ⴰⵎⴰⵡⴰⵙ
  • ⴰⵎⴰⵡⴰⵙ
    • ⵜⵉⵡⵓⵔⵉⵡⵉⵏ ⵏⵏⵖ
  • ⵜⵉⵡⵓⵔⵉⵡⵉⵏ ⵏⵏⵖ
    • ⵜⵉⵏⴰⴼⵓⵜⵉⵏ ⵏⵏⵖ
  • ⵜⵉⵏⴰⴼⵓⵜⵉⵏ ⵏⵏⵖ
    • ministre showcase

    ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴰⵔ ⵜⵙⵙⵉⵅⵉⴼ ⵜⴰⵙⵎⵓⵏⵉ ⵏ ⵓⵕⵥⵥⵓⵎ ⵏ ⵓⵙⵇⵇⵉⵎ ⴰⵎⵛⵛⵉⵡⵕ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⵏⴼⵍ ⴰⵎⵓⵟⵟⵓⵏ ⵉ ⵜⴳⵎⵉ ⵜⴰⵙⵓⵍⴰⵏⵜ

    • Accueil
    • ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴰⵔ ⵜⵙⵙⵉⵅⵉⴼ ⵜⴰⵙⵎⵓⵏⵉ ⵏ ⵓⵕⵥⵥⵓⵎ ⵏ ⵓⵙⵇⵇⵉⵎ ⴰⵎⵛⵛⵉ ...
    date icon

    ⵏⵢⵓⵢⵓⵕⴽ , 24 ⵢⵓⵏⵢⵓ 2026_ ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴳ ⵓⵙⵖⵉⵎ ⵏ ⵜⵎⵓⵔⴰ ⵉⵎⵓⵏⵏ ⴳ ⵏⵢⵓⵢⵓⵕⴽ, ⵜⴰⵙⵎⵓⵏⵉ ⵏ ⵓⵕⵥⵥⵓⵎ ⵏ ⵓⵙⵇⵇⵉⵎ ⴰⵎⵛⵛⵉⵡⵕ (Advisory Board)  ⵏ ⵡⴰⵎⵎⴰⵙ ⵏ ⴰⵙⴳⴰⵡⴰⵏ ⵏ ⵓⵙⵏⴼⵍⴰⵎⵓⵟⵟⵓⵏ ⵉ ⵜⴳⵎⵉ ⵜⴰⵙⵓⵍⴰⵏⵜ (D4SD Hub), ⵍⵍⵉ ⵉⵜⵜⴰⵡⵙⵏⵎⴰⵍⴰⵏ ⵙ ⵜⴷⵔⴰⵡⵜ ⴰⴽⴷ ⵓⵖⴰⵡⴰⵙ ⵏ ⵜⵎⵓⵔⴰ ⵉⵎⵓⵏⵏ ⴰⵏⴳⵎⵓ (PNUD), ⵎⴰⵢⴰ ⴳ ⵓⵙⴰⵜⵉ ⵏ ⵉⵎⴰⵍⴰⵙⵙ ⵏ ⵜⵎⵓⵔⴰ ⵉⵎⵓⵏⵏ ⵏ ⵉⵙⴰⵖⵓⵍⵏ ⵉⵕⵥⵎⵏ 2026.

    ⵜⴳⴰ ⵜⵙⵎⵓⵏⵉ ⴰⴷ ⵜⴰⵎⵣⵡⴰⵔⵓⵜ, ⵓⵙⵔⵙ ⵉⴼⴰⵡⵏ ⴳ ⵓⴱⵔⵉⴷ ⵏ ⵓⵙⴱⵓⵖⵍⵓ ⵏ ⵡⴰⵎⵎⴰⵙ ⴰⴼⵔⵉⵇⵉⵢ ⵏ ⵓⵙⵏⴼⵍ ⴰⵎⵓⵟⵟⵓⵏ ⵉ ⵜⴳⵎⵉ ⵜⴰⵙⵓⵍⴰⵏⵜ, ⵍⵍⵉ ⵜⵕⵥⵎ ⵙ ⵜⵖⴰⵔⴰⵙⵜ ⵜⴰⵏⵊⵎⵓⵜ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵓⵖⴰⵡⴰⵙ ⵏ ⵜⵎⵓⵔⴰ ⵉⵎⵓⵏⵏ ⴰⵏⴳⵎⵓ, ⵙ ⵓⵡⵜⵜⴰⵙ ⵏ ⵜⵎⵓⵏⵉ ⴰⴽⴷ ⵓⵙⵏⴼⵍ ⴰⵎⵓⵟⵟⵓⵏ ⴳ ⵉⴼⵔⵉⵇⵢⴰ ⴷ ⵉⵡⴰⵏⴽⵏ ⴰⵄⵕⴰⴱⵏ, ⴷⵔⴰⵏ ⴳⵉⵙ ⵉⴳⵏⵙⴰⵙⵏ ⵏ ⵜⵏⴱⴰⴹⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⵓⵍⴰ ⴰⵎⵎⴰⵙⵏ ⵏ ⵓⵔⵣⵣⵓ ⴷ ⵜⵎⵔⵙⴰⵍ ⵏ ⵜⴳⵎⵉ, ⴷ ⵉⵎⴳⴳⴰⵢⵏ ⵏ ⵢⵉⴳⵔ ⵓⵙⵍⵉⴳ
    ⴳ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵜⵙⵎⵓⵏⵉ, ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⴷ ⵜⴷⴷⴰ ⵜⵓⵇⵇⵏⴰ ⵏ ⵓⵎⴰⴳⵔ ⴰⴷ ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⵏⵎⴰⵍⴰ ⵏ ⵉⵎⴰⵍⴰⵙⵙ ⵏ ⵉⵙⴰⵖⵓⵍⵏ ⵉⵕⵥⵎⵏ ⵏ 2026, ⵏⵜⵜⴰⵜ ⴷ ⵓⵙⵉⵔⴰ ⵏ ⵜⵎⵓⵔⴰ ⵉⵎⵓⵏⵏ ⵏ ⵜⵉⴽⵏⵓⵍⵓⵊⵉⵢⵉⵏ ⵜⵉⵎⵓⵟⵟⵓⵏⵉⵏ ⵉⵜⵜⵅⵉⵜⵉⵔⵏ (ODET) ⴷ ⵓⵙⵉⵔⴰ ⵏ ⵜⵎⵓⵔⴰ ⵉⵎⵓⵏⵏ ⵏ ⵜⵉⴽⵏⵓⵍⵓⵊⵉⵜ ⵏ ⵡⵓⵎⵍⴰⵏ ⴷ ⵡⴰⵡⴰⴹⵏ (OICT).

    ⵎⴽⵏⵏⴰ ⵜⵏⵏⴰ ⵎⴰⵙ ⵜⴳⴰ ⴷⵖⵉ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵢⴰⵏ ⵓⵏⵙⵎⴰⵙⵙⵓ ⴰⴼⵔⴰⵔ ⵏ ⵜⴳⵎⵉ ⵜⴰⵙⵓⵍⴰⵏⵜ, ⵎⵇⵇⴰⵔ ⵙⵓⵍⵏⵜ ⵜⵢⴰⴼⵓⵜⵉⵏ ⵏⵏⵙ ⴷⴰ ⵜⵜⵓⴱⴹⵓⵏⵜ ⵙ ⵜⵖⴰⵔⴰⵙⵜ ⴳ ⵓⵔ ⵉⵍⵍⵉ ⵓⴳⴷⴰⵣⴰⵍ ⵉⵏⴳⵔ ⵉⵡⴰⵏⴽⵏ. ⵜⵙⴼⴰⵡ ⵎⴰⵙ ⴷ ⴳ ⵓⵙⴰⵜⵉ ⵏ ⵉⵙⵏⴼⴰⵍ ⵉⵖⴱⴰⵏ ⵍⵍⵉ ⵉⵍⵍⴰⵏ ⴳ ⵓⵎⴰⴹⴰⵍ ⵙ ⵓⵊⵎⵉⵍ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⵎⵓⵟⵟⵓⵏⵉⵏ ⵜⵉⴳⴷⵓⴷⴰⵏⵉⵏ, ⴷ ⵜⵏⵏⵓⴱⴹⴰ ⵏ ⵜⵎⵓⵛⴰ, ⴷ ⵜⵉⴽⵏⵓⵍⵓⵊⵉⵢⵉⵏ ⵉⵜⵜⵅⵉⵜⵉⵔⵏ, ⵜⴳⴰ ⵜⵏⵥⵕⵜ ⵏ ⵜⵉⵍⴰⵡⵜ ⴰⵣⵣⴳⵉⵔ ⵏ ⵓⵙⵏⴼⵍ ⵜⵎⵍⴷⵉⵡⵉⵏ ⵜⵉⵜⴽⵏⵓⵍⵓⵊⵉⵢⵉⵏ ⵖⵔ ⵜⵢⴰⴼⵓⵜⵉⵏ ⵜⵉⵏⵙⵎⴰⴷⵉⵏ ⴷ ⵜⵙⵓⵍⴰⵏⵉⵏ ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⴷ ⵓⵣⵣⴳⵉⵔ ⵏ ⵜⴳⵎⵉ.

    ⵎⴽⵏⵏⴰ ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵓⵔ ⵉⵥⴹⴰⵕ ⴰⴷ ⵢⵉⵍⵉ ⵓⵣⵣⴳⵉⵔ ⴰⵙⵓⵍⴰⵏ ⵉ ⵡⴰⴱⴰⴹ ⴰⵎⵓⵟⵟⵓⵏ ⴱⵍⴰ ⴰⴱⴰⴹ ⴰⵎⴰⵙⵙⴰⵏ ⴷ ⵜⵉⴽⵏⵓⵍⵓⵊⵉⵜ ⵉⴱⴷⴷⴰⵏ ⵅⴼ ⵉⵏⴳⵔⴰⵡⵏ ⵉⴷⵓⵙⵏ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ ⴷ ⵜⴳⵎⵉ ⵏ ⵜⵥⴹⴰⵕⵉⵏ. ⵜⵙⴷⴷⵉⴷ ⴰⵡⴷ ⵎⴰ ⵓⵔ ⵔⴰⴷ ⵢⵉⵍⵉ ⵓⵥⵍⴰⵢ ⵏ ⵉⵎⴰⵍ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵖⴰⵙ ⵙ ⵜⵉⵣⵉ ⵏ ⵡⴰⴷⴰⴼ ⵖⵔ ⵜⵉⴽⵏⵓⵍⵓⵊⵉⵜ, ⵎⴰⵛⴰ ⴰⵡⴷ ⵙ ⵜⵥⴹⴰⵕⵜ ⵏ ⵉⵡⴰⵏⴽⵏ ⴳ ⵓⴼⴰⵔⵙ ⵏ ⵜⵓⵙⵙⵏⴰ, ⴷ ⵓⵙⴱⵓⵖⵍⵓ ⵏ ⵉⵎⴷⵢⴰⵜⵏ ⵏⵏⵙ ⵓⵙⵍⵉⴳⵏ, ⴷ ⵓⵙⵓⵊⴷ ⵏ ⵜⵎⵓⵛⴰ ⵢⴰⵜⵜⵓⵢⵏ ⵏ ⵜⵕⵡⵉ, ⴷ ⵓⵥⴹⴰⵕ  ⵏ ⵜⵙⵓⴳⴰⵔ ⴷ ⵓⴹⴰⴽⴰⵍ ⵏ ⵓⵙⵥⵕⴼ ⴰⵙⵓⵍⴰⵏ ⵏ ⵓⵔⵣⵣⵓ ⴰⵎⴰⵙⵙⴰⵏ.

    ⴱⴷⴷⴰⵏ ⵉⵎⴹⴰⴽⴰⵕⵏ ⵏ ⵓⵙⵇⵇⵉⵎ ⴰⵎⵛⵛⵉⵡⵕ ⵅⴼ ⵛⵉⴳⴰⵏ ⵏ ⵉⵙⵉⵣⵡⵉⵔⵏ ⵉⵙⵜⵔⴰⵜⵉⵊⵉⵢⵏ, ⵣⴳ ⴳⵉⵙⵏ ⴰⵙⴱⵓⵖⵍⵓ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵜⴰⵎⵙⵜⴳⴳⴰⵔⵜ ⴷ ⵜⵏⵙⵎⴰⴷⵜ, ⴷ ⵓⵙⴷⵓⵙ ⵏ ⵜⵎⵓⵛⴰ ⵜⵉⵏⴰⴷⴷⴰⵜⵉⵏ ⵙ ⵡⵉⵍⵍⵉ ⵔⴰⴷ ⵉⵙⴱⵓⵖⵍⵓ ⵉⵎⴷⵢⴰⵜⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵉⵙⴰⴷⵎⴰⵔⵏ ⵉ ⵜⵥⵍⴰⵢⵉⵏ ⴷ ⵡⴰⵙⵙⴰⵔⵏ ⴷ ⵜⵓⵜⵍⴰⵢⵉⵏ ⴷ ⵜⴷⵍⵙⵉⵡⵉⵏ ⵏ ⵜⵎⵉⵣⴰⵔ ⵜⵉⴼⵔⵉⵇⵉⵢⵉⵏ ⴷ ⵜⴰⵄⵕⴰⴱⵉⵏ.

    ⴽⵏⵏⴰ ⵙⴷⴷⵉⴷⵏ ⵉⵎⴷⵔⴰⵡⵏ ⵅⴼ ⵡⴰⴷⴷⵓⵔ ⵏ ⵓⵙⴷⵓⵙ ⵏ ⵜⵥⴹⴰⵕⵉⵏ ⵜⵉⵎⵓⵟⵟⵓⵏⵉⵏ, ⴷ ⵓⵙⴷⵓⵙ ⵏ ⵉⵏⴳⵔⴰⵡⵏ ⵏ ⵉⵙⵍⵍⵡⵉ, ⴷ ⵓⵙⵅⵉⵜⵔ ⵏ ⵓⵎⵢⴰⵡⴰⵙ ⵉⵏⴳⵔ ⵜⵏⴱⴰⴹⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ, ⴷ ⵜⵙⴷⴰⵡⵉⵢⵉⵏ ⴷ ⵡⴰⵎⵎⴰⵙⵏ ⵏ ⵓⵔⵣⵣⵓ ⴷ ⵉⵎⴷⵔⴰⵡⵏ ⵉⵜⵉⵇⵏⵉⵢⵏ ⴷ ⵉⵥⵕⴼⴰⵏⵏ, ⵜⴰⵎⴰ ⵏ ⵢⵉⴳⵔ ⵓⵙⵍⵉⴳ.
    ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵓⵔ ⵉⵡⴰⵜⵜⵙ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⵏⴼⵍ ⴰⵎⵓⵟⵟⵓⵏ ⵉ ⵜⴳⵎⵉ ⵜⴰⵙⵓⵍⴰⵏⵜ ⴰⴷ ⵉⴳ ⵖⴰⵙ ⵜⴰⴷⴰⴱⵓⵜ ⵏ ⵓⵎⵙⴰⵡⴰⵍ, ⵎⴰⵛⴰ ⵉⵡⴰⵜⵜⵙ ⴰⴷ ⵉⴳ ⴰⵙⵔⵇⴱ ⵉ ⵜⴷⵔⴰⵡⵉⵏ ⴷ ⵉⵙⵍⵍⵡⵉ ⴷ ⵜⵙⵏⵜⴰⵢ ⵜⵉⵎⴰⵙⵙⴰⵏⵉⵏ, ⵙ ⵡⵉⵍⵍⵉ ⵔⴰⴷ ⵉⵙⴽⵔ ⵢⴰⵏ ⵓⵙⵏⴼⵍ ⴰⵎⵓⵟⵟⵓⵏ ⴰⵏⵙⵎⴰⴷ, ⵢⵉⵍⵉ ⴳⵉⵙ ⵡⴰⴱⴰⴹ ⴷ ⵜⴰⵙⵓⵍⵜ. ⵎⴽⵏⵏⴰ ⵜⵙⵎⴰⵢⵏⵓ ⵜⴰⵎⵔⵉⵙⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵜⴹⴼⵕⵉ ⵏ ⵜⵡⵓⵔⵉ, ⵜⴰⵎⴰ ⵏ ⵓⵖⴰⵡⴰⵙ ⵏ ⵜⵎⵓⵔⴰ ⵉⵎⵓⵏⵏ ⴰⵏⴳⵎⵓ ⴷ ⵇⴰⵃ ⵉⵎⴷⵔⴰⵡⵏ, ⵉ ⵜⵓⵚⴽⴰ ⵏ ⵓⵏⴳⵔⴰⵡ ⴰⵙⴳⴰⵡⴰⵏ ⵉⴱⴷⴷⴰⵏ ⵅⴼ ⵓⵎⵢⴰⵡⴰⵙ, ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ ⴷ ⵜⴱⴹⵉ ⵏ ⵜⵓⵙⵙⵏⴰ, ⵙ ⵡⵉⵍⵍⵉ ⵔⴰⴷ ⵢⴰⵡⵙ ⵉⴼⵔⵉⵇⵢⴰ ⴷ ⵉⵡⴰⵏⴽⵏ ⴰⵄⵕⴰⴱⵏ.

     
     
    A+ A-

    Subscribe to our newsletter

    MTNRA © All rights reserved 2026 realization FORNET