ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴰⵙⵙ ⵏ ⵓⵢⵏⴰⵙ 7 ⵛⵓⵜⴰⵏⴱⵉⵔ 2026 ⴳ ⵜⵙⴷⵍⵉⵙⵜ ⵜⴰⵏⴰⵎⵓⵔⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵕⵕⴱⴰⵟ, ⴰⵎⴰⴳⵔ ⵏ ⵓⵎⵛⴰⵡⴰⵕ ⵉⵥⵍⵉⵏ ⵙ ⵓⵙⵎⴰⴷ ⴰⵎⵓⵟⵟⵓ ⴰⴽⴷ ⵡⴰⵎⵓⵏ ⵓⵖⵔⵉⵎ.

7 September 2026

ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ ⵓⵢⵏⴰⵙ ⴳ ⵜⵙⴷⵍⵉⵙⵜ ⵜⴰⵏⴰⵎⵓⵔⵜ ⵏ ⵜⴳⵍⴷⵉⵜ ⴳ ⵕⵕⴱⴰⵟ, ⵢⴰⵏ ⵓⵎⴰⴳⵔ ⴰⵎⵛⵛⵉⵡⵕ ⵅⴼ ⵓⵙⵎⴰⴷ ⴰⵎⵓⵟⵟⵓⵏ ⴰⴽⴷ ⵡⴰⵎⵓⵏ ⵓⵖⵔⵉⵎ, ⵉⵜⵜⵓⵙⵏⵎⴰⵍⴰⵏ ⴳ ⵓⵙⴰⵜⵉ ⵏ ⵓⵙⴷⵖⵉ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵜⴰⵏⴰⵎⵓⵔⵜ ⵜⵉⵙ ⴽⵕⴰⴹⵜ ⵏ ⵜⵏⴱⴰⴹⵜ ⵉⵕⵥⵎⵏ 2024-2028.

ⵍⵍⵉ ⴳ ⵉⵜⵜⵓⵙⵖⵜⵙ ⵓⵎⴰⴳⵔ ⴰⴷ ⴳ ⵜⵡⵓⵔⵉⵡⵉⵏ ⵏ ⵓⴷⵡⴰⵍ ⴰⴼⵔⵉⵇⵉⵢ ⵏ ⵜⵏⴱⴰⴹⵜ ⵉⵕⵥⵎⵏ 2026, ⵏⵏⴰ ⵉⵜⵜⵓⴳⴰⵏ ⴳ ⵕⵕⴱⴰⵟ ⴳ ⵎⴰⵢⵢⵓ ⵏⵏⴰ ⵓⵣⵔⵉⵏ, ⵉⴷⴷⵖ ⵜⴳⴰ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⵍⵖⵓ ⵏ ⵓⵙⵏⵎⴰⵍⴰ ⵏ ⵓⵎⴰⴳⵔ ⴰⵏⴰⵎⵓⵔ ⵏⵏⴰ ⵉⵙⵎⵓⵏⵏ ⴽⵔⴰⵢⴳⴰⵜⵜ ⵉⵎⴳⴳⴰⵢⵏ, ⵙⴰⵍⴰⵡⴰⵏⵏ ⴰⴽⴽⵯ ⴰⵎⵓⵏ ⵓⵖⵔⵉⵎ, ⵉ ⵜⴹⴼⵕⵉ ⵏ ⵓⵙⴷⵓⵙ ⵏ ⵜⵎⵢⴰⴷⴰⵙⵜ ⵜⴰⵏⵊⵎⵓⵜ ⴳ ⵢⵉⴳⵔ ⵏ ⵜⵏⴱⴰⴹⵜ ⵉⵕⵥⵎⵏ.

ⵜⵙⴷⴷⵉ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵢⵓⴷⴼ ⵓⵎⴰⴳⵔ ⴰⴷ ⴳ ⵓⴱⵔⵉⴷ ⵏⵏⴰ ⵉⵙⵜⵉ ⵍⵎⵖⵔⵉⴱ ⵣⴳ ⵎⴰⴷ ⵢⴰⵎⵓ ⴳ ⵜⴷⵔⴰⵡⵜ ⵏ ⵜⵏⴱⴰⴹⵜ ⵉⵕⵥⵎⵏ ⵏ 2018, ⵉ ⵓⵚⵕⵚⵚⵓ ⵏ ⵜⵙⵓⵙⵖⵜ ⴷ ⵜⴷⵔⴰⵡⵜ ⴷ ⵓⵎⵢⴰⵡⴰⵙ ⴷ ⵜⴹⴼⵕⵉ ⵏ ⵓⵏⵏⵓⵕⵥⵎ, ⴷ ⵓⵙⴷⵓⵙ ⵏ ⵜⴱⵣⴰⵔⵜ ⵏ ⵡⴰⵎⵓⵏ ⵓⵖⵔⵉⵎ ⴳ ⵓⵖⴰⵡⴰⵙ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⴹⴼⵕⵉ ⵏ ⵓⵣⵣⴳⵉⵔ ⵏⵏⵙⵏⵜ ⴷ ⵓⵙⵜⴰⵍ ⵏ ⵉⴹⵉⵚ ⵏⵏⵙⵏⵜ.

ⵜⵙⴼⴰⵡ ⵎⴰⵙ ⵉⴳⴰ ⵍⵎⵖⵔⵉⴱ ⴳ ⵉⵙⴳⴳⵯⴰⵙⵏ ⴰⴷ ⵉⵎⴳⴳⵓⵔⴰ ⵢⴰⵜ ⵜⵎⵙⵙⵓⵎⴰⵏⵜ ⵜⴰⵏⴼⵔⴰⵔⵜ ⴳ ⵢⵉⴳⵔ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⵎⴽⴷⴰ ⵉⵜⵜⵎⵓⵜⵜⵓⵢ ⵙ ⵜⵖⴰⵔⴰⵙⵜ ⵜⴰⵣⵣⵉⴳⵣⴰⵏⵜ ⵣⴳ ⵜⵓⵚⴽⴰ ⵏ ⵜⵓⵚⴽⵉⵡⵉⵏ ⴷ ⵜⴷⴰⴱⵓⵜⵉⵏ ⵖⵔ ⵢⴰⵏ ⵓⵙⵡⵉⵔ ⵢⴰⵜⵜⵓⵢⵏ, ⵉⴱⴷⴷⴰⵏ ⵅⴼ ⵓⵙⵖⴰⵏ ⵏ ⵜⴽⵏⵓⵍⵓⵊⵉⵜ ⴳ ⵓⵊⵎⵉⵍ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ, ⴷ ⵓⵙⵉⵍⵉ ⵣⴳ ⵜⵕⵡⵉ ⵏ ⵉⵊⵎⵉⵍⵏ ⴷ ⵡⴰⵏⵏⴰⵍ ⵏ ⵜⵎⵣⵉⵣⵡⵔⵜ ⵏ ⵜⴷⵎⵙⴰ ⵜⴰⵏⴰⵎⵓⵔⵜ.

ⴳ ⵡⴰⵎⵎⴰⵙ ⵏ ⵜⴷⵉⵏⴰⵎⵉⵜ ⴰⴷ, ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵉⵙⵎⴷ ⵓⵎⵓⵜⵜⵉ ⴰⵎⵓⵟⵟⵓⵏ ⴰⴽⴷ ⵜⵙⴰⵡⵔⵜ ⵏ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ ⴷ ⵓⵙⵜⵔⴰⵔ ⵏ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ, ⵜⵙⴼⴰⵡ ⴰⵡⴷ ⵎⴰⵙ ⴰⵔ ⵜⵙⵎⵔⵙⴰⵍ ⵜⴽⴰⵕⴹⴰ ⵏ ⵓⴱⵔⵉⴷ ⵏ ⵓⵙⵏⴼⵍ ⴰⵎⵙⵙⵓⴳⵓⵔ 2026-2030 ⵢⴰⵜ ⵜⵉⴽⵍⵉ ⵜⴰⵎⴰⵢⵏⵓⵜ ⵏ ⵓⵙⴳⴳⴷ ⵏ ⵜⵏⴰⴼⵓⵜ ⵙ ⵓⵙⵉⵍⵉ ⵏ ⵓⵡⵊⴰⴷ ⵏⵏⵙ ⴳ ⵜⵎⵓⵏⵉ ⴰⴽⴷ ⵉⵙⵏⴼⴰⵍ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵜⴽⵏⵓⵍⵓⵊⵉⵜ ⴷ ⵓⵙⵎⵔⵙ ⵏ ⵉⴼⵙⴰⵢⵏ ⵉⵜⵔⴰⵔⵏ ⴳ ⵓⵙⵖⵓⴷⵓ ⵏ ⵓⵙⵡⵓⴷⴷⵓ, ⴷ ⵓⵙⵀⵡⵏ ⵏ ⵜⵙⵎⵓⵟⵟⵓⵏⵜ ⵏ ⵉⵍⵓⴳⵏⵏ, ⴷ ⵓⵙⵖⵓⴷⵓ ⵏ ⵜⵉⵔⵎⵉⵜ ⵏ ⵓⵏⵙⵙⵎⵔⴰⵙ ⵓⵍⴰ ⴰⵚⵕⵚⵚⵓ ⵏ ⵜⵎⵢⵉⵎⴰⵏⵜ ⴳ ⵜⵎⵔⵙⴰⵍ.

ⵜⵙⴷⴷⵉⴷ ⴰⵡⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵉⴷⵡⵍ ⵓⵙⵎⴰⴷ ⴰⵎⵓⵟⵟⵓⵏ ⴷ ⵢⴰⵜ ⵜⵔⵙⵍⵜ ⵏ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⴼⵔⴽⴰⵏⵜ ⴷ ⵓⵎⴳⴰⴷⴷⴰ ⵏ ⵡⴰⵏⵏⴰⵣⵏ, ⵓⵔ ⴷ ⵖⴰⵙ ⴰⴹⴰⴽⴰⵍ ⵏ ⵡⴰⴷⴰⴼ ⵖⵔ ⵜⴽⵏⵓⵍⵓⵊⵉⵜ, ⵎⴰⵛⴰ ⴰⵡⴷ ⴰⵙⵥⴹⵕ ⵣⴳ ⴽⵔⴰⵢⴳⴰⵜⵜ ⵉⵙⵎⵉⵍⵏ ⴳ ⵇⴰⵃ ⵜⵎⵏⴰⴹⵉⵏ ⵏ ⵜⴳⵍⴷⵉⵜ, ⵣⴳ ⵓⵔⵎⴰⵙ ⴷ ⵓⵙⵎⵔⵙ ⴷ ⵜⴱⵣⴰⵔⵜ ⴷ ⵓⵙⵢⴰⴼⵓ ⵏⵏⵙ ⵓⵍⴰ ⴰⵙⴱⵖⵔ ⵣⴳ ⵉⵎⵢⴰⵙⵏ ⵣⴳ ⵓⵣⵓⵔⵜ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵎⴰⵙⵙⴰⵏ ⵏⵏⴰ ⴷ ⵜⵙⵢⴰⴼⴰ.

ⴳ ⵓⵙⴰⵜⵉ ⴰⴷ, ⵉⵎⴹⴰⴽⴰⵕ ⵡⵓⴳⴰⵔ ⵏ 100 ⵏ ⵉⵎⴷⵔⴰⵡⵏ ⵏ ⵡⴰⵎⵓⵏ ⵓⵖⵔⵉⵎ ⴷ ⵜⵎⵙⵙⵓⴳⴰⵔ ⴷ ⵜⵎⵔⵙⴰⵍ ⴷ ⵜⵙⴷⴰⵡⵉⵢⵉⵏ, ⴳ ⴽⵕⴰⴹⵜ ⵜⵙⴰⵡⵔⵉⵏ ⵅⴼ ⵉⵙⴳⵓⵎⵏ ⵏ ⵓⵙⵎⵓⵜⵜⴳ ⴰⵎⵓⵟⵟⵓⵏ ⵏ ⵜⵄⵄⵓⵔⵎⴰ ⵉ ⵡⴰⴷⴰⴼ ⴳ ⵓⴳⴰⴷⴰⵣ ⵏ ⵜⵡⵓⵔⵉ, ⴷ ⵓⵙⵎⵓⵜⵜⴳ ⵏ ⴰⵎⵓⵟⵟⵓⵏ ⵏ ⵜⵎⵖⴰⵔⵉⵏ ⵉⵍⵍⴰⵏ ⴳ ⵡⴰⴷⴷⴰ ⵉⴽⵙⵉⵙⵏ, ⵉ ⵓⵙⵉⴹⵕ ⴰⴷⵎⵙⴰⵏ, ⴷ ⵓⵙⴷⵓⵙ ⵏ ⵡⴰⴷⴰⴼ ⵏ ⵉⵡⴷⴰⵏ ⴳ ⵡⴰⴷⴷⴰⴷ ⵏ ⵓⵎⵎⵓⵄⴹⵕ ⵖⵔ ⵉⵊⵎⵉⵍⵏ ⵉⴳⴷⵓⴷⴰⵏⵏ ⵉⵎⵓⵟⵟⵓⵏ.

ⵎⴽⴷⴰ ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⴰⵔ ⵎⵎⴰⵍⵏ ⵉⵙⴳⵓⵎⵏ ⴰⴷ ⵢⴰⵏ ⵓⵎⵓⵜⵜⵉ ⴰⵏⴼⵔⴰⵔ ⴳ ⵜⵎⵢⴰⴷⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ: ⴹⴰⵕⵜ ⵏ ⵎⴰⴷ ⵉⴳⴰ ⵓⵙⵇⵙⵉ ⴰⴷⵙⵍⴰⵏ “ⵎⵉⵎⴽ ⵙ ⵏⵔⴰ ⴰⴷ ⵏⴳ ⵜⴰⵙⵎⵓⵟⵟⵓⵏ?” ⴰⵙⵙⴰ ⵉⴷⵡⵍ ⵓⵙⵇⵙⵉ ⴷ “ⵎⵉⵎⴽ ⵙ ⵔⴰⴷ ⵉⵙⵙⴱⵖⵔ ⵇⴰⵃ ⵣⴳ ⵜⵙⵎⵓⵟⵟⵓⵏⵜ?”.

ⴷⴼⴼⵉⵔ ⵏ ⵓⵙⵙⴰⵔⵓ ⴳ ⵜⵓⵚⴽⵉⵡⵉⵏ ⴷ ⵜⴷⴰⴱⵓⵜⵉⵏ ⴷ ⵉⵊⵎⵉⵍⵏ, ⵉⵜⵜⴻⵜⵔⵏ ⵜⵉⴽⵍⵉⵜ ⵏ ⵓⵙⵙⴰⵔⵓ ⴳ ⵓⴼⴳⴰⵏ ⴷ ⵜⵙⵓⴳⴰⵔ ⴷ ⵜⵥⴹⴰⵕⵜ ⴳ ⵡⴰⴷⴰⴼ ⴷ ⵜⵎⵢⵉⵎⴰⵏⵜ ⵉ ⵉⵙⵍⵍⵡⵓ.

ⵉⵅⵚⵚⴰ ⵜⵉⵙⵓⵎⴰⵔ ⵏ ⵜⵡⵓⵔⵉ ⵏⵏⴰ ⴷ ⵉⴼⴼⵓⵖⵏ ⵣⴳ ⵜⵙⴰⵡⵔⵉⵏ ⵉ ⵓⵙⴱⵓⵖⵍⵓ ⵏ ⵜⵎⵔⵉⵙⵉⵏ ⵉⴳⴰⵏ ⵉ ⵓⵙⵉⴷⴼ ⴳ ⵓⴱⵔⵉⴷ ⵏ ⵓⵙⴷⵖⵉ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵜⴰⵏⴰⵎⵓⵔⵜ ⵜⵉⵙ ⴽⵕⴰⴹⵜ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ ⵙ ⵡⵉⵍⵍⵉ ⵉⵚⵕⵚⵚⴰⵏ ⵜⵉⵔⴰⵜ ⴳ ⵜⵓⵚⴽⴰ ⵏ ⵍⵎⵖⵔⵉⴱ ⴰⵎⵓⵟⵟⵓⵏ ⵏⵏⴰⵓⵔ ⵉⵜⵜⵓⴷⵓⵏ ⵙ ⵙⵏⴰⵜ ⵜⴰⵣⵣⴰⵣⵉⵏ, ⵢⴰⵏ ⵍⵎⵖⵔⵉⴱ ⴳ ⵕⵥⵥⵎ ⵜⵙⵓⴳⴰⵔ ⵜⵉⵎⵓⵟⵟⵓⵏⵉⵏ ⴷ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵉⵎⵏⵉⴷⵏ ⵏ ⵓⵙⵡⵓⵔⵉ ⴷⴰⵜ ⵏ ⵜⵄⵄⵓⵔⵎⴰ, ⴰⵔ ⴷⵉⴽⵙ ⵜⵜⴰⵡⵙ ⵜⵎⵓⵟⵟⵓⵏⵜ ⴳ ⵓⵙⵉⵥⴹⵕ ⴰⴷⵎⵙⴰⵏ ⵏ ⵜⵎⵖⴰⵔⵉⵏ, ⴰⵔ ⴳⵉⵙ ⵜⵜⵉⵍⵉⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ ⵉⵎⵓⵟⵟⵓⵏⵏ ⵉ ⵇⴰⵃ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter