Skip to main content
ministre showcase

ⴰⵎⵙⴳⴷⴰⵍ ⵅⴼ ⵓⵙⵏⵜⵉ ⵏ ⵜⵎⵙⴰⵙⵜⵍⵜ ⵜⴰⵢⵢⴰⵡⵜ ⵏ ⵜⵎⴰⵡⴰⵙⵜ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ ⵏ ⵓⵙⴳⴳⵯⴰⵙ ⴰⵥⵕⴼⴰⵏ 2027

  • Accueil
  • ⴰⵎⵙⴳⴷⴰⵍ ⵅⴼ ⵓⵙⵏⵜⵉ ⵏ ⵜⵎⵙⴰⵙⵜⵍⵜ ⵜⴰⵢⵢⴰⵡⵜ ⵏ ⵜⵎⴰⵡⴰⵙⵜ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ...
date icon

ⴳ ⵓⵙⴰⵜⵉ ⵏ ⵓⵎⵙⴳⴷⴰⵍ ⵅⴼ ⵜⵎⵙⴰⵙⵜⵍⵜ ⵜⴰⵢⵢⴰⵡⵜ ⵏ ⵜⵎⴰⵡⴰⵙⵜ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⵏ ⵓⵙⴳⴳⵯⴰⵙ ⴰⵥⵕⴼⴰⵏ 2027, ⵉⵎⵔⴰⵔⴰ ⵎⴰⵙⵙ ⵃⵎⴷ ⵕⵃⵃⵓ, ⴰⵎⴰⵡⵙⴰⵙ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⴷ ⵎⴰⵙⵙⴰ ⵄⵉⵛⴰ ⴳⵍⵍⴰⵄ ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵉⵜⵜⵓⵙⵎⴰⴳⵍⵏ ⵙ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⴰⴽⴷ ⵉⵙⵇⵙⵉⵜⵏ ⴷ ⵜⴰⵏⵏⴰⵢⵉⵏ ⵏ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⴰⵔⴰⵏ, ⴳ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵜⴰⴳⵯⵏⵙⴰⵏⵜ ⴷ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ ⴷ ⵜⵖⴰⵡⵙⵉⵡⵉⵏ ⵜⵉⵎⵙⵙⵓⴳⵓⵔⵉⵏ ⴳ ⵓⵙⵇⵇⵉⵎ ⵏ ⵉⵎⴰⵔⴰⵏ, ⵏⵏⴰ ⵉⵜⵜⵓⴳⴰⵏ ⴰⵙⵙ ⵏ ⵓⵙⵉⵏⴰⵙ 11  ⵏⵓⵡⴰⵏⴱⵉⵔ 2026.

ⵜⴳⴰ ⵜⵙⵎⵓⵏⵉ ⴰ ⴰⵣⵎⵣⵣⵓ ⵏ ⵜⵖⵔⵉ ⵏ ⵜⵏⵥⴰⵕ ⵏⵏⴰ ⵉⵣⴷⵉⵏ ⴷ ⵓⵙⵏⴼⵍ ⴰⵎⵓⵟⵟⵓⵏ ⴷ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⴰⴽⴷ ⵓⵙⴷⴷⵉⴷ ⵅⴼ ⵓⵏⵜⴰⵢ ⵏ ⵜⵙⵖⵣⵏⵜ ⵏ ⵜⵎⵢⴰⴷⴰⵙⵜ ⵢⵓⴷⴼⵏ ⵏⵏⴰ ⵉⵙⵔⵓⵙⵏ ⴰⵏⵎⵓⵔ ⵉⵊⴰⵊ ⵏ ⵜⵓⴳⴳⴰⵙ ⵏ ⵓⵙⵜⵔⴰⵔ, ⴷ ⵓⵙⵖⵓⴷⵓ ⵏ ⵜⵕⵡⵉ ⵏ ⵉⵊⵎⵉⵍⵏ ⵉⴳⴷⵓⴷⴰⵏⵏ, ⵓⵍⴰ ⴰⵙⵙⴱⵖⵔ ⵣⴳ ⵜⵥⴹⴰⵕⵉⵏ ⵏⵏⴰ ⵜⴰⴽⴽⴰ ⵜⴽⵏⵓⵍⵓⵊⵉⵜ ⵜⴰⵜⵔⴰⵔⵜ.

ⵎⴽⴷⴰ ⵙⴰⵡⵍⵏ ⵉⵎⴹⴰⴽⴰⵕⵏ ⵅⴼ ⵓⵙⴷⵓⵙ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵎⵓⵟⵟⵓⵏⵉⵏ, ⴷ ⵓⵙⵅⴰⵜⵔ ⵏ ⵓⵖⵎⵎⵓⵙ ⵏ ⵓⵥⵟⵟⴰ ⵏ ⵓⵎⵢⴰⵡⴰⴹ ⴷ ⵡⴰⵏⵟⵉⵕⵏⵉⵟ, ⴷ ⵓⵙⵓⴷⵔⵙ ⵏ ⵓⵏⴳⴰⵔⴰ ⴰⴼⵔⴽⴰⵏ, ⴰⴽⴷ ⵜⵓⵇⵇⵏⴰ ⵏ ⵜⵓⴳⴳⴰⵙ ⵏ ⵓⵙⵡⵓⴷⴷⵓ ⵏ ⵡⴰⴷⴰⴼ ⵖⵔ ⵉⵊⵎⵉⵍⵏ ⵉⴳⴷⵓⴷⴰⵏⵏ, ⵍⵓⵎⵏⵏ ⴳ ⵉⴳⵔⴰⵏ ⵏ ⵜⴷⵓⵙⵉ ⴷ ⵓⵙⵍⵎⴷ ⴷ ⵓⵙⵎⵓⵜⵜⴳ ⴷ ⵜⵣⵔⴼⵜ, ⴷ ⴰⵡⴷ ⴰⵙⴷⵓⵙ ⵏ ⵓⵣⴷⴷⵓⵢ ⵉⵏⴳⵔ ⵎⵏⵏⴰⵡ ⵏ ⵉⴳⵔⴰⵏ ⴷ ⵓⵄⵔⴰⵎ ⵏ ⵉⵏⵎⵎⴰⵍⵏ ⵏ ⵓⵙⵓⵜⴳ ⵏ ⵓⵙⵡⵓⴷⴷⵓ ⵏ ⵉⵊⵎⵉⵍⵏ ⵉⵎⵓⵟⵟⵓⵏ ⴷ ⵜⵙⵖⴰⵍ ⵏ ⵜⵙⵓⵔⵜ ⵏⵏⵙ.

ⴳ ⵎⴰⴷⵉ ⵉⵥⵍⵉⵏ ⵙ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⵉⵜⵜⵓⵙⴷⴷⵉⴷ ⵅⴼ ⵡⴰⴷⴷⵓⵔ ⵏ ⵜⴰⵙⵓⵍⵜ ⵏ ⵓⵣⵣⵉⴳⵣ ⵏ ⵜⵙⴰⵡⵔⵜ ⵏ ⵜⴰⵔⵏⴰⵎⵎⴰⵙⵏⵜ ⵜⴰⵎⵙⵙⵓⴳⵓⵔⵜ, ⵎⴰⵙ ⴷ ⵜⴳⴰ ⵜⴰⵎⵙⵙⵉⵍⵉⵜ ⵏ ⵓⵙⵜⵔⴰⵔ ⵏ ⵓⵙⵡⵓⴷⴷⵓ ⴰⴳⴷⵓⴷⴰⵏ ⴷ ⵓⵙⵓⴷⵙ ⵏ ⵜⵖⵜⴰⵙⵜ ⵉ ⵉⵏⵎⵓⵔⴰⵏ ⵙ ⵓⵙⴷⵓⵙ ⵏ ⵓⵣⴷⴷⵓⵢ ⴰⵎⵔⵙⴰⵍ ⴷ ⵓⵙⵓⵊⴷ ⵏ ⵉⵙⵓⴳⴰⵎ ⵉⵏⴼⴳⴰⵏ ⴷ ⵉⵥⵕⴼⴰⵏ ⵏⵏⴰ ⴷ ⵉⵇⵇⴰⵏ ⵉ ⵓⵙⵎⵀⵍ ⵏⵏⵙ ⵅⴼ ⵓⵙⵡⵉⵔ ⴰⵏⵎⵏⴰⴹ.

 

ⵎⴽⴷⴰ ⵜⵎⴷⴰⵡⴰⵍ ⵜⵙⵎⵓⵏⵉ ⵅⴼ ⵜⵙⵓⵍⵜ ⵏ ⵓⵙⵎⵀⵍ ⵏ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵓⵙⵉⴷⴼ ⵏⵏⵙ ⴳ ⵜⵏⵓⴼⴰ ⵜⵉⵎⵙⵙⵓⴳⵓⵔⵉⵏ ⴷ ⵓⵎⵢⴰⵡⴰⴹ ⴰⴽⴷ ⵉⵏⵙⵙⵎⵔⴰⵙⵏ, ⵙ ⵓⴽⴰⵎⴷ ⴷ ⵉⵙⵓⵜⴰⵔ ⵉⵏⴼⴳⴰⵏⵏ ⴷ ⵉⵎⴰⴷⴷⴰⵙⵏ ⴷ ⵉⴽⵎⴰⵎⵏ ⵏⵏⴰ ⴷ ⵉⵇⵇⴰⵏ ⵉ ⵎⴰⵢⴰⵏ.

ⵎⴽⴷⴰ ⵙⴷⴷⴻⴷⵏ ⵉⵎⴹⴰⴽⴰⵕⵏ, ⴰⴽⴽⵯ ⵉⵜⵙⵏ, ⴰⴷⴷⵓⵔ ⵏ ⵏⴽⵛⴰⵎ ⴳⵔ ⵎⵏⵏⴰⵡⵜ ⵏ ⵉⵙⴰⵡⵔⵏ ⴰⴷ ⴰⴽⴷ ⵉⵎⵣⵡⵓⵔⴰ ⵏ ⵉⵖⴰⵡⴰⵙⵏ ⵓⵏⴱⵉⴹⵏ, ⵙ ⵎⴰⴷ ⵉⴱⵣⵔⵏ ⴳ ⵓⵚⵕⵓ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⵉⵍⵍⴰⵏ ⵓⴳⴰⵔ ⵏ ⵜⵕⵡⵉ ⴷ ⵡⴰⴷⴰⵙ ⵏⵏⵙ ⵉ ⵉⵏⵎⵓⵔⴰⵏ ⴷ ⵜⵎⵙⵙⵏⵜⵉⵜⵉⵏ.

 
 

Subscribe to our newsletter