ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⵜⵙⵙⵉⵅⴼ ⴰⵙⴳⵎⴹ ⵏ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⵉⵏⴳⵔ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⴰⴽⴷ ⵜⵎⵙⵙⵓⵔⵜ ⵏ Vertiv ⵜⴰⵎⵏⵣⵓⵖⵜ ⴳ ⵓⵎⴰⴹⴰⵍ ⴳ ⵢⵉⴳⵔ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⵎⵓⵟⵟⵓⵏⵉⵏ ⵉⵥⵡⵕⵏ.

27 July 2026

ⵜⵙⵙⵉⵅⴼ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⵜⴰⵎⴰⵡⴰⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴰⵙⵙ ⵏ ⵓⵢⵏⴰⵙ 27 ⵢⵓⵍⵢⵓⵣ 2026 ⴳ ⵕⵕⴱⴰⵟ, ⴰⵙⴳⵎⴹ ⵏ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⵉⵏⴳⵔ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⴰⴽⴷ ⵜⵎⵙⵙⵓⵔⵜ ⵏ Vertiv ⵜⴰⵎⵏⵣⵓⵖⵜ ⴳ ⵓⵎⴰⴹⴰⵍ ⴳ ⵢⵉⴳⵔ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⵎⵓⵟⵟⵓⵏⵉⵏ ⵉⵥⵡⵕⵏ.

ⵜⴻⵜⵜⵓⵙⴳⵎⴹ ⵏ ⵜⵎⵙⵙⴽⵜⵉⵜ ⴰⴷ ⵏ ⵓⵎⵙⴰⵙⴰ ⵣⴳ ⵜⵏⵉⵍⴰ ⵏ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ ⴷ ⵎⴰⵙⵙ ⴼⵡⵉⵜⵉⴽ ⴱⵢⵓⵕⴽⵓ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⵙⵙⵓⵔⵜ ⵏ Vertiv Africa, ⵙ ⵜⵉⵍⵉⵜ ⵏ ⵎⴰⵙⵙⴰ ⵣⴰⵢⵏⴰⴱ ⵍⵇⴰⵎⵔⵉ ⵉⴳⴰⵏ ⵜⴰⵏⵎⵀⴰⵍⵜ ⵜⴰⵙⴳⴰⵡⴰⵏⵜ ⵏ ⵜⵎⵙⵙⵓⵔⵜ ⵏ Vertiv ⴳ ⵜⵎⵏⴰⴹⵜ ⵏ ⵉⵥⵥⵍⵎⴹ ⵏ ⵜⴰⴳⵓⵜ ⵏ ⵉⴼⵔⵉⵇⵢⴰ.

ⵜⵡⴰⵜⵜⵙ ⵜⴷⵔⴰⵡⵜ ⴰⴷ ⴰⵚⵚⵕⵚⵓ ⵏ ⵓⵙⴰⵜⵉ ⵏ ⵓⵎⵔⴰⵔⴰ ⴷ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵓⵙⴱⵓⵖⵍⵓ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⵎⵓⵟⵟⵓⵏⵉⵏ, ⴷ ⵜⵙⵏⵎⴰⵍⴰⵢⵜ ⵏ ⵓⴽⵍⴰⵡⴷ, ⴷ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵓⵍⴰ ⵜⴰⵙⵏⵎⴰⵍⴰⵢⵜ ⵎⵉ ⵢⴰⵜⵜⵓⵢ ⵓⵙⵡⵓⴷⴷⵓ ⴷ ⵡⴰⵎⵎⴰⵙⵏ ⵏ ⵜⵎⵓⵛⴰ ⴷ ⵉⴼⵙⴰⵢⵏ ⵓⵥⵕⵉⵕⵏ ⴷ ⵉⵏⴳⵔⴰⵡⵏ ⵏ ⵓⵚⵎⵎⵉⴹ ⵓⵛⵛⵉⵍⵏ ⵉ ⵓⵙⵡⵓⵔⵉ ⵏ ⵢⵓⵚⴽⵉⵡⵉⵏ ⴰⴷ.

ⵙ ⵜⵎⵍⴷⴰ ⴰⴷ ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⴳⴰⵏⵜ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵢⴰⵜ ⵏ ⵜⵔⵙⵍⵜ ⵜⴰⴷⵙⵍⴰⵏⵜ ⵏ ⵡⴰⴱⴰⴹ ⴰⵜⵉⴽⵏⵓⵍⵓⵊⵉ ⵏ ⵜⴳⵍⴷⵉⵜ, ⴷ ⵜⵎⵙⵙⵉⵍⵉⵜ ⵢⵓⵛⵛⵍⵏ ⴳ ⵓⵙⴱⵓⵖⵍⵓ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⴷ ⵓⵙⴷⵓⵙ ⵏ ⵉⵙⵍⵍⵡⵉ ⴷ ⵜⴳⵎⵉ ⵏ ⵜⴷⵎⵙⴰ ⵜⴰⵎⵓⵟⵟⵓⵏⵜ ⴷ ⵓⵙⵜⵔⴰⵔ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ.
ⵢⵓⴷⴼ ⵓⵎⵢⴰⵡⴰⵙ ⴰⴷ ⴳ ⵓⵙⴰⵜⵉ ⵏ ⵓⵣⵉⴳⴳⵣ ⵏ ⵜⵙⵜⵔⴰⵜⵉⵊⵉⵢⵜ ⵏ ⵍⵎⵖⵔⵉⴱ ⴰⵎⵓⵟⵟⵓⵏ 2030, ⴷ ⵜⴽⴰⵕⴹⴰ ⵏ ⵓⴱⵔⵉⴷ ⵏ “IA Made in Morocco” ⴷ ⵜⴽⴰⵕⴹⴰ ⵏ ⵓⴱⵔⵉⴷ ⴰⵏⴰⵎⵓⵔ ⵏ ⵓⵙⴱⵓⵖⵍⵓ ⵏ ⵜⵙⵏⵎⴰⵍⴰⵢⵜ ⵜⴰⴽⵍⴰⵡⴷⵜ ⵏ ⵜⵉⵣⵉ ⵏ 2025-2030, ⵏⵏⴰ ⵉⵜⵜⵓⵣⵣⴳⵉⵔⵏ ⵙ ⵉⵙⵡⴰⵍⴰⵜⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵏⵔⵓ ⵕⴱⴱⵉ.

ⵉⴷⴷⴰ ⴷ ⴳ ⵜⵎⵙⵙⴽⵜⵉⵜ ⴰⴷ ⵏ ⵓⵎⵙⴰⵙⴰ ⵙⵍⴰⵡⴰⵏ ⴰⴽⴽⵯ, ⴰⵎⵔⴰⵔⴰ ⵏ ⵜⵎⵓⵣⴰⵢⵉⵏ ⴷ ⵓⵙⴽⴰⵔ ⵏ ⵜⵖⵓⵔⵉⵡⵉⵏ ⵜⵉⵜⵉⵇⵏⵉⵢⵉⵏ, ⵓⵍⴰ ⴰⵥⵍⴰⵢ ⵏ ⵉⵙⵏⵜⴰⵢ ⵏ ⵓⵥⵟⵟⴰ, ⴷ ⵉⵏⵉⴳ ⵏ ⵉⴼⵙⴰⵢⵏ ⵉⵙⵍⵍⵡⵉⵜⵏ ⴷ ⵢⵓⵙⴰⵏ ⵉ ⵡⴰⵙⵙⴰⵔⵏ ⵉⵏⵉⵎⴰⵍⵏ ⵏ ⵜⴳⵍⴷⵉⵜ.

ⵎⴽⴷⴰ ⵜⵜⴰⵡⵙ ⵜⴷⵔⴰⵡⵜ ⴰⴷ ⴳ ⵓⵙⵖⵓⴷⵓ ⵏ ⵉⵎⴹⴰⴽⴰⵕⵏ ⵉⵣⴷⵉⵏ ⴷ ⵓⵙⴱⵓⵖⵍⵓ ⵏ ⵡⴰⵎⵎⴰⵙⵏ ⵏ ⵡⴰⴱⴰⴹ ⵏ ⵜⵎⵓⵛⴰ ⵙ ⵡⴰⵜⵜⴰⵢⵏ ⵏ 50 ⵎⵉⴳⴰⵡⴰⵟ ⴳ ⵜⵎⴷⵉⵏⵜ ⵏ ⵕⵕⴱⴰⵟ, ⵉⵡⴰⵜⵜⵙ ⴰⵙⴷⵓⵙ ⵏ ⵜⵥⴹⴰⵕⵉⵏ ⵜⵉⵏⴰⵎⵓⵔⵉⵏ ⴳ ⵢⵉⴳⵔ ⵏ ⵜⵙⵏⵎⴰⵍⴰⵢⵜ ⵜⴰⴽⵍⴰⵡⴷⵜ ⴳ ⵉⵍⵍⴰ ⵡⴰⴱⴰⴹ, ⴷ ⵜⵎⵔⵏⵉⵡⵜ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ ⵉⵎⵓⵟⵟⵓⵏⵏ ⴷ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⵙⵏⵎⴰⵍⴰⵢⵜ ⵉⴳⴳⵓⴷⵉⵏ ⴷ ⵜⵏⴼⵔⵓⵜ ⵜⴰⵙⵉⴱⵉⵕⴰⵏⵉⵜ.

ⵜⵙⴽⵔ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴳ ⵓⵙⴳⵎⴹ ⵉⵎⴹⴰⴽⴰⵕⵏ ⴰⴽⴷ ⵎⴰⵙⵙ ⵓⵏⴷⵔⵉ ⴱⵢⵓⵏⴳ ⴰⵏⵎⵀⴰⵍ ⵉⵜⵜⵓⵙⵎⴰⴳⵍⵏ ⵙ ⵜⵙⵜⵔⴰⵜⵉⵊⵉⵜ ⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵣⵣⴳⵉⵔ ⵏ ⵜⵎⵙⵙⵓⵔⵜ ⵏ Cybastion, ⵓⵍⴰ ⵎⴰⵙⵙ ⴰⵎⵉⵏ ⵇⵏⴷⵉⵍ ⴰⵏⵙⵙⵉⵅⴼ ⵏ ⵓⵣⵣⴳⵉⵔ ⵏ ⵜⵎⵙⵙⵓⵔⵜ ⵏ N+One, ⴷ ⵎⴰⵙⵙ ⵢⴰⵙⵉⵏ ⴱⵏⵊⵍⵍⵓⵏ ⴰⵎⵛⵛⵉⵡⵕ ⵏ ⵓⵏⵙⵙⵉⵅⴼ ⵏ ⵓⵣⵣⴳⵉⵔ ⵏ ⵜⵎⵙⵙⵓⵔⵜ ⵏ N+One.

ⵜⵜⵓⴳⴰⵏ ⵉⵎⴹⴰⴽⴰⵕⵏ ⴰⴷⵙ ⵜⵉⵍⵉⵜ ⵏ ⵎⴰⵙⵙ ⴼⵡⵉⵜⵉⴽ ⴱⵢⵓⵕⴽⵓ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⵙⵙⵓⵔⵜ ⵏ Vertiv Africa, ⴷ ⵎⴰⵙⵙⴰ ⵣⴰⵢⵏⴰⴱ ⵍⵇⴰⵎⵔⵉ ⵉⴳⴰⵏ ⵜⴰⵏⵎⵀⴰⵍⵜ ⵜⴰⵙⴳⴰⵡⴰⵏⵜ ⵏ ⵜⵎⵙⵙⵓⵔⵜ ⵏ Vertiv ⴳ ⵜⵎⵏⴰⴹⵜ ⵏ ⵉⵥⵥⵍⵎⴹ ⵏ ⵜⴰⴳⵓⵜ ⵏ ⵉⴼⵔⵉⵇⵢⴰ, ⵉⴱⴷⴷⴰ ⵎⴰⵢⴰⴷ ⵅⴼ ⵉⵎⵏⵉⴷⵏ ⵏ ⵓⵎⵢⴰⵡⴰⵙ ⴳ ⵉⴳⵔⴰⵏ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⵎⵓⵟⵟⵓⵏⵉⵏ ⵉⵥⵡⵕⵏ, ⴷ ⵡⴰⵎⵎⴰⵙⵏ ⵏ ⵜⵎⵓⵛⴰ ⵓⵍⴰ ⵜⴰⵙⵏⵎⴰⵍⴰⵢⵜ ⵜⴰⴽⵍⴰⵡⴹⵜ ⵖⵔ ⵉⵍⵍⴰ ⵡⴰⴱⴰⴹ, ⴷ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵜⵙⵏⵎⴰⵍⴰⵢⵜ ⵎⵉ ⵢⴰⵜⵜⵓⵢ ⵓⵙⵡⵓⴷⴷⵓ.

A+ A-

You may be interested in

ⵜⵉⵙⵎⵉⴳⴰⵍ

ⴰⵎⵣⵔⴰⵢ

ⵜⴰⵎⴰⵡⵙⴰⵙⵜ

You may be interested in

Subscribe to our newsletter