ⴰⵎⴰⵡⴰⵙ
  • ⴰⵎⴰⵡⴰⵙ
    • ⵜⵉⵡⵓⵔⵉⵡⵉⵏ ⵏⵏⵖ
  • ⵜⵉⵡⵓⵔⵉⵡⵉⵏ ⵏⵏⵖ
    • ⵜⵉⵏⴰⴼⵓⵜⵉⵏ ⵏⵏⵖ
  • ⵜⵉⵏⴰⴼⵓⵜⵉⵏ ⵏⵏⵖ
    • ministre showcase

    ⵜⵙⵙⵉⵅⴼ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⵜⴰⴼⵓⴳⵍⴰ ⵏ ⵜⴳⵉⵔⴰ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⴷⵡⴰⵍ ⵏ «RallyIA Future Lab» ⴳ ⵎⵔⵣⵓⴳⴰ

    • Accueil
    • ⵜⵙⵙⵉⵅⴼ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⵜⴰⴼⵓⴳⵍⴰ ⵏ ⵜⴳⵉⵔⴰ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ...
    date icon

    ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵎⴰⵏ ⵏ ⵜⵎⵙⵙⵓⴳⵓⵔⵜ, ⵙ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵎⴰⵜⵔ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⵎⴰⵙⵙ ⵄⵓⵎⴰⵕ ⵙⵙⵖⵔⵓⵛⵛⵏⵉ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⴹⵕⵄⴰ ⵜⴰⴼⵉⵍⴰⵍⵜ ⵎⴰⵙⵙ ⵙⴰⵄⵉⴷ ⵥⵏⵉⴱⵕ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵏⴰⴹⵜ ⵏ ⴹⵕⵄⴰ ⵜⴰⴼⵉⵍⴰⵍⵜ ⵎⴰⵙⵙ ⵀⵕⵓ ⴰⴱⵕⵓ, ⴰⵙⵙⵏⴰⵟⵟ ⵏ ⵓⵙⴰⵎⴰⵙ 19 ⵢⵓⵏⵢⵓ 2026, ⴳ ⵎⵔⵣⵓⴳⴰ, ⵜⴰⴼⵓⴳⵍⴰ ⵏ ⵜⴳⵉⵔⴰ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ  «RallyIA Future Lab» ⵍⵍⵉ ⵉⵜⵜⴰⵡⵙⵏⵎⴰⵍⴰⵏ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵏⵔⵓ ⵕⴱⴱⵉ.

    ⵜⴰⵏⵏⴰⵢ ⵜⵙⵏⵜⴰⵢⵜ ⴳ ⵡⵓⵙⵙⴰⵏⵏ ⴰⴷ, ⵜⴰⴷⵔⴰⵡⵜ ⵏ ⵡⵓⴳⴰⵔ ⵏ ⵢⵉⴼⴹ ⵏ ⵜⵄⵔⵔⵉⵎⵜ ⴷ ⵓⵄⵔⵔⵉⵎ ⵣⴳ ⴽⵔⴰⵢⴳⴰⵜ ⵜⵎⵏⴰⴹⵉⵏ ⵏ ⵜⴳⵍⴷⵉⵜ, ⵍⵜⵖⵏ ⴰⴽⴽⵯ ⴳ ⵜⵙⴰⵡⵔⵜ ⵜⴰⵎⴳⵔⵓⵜ ⵉⵥⵍⵉⵏ ⵙ ⵓⵙⵏⵉⵎⴰⵍ ⵏ ⵉⴼⵙⴰⵢⵏ ⵉⵙⵍⵍⵡⵉⵜⵏ ⵏ ⵓⵎⵏⴰⵍⴰ ⴰⴽⴷ ⵜⵏⵥⴰⵕ ⵜⵉⴳⵎⵓⵜⵉⵏ ⵜⵉⵅⴰⵜⴰⵔⵉⵏ ⵍⵍⵉ ⵉⵍⵍⴰⵏ ⴳ ⵜⴳⵍⴷⵉⵜ.

    ⴳ ⵜⴳⵓⵔⵉ ⵏⵏⵙ ⵙ ⵜⵎⵍⴷⴰ ⴰⴷ, ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵙⴼⴰⵡⵏⵜ ⵜⵡⵓⵔⵉⵡⵉⵏ ⵍⵍⵉ ⵉⵥⵍⵉⵏ ⵜⴰⵙⵓⵜⵍⵜ ⴰⴷ ⵢⴰⵏ ⵓⵎⵢⴰⵏⴰⵡ ⵏ ⵓⴷⴳⴰⵔ ⴰⵏⴼⴳⴰⵏ ⴰⵏⴰⵎⵓⵔ ⴷ ⵓⵎⵢⴰⵏⴰⵡ ⵏ ⵜⵥⴹⴰⵕⵉⵏ ⴳ ⵇⴰⵃ ⵜⵎⵏⴰⴹⵉⵏ ⵏ ⵜⴳⵍⴷⵉⵜ ⵎⴽⵏⵏⴰ ⵜⵎⵎⴰⵍ ⵎⴰⵙ ⵉⵅⵚⵚⴰ ⴰⴷ ⵜⴳ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵜⴰⵎⵍⴷⴰ ⵉ ⵇⴰⵃ, ⴳ ⵓⵊⵎⵉⵍ ⵏ ⵜⴳⵎⵉ ⴷ ⵉⵙⵍⵍⵡⵉ ⴷ ⵓⵙⴷⵓⵙ ⵏ ⵡⴰⴱⴰⴹ ⴰⵎⵓⵟⵟⵓⵏ ⵏ ⵜⴳⵍⴷⵉⵜ.
    ⵎⴽⵏⵏⴰ ⵜⵙⴷⴷⵉⴷ ⵎⴰⵙ ⵉⴳⴰ ⵓⴼⵔⴷⵉⵙ ⴰⵏⴼⴳⴰⵏ ⵢⴰⵜ ⵏ ⵜⵔⵙⵍⵜ ⵜⴰⵙⵉⵍⴰⵏⵜ ⵏ ⵓⵎⵎⵓⵔⵙ ⵏ ⵜⵙⵜⵔⴰⵜⵉⵊⵉⵜ ⵏ “ⵍⵎⵖⵔⵉⴱ ⴰⵎⵓⵟⵟⵓⵏ 2030” ⴷ ⵓⵚⵕⵚⵚⵓ ⵏ ⵓⵣⵓⵔⵜ ⴰⵎⵖⵔⵉⴱⵉ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵉⴱⴷⴷⴰⵏ ⵅⴼ ⵉⵎⵏⵣⴰⵢⵏ ⵏ ⵡⴰⴱⴰⴹ ⴰⵎⵓⵟⵟⵓⵏ, ⴷ ⵜⵕⵡⵉ ⵜⴰⵜⵉⴽⵏⵓⵍⵓⵊⵉⵜ ⴷ ⵓⵎⵢⴰⵡⴰⵙ ⵉⴼⴰⵡⵏ ⵉⵏⴳⵔ ⵇⴰⵃ ⵉⵎⴳⴳⴰⵢⵏ.

    ⵜⵍⵍⴰ ⵓⵍⴰ ⵜⵉⴽⴽⵉ ⵏ ⵜⵙⵎⵖⵓⵔⵉⵏ ⵏ ⵜⵔⵓⴱⴱⴰ ⵉⵎⵎⵓⵔⵙⵏ, ⴷ ⵓⵙⵓⵜⴳ ⵏ ⵜⵕⵡⵉ ⵏ ⵉⵙⵏⵜⴰⵢ ⵍⵍⵉ ⵙⴱⵓⵖⵍⴰⵏ ⴷ ⵓⵙⵡⵉⵔ ⵏ ⵓⵍⵜⴰⵖ ⴷ ⵜⵎⵔⵉⵙⵜ ⵏⵏⵙⵏⵜ ⴳ ⵜⵉⵔⵎⵉⵜ ⴰⴷ. ⵜⵙⴰⵥⴹⵕ ⵜⵙⵓⵜⵍⵜ ⴰⴷ ⴰⴷ ⵜⵙⴼⴰⵡ ⵜⵉⵥⴹⴰⵕⵉⵏ ⵜⵉⵄⵔⵔⵉⵎⵉⵏ ⵜⵉⵎⵏⵣⵓⵖⵉⵏ, ⴷ ⵉⴼⵙⴰⵢⵏ ⵉⵙⵍⵍⵡⵉⵜⵏ, ⵓⵙⴷⴷⵉⴷ ⵏ ⵜⵥⴹⴰⵕⵜ ⵏ ⵜⵄⵄⵓⵔⵎⴰ ⵜⴰⵎⵖⵔⵉⴱⵉⵜ ⴳ ⵜⴱⵣⴰⵔⵜ ⵉⵎⵢⴰⵖⵏ ⴳ ⵜⵎⵓⵏⵉ ⴰⴽⴷ ⵉⵙⵏⴼⴰⵍ ⵉⵜⵉⴽⵏⵓⵍⵓⵊⵉⵢⵏ ⵉⵅⴰⵜⴰⵔⵏ ⴳ ⵜⴳⵍⴷⵉⵜ.

    ⴳ ⵜⴳⵉⵔⴰ ⵏ ⵜⴼⵓⴳⵍⴰ ⴰⴷ ⵉⵜⵜⵓⵀⵣⵣⴰ ⵓⵙⵅⵉⵜⵔ ⵙ ⵡⴰⴷⴷⵓⵔ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵏⵔⵓ ⵕⴱⴱⵉ ⵢⴰⵡⵙ ⴰⵙ, ⵍⵍⵉ ⴳ ⵓⵍⵖⵏ ⵉⵎⴷⵔⴰⵡⵏ ⵜⴰⵜⵜⵓⵢⵜ ⵏⵏⵙ, ⵙⴼⴰⵡⵏ ⵜⵓⵎⵔⵜ ⵏⵏⵙ ⵙ ⵢⵉⵡⵉⵣ ⵢⴰⵜⵜⵓⵢⵏ ⵍⵍⵉ ⵉⵎⵢⴰⵔ ⴱⴰⴱ ⵏ ⵡⴰⴷⴷⵓⵔ ⴰⵔ ⵜ ⵢⴰⴽⴽⴰ ⵉ ⵜⵄⵄⵓⵔⵎⴰ ⵜⴰⵎⵖⵔⵉⴱⵉⵜ, ⴷ ⵜⵙⴰⵡⵔⵜ ⵏ ⵓⵙⵏⴼⵍ ⴰⵎⵓⵟⵟⵓⵏ ⴷ ⵉⵙⵍⵍⵡⵉ ⴳ ⵜⴳⵍⴷⵉⵜ.

     
     
    A+ A-

    Subscribe to our newsletter

    MTNRA © All rights reserved 2026 realization FORNET