⴷ ⵜⵎⵙⵜⴳⴳⴰⵔⵜ ⴷ ⵓⵙⵎⴰⴷ ⴷ ⵓⵣⴰⵍ.

ⵢⵓⵎⴰ ⵓⴽⴰⴱⴰⵕ ⴰⵎⵖⵔⵉⴱⵉ ⴰⵡⴷ ⵎⴰⵙⵙ ⵄⵓⵎⴰⵕ ⵥⵏⵉⴱⵕ, ⴷ ⵓⵎⵙⵇⴰⴷ ⴰⴳⵏⵙⴰⵙ ⴰⵎⵖⵍⴰⵍ ⵏ ⵜⴳⵍⴷⵉⵜ ⵖⵔ ⵓⵙⵉⵔⴰ ⵏ ⵜⵎⵜⵜⴰ ⵉⵎⵓⵏⵏ ⴳ ⵊⵓⵏⵉⴼ, ⴷ ⵎⴰⵙⵙ ⵄⵓⵎⴰⵕ ⵀⵉⵍⴰⵍ ⵍⵍⵉ ⵉⴳⴰⵏ ⴰⵎⵙⵇⴰⴷ ⴰⴳⵏⵙⴰⵙ ⴰⵎⵖⵍⴰⵍ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵖⵔ ⵜⵎⵜⵜⴰ ⵉⵎⵓⵏⵏ ⴳ ⵏⵢⵓⵢⵓⵕⴽ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter