ⴰⵎⴰⵡⴰⵙ
  • ⴰⵎⴰⵡⴰⵙ
    • ⵜⵉⵡⵓⵔⵉⵡⵉⵏ ⵏⵏⵖ
  • ⵜⵉⵡⵓⵔⵉⵡⵉⵏ ⵏⵏⵖ
    • ⵜⵉⵏⴰⴼⵓⵜⵉⵏ ⵏⵏⵖ
  • ⵜⵉⵏⴰⴼⵓⵜⵉⵏ ⵏⵏⵖ
    • ministre showcase

    ⴳ ⵉⵎⵓⵙⵙⵓⵜⵏ ⵏ ⵉⵎⴰⵍⴰⵙⵙ ⵏ ⵜⵎⵓⵔⴰ ⵉⵎⵓⵏⵏ ⵏ ⵓⵙⴰⵖⵓⵍ ⵉⵕⵥⵎⵏ 2026, ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⵢⴰⵜ ⵜⵙⵇⵇⴰⵢⵎⵓⵜ ⵜⴰⵙⵜⵔⴰⵜⵉⵊⵉⵜ ⵅⴼ ⵉⵎⴷⵢⴰⵜⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵎⵉ ⵕⵥⵎⵏ ⵉⵙⴰⵖⵓⵍⵏ

    • Accueil
    • ⴳ ⵉⵎⵓⵙⵙⵓⵜⵏ ⵏ ⵉⵎⴰⵍⴰⵙⵙ ⵏ ⵜⵎⵓⵔⴰ ⵉⵎⵓⵏⵏ ⵏ ⵓⵙⴰⵖⵓⵍ ⵉⵕⵥⵎⵏ 2026, ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ...
    date icon

    ⴳ ⵉⵎⵓⵙⵙⵓⵜⵏ ⵏ ⵉⵎⴰⵍⴰⵙⵙ ⵏ ⵜⵎⵓⵔⴰ ⵉⵎⵓⵏⵏ ⵎⵉ ⵉⵕⵥⵎ ⵓⵙⴰⵖⵓⵍ ⵏ 2026, ⵍⵍⵉ ⵉⵜⵜⵡⴰⴳⵏ ⴳ ⵓⵙⵖⵉⵎ ⵏ ⵜⵎⵓⵔⴰ ⵉⵎⵓⵏⵏ ⴳ ⵜⵎⴷⵉⵏⵜ ⵏ ⵏⵢⵓⵢⵓⵔⴽ, ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ ⵢⴰⵜ ⵜⵙⵇⵇⴰⵢⵎⵓⵜ ⵜⴰⵙⵜⵔⴰⵜⵉⵊⵉⵢⵜ ⵎⵉ ⵢⴰⵜⵜⵓⵢ ⵓⵙⵡⵉⵔ ⵜⴻⵜⵜⵓⵥⵍⴰⵢ ⵉ ⵉⵎⵔⵙⵉ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵎⵉ ⵉⵕⵥⵎ ⵓⵙⴰⵖⵓⵍ, ⵎⴰⵢⴰ ⴳ ⵓⵙⴰⵜⵉ ⵏ ⵓⵙⴰⵏⵓⴹ ⵏ ⵜⵙⵎⵓⵟⵟⵓⵏⵜ ⵉ ⵜⴳⵎⵉ ⵜⴰⵙⵓⵍⴰⵏⵜ (D4SD Hub), ⵏⵏⴰ ⵅⴼ ⵜⵉⵡⵉⵣ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵓⵖⴰⵡⴰⵙ ⵏ ⵜⵎⵓⵔⴰ ⵉⵎⵓⵏⵏ ⴰⵏⴳⵎⵓ.

    ⵜⴻⵜⵜⵡⴰⵇⵇⵏ ⵜⵙⵎⵓⵏⵉ ⴰⴷ ⴷⴷⴰⵡ ⵏ ⵜⵎⴰⵜⴰⵔⵜ ⵏ “ⵉⵎⴷⵢⴰⵜⵏ ⵉⵕⵥⵎⵏ: ⵖⵔ ⵢⴰⵜ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⴳ ⵉⵍⵍⴰ ⵡⴰⴱⴰⴹ ⵉ ⵉⴼⵔⵉⵇⵢⴰ ⴷ ⵉⵡⴰⵏⴽⵏ ⴰⵄⵕⴰⴱⵏ”, ⵙ ⵜⴷⵔⴰⵡⵜ ⵏ ⵉⴳⵏⵙⴰⵙⵏ ⵏ ⵜⵏⴱⴰⴹⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵉⵎⴳⴳⴰⵢⵏ ⵉⴳⴷⵓⴷⴰⵏⵏ ⴳ ⵢⵉⴳⵔ ⴰⵎⵓⵟⵟⵓⵏ ⴷ ⵉⵎⵓⵣⴰⵢⵏ ⵏ ⵓⵏⴳⵔⴰⵡ ⵎⵉ ⵉⵕⵥⵎ ⵓⵙⴰⵖⵓⵍ, ⴰⵛⴽⵓ ⴰⵔ ⵙⴰⵡⴰⵍⵏ ⵉⵎⴹⴰⴽⴰⵕⵏ ⵅⴼ ⵢⴰⵏ ⵓⵙⵇⵙⵉ ⴰⴷⵙⵍⴰⵏ ⵉⵥⵍⵉⵏ ⵙ ⵜⴰⵎⴰⵎⴽⵜ ⵏ ⵓⵙⵉⵥⴹⵕ ⵏ ⵉⵡⴰⵏⴽⵏ ⵉⴼⵔⵉⵇⵉⵢⵏ ⴷ ⵡⴰⵄⵕⴰⴱⵏ ⴷ ⵉⵡⴰⵏⴽⵏ ⵏ ⵉⴼⴼⵓⵙ ⴰⵎⴰⴹⵍⴰⵏ ⵃⵎⴰ ⴰⴷ ⵓⵔ ⴳⵉⵏ ⵖⴰⵙ  ⵖⴰⵙ ⵉⵏⵙⵙⵎⵔⴰⵙⵏ ⵏ ⵜⵉⴽⵏⵓⵍⵓⵊⵉⵢⵉⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⵎⴰⵛⴰ ⴰⴷ ⴱⵓⵖⵍⵓⵏ ⴰⵔ ⵜⵜⴱⵣⴰⵔⵏ ⴰⵔ ⴷⵔⵔⵓⵏ ⴳ ⵓⵙⴰⴼⵓ ⵏⵏⵙ ⴷ ⵓⵙⵡⴰⵍⴰ ⵏ ⵉⴱⵔⵉⴷⵏ ⵏⵏⵙ.

    ⵜⵙⴷⴷⵉⴷ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ ⵙⵙⵖⵔⵓⵛⵛⵏⵉ, ⵜⴰⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴰⵎ ⵏ ⵜⵎⵙⵙⵓⴳⵓⵔⵜ, ⴳ ⵜⴳⵓⵔⵉ ⵏⵏⵙ ⵏ ⵓⵏⵏⵓⵕⵥⵎ ⵎⴰⵙ ⵜⴳⴰ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵢⴰⵏ ⵓⵎⵙⴰⵔⴰⵙ ⴰⵙⵉⵍⴰⵏ ⵏ ⵓⵣⵣⴳⵉⵔ ⵏ ⵡⴰⴱⴰⴹ ⴰⵎⵓⵟⵟⵓⵏ, ⴽⵓⴷⵏⵏⴰ ⴰⵔ ⵢⴰⴽⴽⴰ ⵉ ⵉⵡⴰⵏⴽⵏ ⵏ ⵉⵎⵔⵣⵓⵜⵏ ⴷ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ ⵓⵍⴰ ⵜⵉⵙⵟⴰⵕⵟⴰⴱⵉⵏ, ⵜⵉⵥⴹⴰⵕⵉⵏ ⵏ ⵓⵔⵎⴰⵙ ⵏ ⵜⵉⴽⵏⵓⵍⵓⵊⵉⵢⵉⵏ ⵉⵜⵜⵓⵙⵎⵔⵙⵏ ⴷ ⵓⵏⵖⴰⴷ ⴷ ⵜⵏⴰⵎⵉⵜ ⵏⵏⵙⵏⵜ ⴰⴽⴷ ⵜⵓⵜⵍⴰⵢⵉⵏ ⵜⵉⵏⴰⵎⵓⵔⵉⵏ ⴷ ⵉⵙⵓⵜⴰⵢ ⵓⵍⴳⵉⵏⵏ ⴷ ⵉⵙⵉⵣⵡⵉⵔⵏ ⵉⵙⵜⵔⴰⵜⵉⵊⵉⵢⵏ ⵏ ⴽⵓ ⵓⵡⴰⵏⴽ, ⵓⵍⴰ ⴰⴱⵣⴰⵔ ⴳ ⵓⵙⴱⵓⵖⵍⵓ ⴷ ⵓⵙⵖⵓⴷ ⵏⵏⵙⵏⵜ.

    ⵜⵙⴼⴰⵡ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⴰⵏⵏⵓⵕⵥⵎ ⴰⵜⵉⴽⵏⵓⵍⵓⵊⵉ ⵎⵇⵇⴰⵔ ⵉⵍⴰ ⴰⴷⴷⵓⵔ, ⵓⵔ ⵉⴳⵉ ⵖⴰⵙ ⵏⵜⵜⴰ ⵉ ⵓⵣⵣⴳⵉⵔ ⵏ ⵉⵡⵜⵜⴰⵙⵏ ⴰⴷ ⵎⴰⵛⴰ ⵉⵅⵚⵚⴰ ⴰⴷ ⵉⴱⴷⴷ ⵅⴼ ⵜⵎⵓⵛⴰ ⵜⵉⵎⵢⵉⵎⴰⵏⵉⵏ, ⴷ ⵜⵎⵓⵛⴰ ⵜⵉⵏⴰⴷⴷⴰⵡⵉⵏ ⵉⴱⴰⴹⵏ, ⴷ ⵜⵥⴹⴰⵕⵉⵏ ⵉⴱⵓⵖⵍⴰⵏ ⵓⵍⴰ ⵜⵉⵏⵏⵓⴱⴹⴰ ⵜⴰⵎⵙⵜⴳⴳⴰⵔⵜ, ⵜⴰⵎⴰ ⵏ ⵢⴰⵏ ⵉⵎⵉⵥ ⴰⵎⵔⵙⴰⵍ ⵉⴷⵓⵙⵏ ⵏ ⴽⵔⴰⵢⴳⴰⵜ ⵉⴼⵔⴷⵉⵙⵏ ⵏ ⵓⵏⴳⵔⴰⵡ ⴰⵎⵓⵟⵟⵓⵏ.

    ⵜⴱⴷⵔ ⴰⵡⴷ ⵎⴰⵙ ⵜⴳⴰ ⵜⴰⵏⵏⴰⵢⵜ ⴰⴷ ⵓⵍ ⵏ ⵜⴽⴰⵕⴹⴰ ⵜⴰⵏⴰⵎⵓⵔⵜ ⵏ ⵓⴱⵔⵉⴷ  "AI Made in Morocco" ⵏ 2030, ⵍⵍⵉ ⵉⵡⴰⵜⵜⵙⵏ ⵉⵏⵙⴰ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵣⵓⵏ ⴷ ⵢⴰⵏ ⵓⵎⵙⵢⴰⴼⵓ ⵏ ⵉⴼⵙⴰⵢⵏ ⵏ ⵡⴰⴱⴰⴹ ⴷ ⵜⵎⵢⵉⵎⴰⵏⵜ ⴳ ⵢⵉⴳⵔ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⵙ ⵡⵉⵍⵍⵉ ⵉⵙⴰⴷⵎⴰⵔⵏ ⵉ ⵜⵥⵍⴰⵢⵉⵏ ⵜⵉⵙⵏⵉⵍⵍⵙⵉⵏ ⴷ ⵜⴷⵍⵙⴰⵏⵉⵏ ⴷ ⵜⴷⵎⵙⴰⵏⵉⵏ.

    ⴳ ⵓⵙⴰⵜⵉ ⴰⴷ, ⵜⵙⴼⵙⵔ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵛⵉⴳⴰⵏ ⵏ ⵜⵙⴰⵡⵔⵉⵏ ⵜⵉⵅⴰⵜⴰⵔⵉⵏ ⵏ ⵓⵥⵟⵟⴰ, ⵣⵓⵏ ⴷ ⴰⵙⵏⵜⵉ ⵏ “ⵡⴰⵎⵎⴰⵙ ⴰⵏⴰⵎⵓⵔ ⵏ ⵜⵎⵓⵛⴰ” ⵍⵍⵉ ⵉⵡⴰⵜⵜⵙⵏ ⴰⵙⵏⴼⵍ ⵏ ⵜⵎⵓⵛⴰ ⵜⵉⴳⴷⵓⴷⴰⵏⵉⵏ ⵖⵔ ⵜⴰⵍⵖⵉⵡⵉⵏ ⵜⵉⵎⵓⵟⵟⵓⵏⵉⵏ ⵉⵏⵎⴰⵍⴰⵏ ⴼⵍⵙⵏⵜ ⵓⵊⴷⵏⵜ ⵉ ⵓⵙⵙⴰⵔⵓ ⴳ ⵜⵙⵏⵙⵉⵡⵉⵏ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⴷ ⵓⵚⵕⵚⵚⵓ ⵏ ⵓⵏⴳⵔⴰⵡ ⵉ ⵉⵢⴰⴼⵓⵜⵏ ⵉⵎⵓⵟⵟⵓⵏⵏ ⵉⵏⵊⵎⵓⵜⵏ ⵍⵍⵉ ⵢⵓⵎⴰⵏ ⵜⴰⴷⴰⴱⵓⵜ ⵜⴰⵏⴰⵎⵓⵔⵜ ⵏ ⵓⵙⴱⵓⵖⵍⵓ ⵏ ⵉⵙⵖⵉⵡⵙⵏ ⴷ ⵜⵎⵏⴰⴷ ⵏ ⵓⵙⵖⵉⵡⵙ ⵏ ⵜⵙⵏⵙⵉⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵙⵜⵔⴰⵜⵉⵊⵉⵢⵉⵏ, ⵓⵍⴰ ⴰⵙⴱⵓⵖⵍⵓ ⵏ ⵜⵎⵓⵛⴰ ⵜⵉⵏⴰⴷⴷⴰⵡⵉⵏ ⵏ ⵡⴰⴱⴰⴹ ⵏ ⵜⵎⵙⵙⵓⴷⵙⵜ ⵏ ⵓⴽⵍⴰⵡⴷ ⴷ ⵜⵥⴹⴰⵕⵉⵏ ⵏ ⵓⴽⵍⴰⵡⴷ ⴷ ⵜⵏⴼⵔⵓⵜ ⵜⴰⵙⵉⴱⵉⵔⴰⵏⵉⵜ ⵓⵍⴰ ⴰⵙⵏⵓⴱⴳ ⵉⴼⵍⵙⵏ ⴷ ⵓⵙⴷⵓⵙ ⵏ ⵜⵥⴹⴰⵕⵉⵏ ⴷ ⵉⵙⵍⵍⵡⵉ.

    ⵙ ⵜⵎⵍⴷⴰ ⴰⴷ ⵜⵜⵓⵙⵎⵏⵉⴷⵏ ⵉⵙⵉⵏⴰⴳⵏ ⵏ ⵊⴰⵥⴰⵕⵉ ⵎⴰⵙ ⴳⴰⵏ ⵜⵉⴷⴰⴱⵓⵜⵉⵏ ⵏ ⵓⵣⴷⴰⵢ ⴷ ⵓⵎⵢⴰⵖ ⵉⵏⴳⵔ ⵜⵙⴷⴰⵡⵉⵢⵉⵏ ⴷ ⵜⵙⵟⴰⵕⵟⴰⴱⵉⵏ ⴷ ⵢⵉⴳⵔ ⴰⵎⴳⵓⵔⴰⵏ ⴷ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ ⴷ ⵉⴳⵔⴰⵏ ⵉⵏⴰⴽⴰⵍⵏ, ⵅⴼ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵜⵓⵙⵏⵉⵙⵜ ⴷ ⵓⵙⵉⵜⵜⵉ ⵏ ⵜⵉⴽⵏⵓⵍⵓⵊⵉⵜ ⴷ ⵓⵙⴱⵓⵖⵍⵓ ⵏ ⵉⵎⵙⵢⴰⵜⵏ ⵉⵏⴰⵎⵓⵔⵏ ⴷ ⵢⵓⵙⴰⵏ ⴰⴷⴽ ⵜⵉⵍⴰⵡⵜ ⵜⴰⵎⵖⵔⵉⴱⵉⵜ, ⵍⵓⵎⵏⵏ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⴷⴷⴰⵔⵉⵊⴰ ⴷ ⵜⵎⴰⵣⵉⵖⵜ.

    ⵜⴱⴷⵔ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴰⵡⴷ ⵜⴰⵙⵏⵜⴰⵢⵜ ⵏ "RallyIA Future Lab" ⵎⴰⵙ ⵜⴳⴰ ⵢⴰⵜ ⵜⵎⵙⵙⵏⵜⵉⵜ ⵜⴰⵎⵏⵣⵓⵖⵜ ⵍⵍⵉ ⵉⵙⵎⵓⵏⵏ ⴰⴼⴹⴰⵏ ⵏ ⵜⵄⵄⵓⵔⵎⴰ ⴷ ⵉⵎⵔⵣⵓⵜⵏ ⴷ ⵉⵎⵏⵣⵓⵖⵏ ⵏ ⵜⵡⵓⵔⵉⵡⵉⵏ ⵜⵉⵙⵍⵍⵡⵉⵜⵉⵏ ⵅⴼ ⵜⵉⵔⴰⵜ ⵜⴰⵏⵊⵎⵓⵜ ⵉⵡⴰⵜⵜⵙⵏ ⴰⴷ ⵉⴳ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴱ ⴷ ⵢⴰⵏ ⵓⵙⴰⵢⵔⴰⵔ ⵏ ⵓⵙⵏⴼⵍⵓⵍ ⴷ ⵓⴼⴰⵔⵙ ⴳ ⵢⵉⴳⵔ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ, ⵓⵔ ⴷ ⵖⴰⵙ ⴰⴳⴰⴷⴰⵣ ⵏ ⵜⵙⵎⵓⵔⵜ ⵏ ⵜⵉⵇⵏⵉⵢⵉⵏ ⴰⴷ.
    ⴳ ⵓⵙⵡⵉⵔ ⴰⵙⴳⴰⵡⴰⵏ, ⵉⵡⴰⵜⵜⵙ ⵓⵙⴰⵏⵓⴹ ⵏ ⵜⵙⵎⵓⵟⵟⵓⵏⵜ ⵉ ⵜⴳⵎⵉ ⵜⴰⵙⵓⵍⴰⵏⵜ (D4SD Hub) ⴰⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ_ ⵉⴼⴼⵓⵙ ⴷ ⵓⵎⵢⴰⵡⴰⵙ ⴰⴽⵕⴰⴹ, ⵙ ⵓⵣⴷⴰⵢ ⵏ ⵜⵏⴱⴰⴹⵉⵏ ⴷ ⵜⵙⴷⴰⵡⵉⵢⵉⵏ ⵉⵜⵜⵓⵙⵍⵍⵡⵉⵏ ⴷ ⵉⵎⴷⵔⴰⵡⵏ ⵏ ⵜⴳⵎⵉ ⴷ ⵢⵉⴳⵔ ⵓⵙⵍⵉⴳ ⵅⴼ ⵉⵙⵉⵣⵡⵉⵔⵏ ⵉⵏⵊⵎⵓⵜⵏ ⴳ ⵉⵍⵍⴰ ⵓⵙⵍⵎⴷ ⴷ ⵜⴷⵓⵙⵉ ⴷ ⵜⴼⵍⵍⴰⵃⵜ ⴷ ⵉⵊⵎⵉⵍⵏ ⵉⴳⴷⵓⴷⴰⵏⵏ ⴷ ⵜⵎⴰⴳⵉⵜ ⵜⴰⵎⵓⵟⵟⵓⵏⵜ ⵓⵍⴰ ⴰⴷⴰⴼ ⴷ ⵜⵉⴽⵏⵓⵍⵓⵊⵉⵢⵉⵏ ⵜⵉⵙⵏⵉⵍⵍⵙⵉⵏ ⴷ ⵓⵙⵡⵓⵔⵉ ⵏ ⵜⵄⵄⵓⵔⵎⴰ.

    ⵎⴽⵏⵏⴰ ⵙⴼⴰⵡⵏ ⵉⵎⵙⴳⴷⴰⵍⵏ ⴰⴷⴷⵓⵔ ⵏ ⵜⵙⵜⵔⴰⵜⵉⵊⵉⵜ ⵏ ⵓⵔⵣⵣⵓ ⴷ ⵓⵙⴱⵓⵖⵍⵓ, ⵍⵍⵉ ⴳ ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵓⵔ ⵥⴹⴰⵕⵏⵜ ⵜⵎⵉⵣⴰⵔ ⵜⵉⴼⵔⵉⵇⵉⵢⵉⵏ ⴷ ⵜⴰⵄⵕⴰⴱⵉⵏ ⴰⴷ ⵎⵏⴰⵍⴰⵏⵜ ⴰⴽⴷ ⵜⵏⵥⴰⵕ ⵏⵏⵙ ⵜⵉⵏⴳⵎⵓⵜⵉⵏ ⵙ ⵉⴱⴷⴷⵉ ⵅⴼ ⵓⵙⵉⴷⴼ ⵏ ⵉⴼⵙⴰⵢⵏ ⵉⵡⵊⴷⵏ, ⵎⴰⵛⴰ ⵙ ⵓⵙⵙⴰⵔⵓ ⵏ ⴳ ⵉⵖⴰⵡⴰⵙⵏ ⵉⵎⵢⴰⵡⴰⵙⵏ ⵏ ⵓⵔⵣⵣⵓ ⴷ ⵓⵙⴱⵓⵖⵍⵓ ⴳ ⵓⵙⵡⵉⵔ ⴰⵙⴳⴰⵡⴰⵏ, ⴰⵔ ⵜⵙⵔⵓⵙ ⴰⴽⴰⵎⴷ ⵅⴼ ⵜⵎⵙⵍⴰⵢⵉⵏ ⵜⵉⵏⵊⵎⵓⵜⵉⵏ ⵣⴳ ⵜⵏⵉⵍⴰ ⵏ ⵡⴰⵎⴰⵏ ⴷ ⵜⵥⴹⴰⵕⵜ ⴷ ⵜⵓⵜⵍⴰⵢⵉⵏ ⴷ ⵉⵊⵎⵉⵍⵏ ⵉⴳⴷⵓⴷⴰⵏⵏ ⴷ ⵓⵙⵍⵎⴷ ⴷ ⵜⵏⴰⵎⵉⵜ ⴰⴽⴷ ⵉⵙⵏⴼⴰⵍ ⵉⵏⵣⵡⵉⵜⵏ.

    ⵣⴳ ⵜⵏⵉⵍⴰ ⵏ ⵜⵙⵇⵇⴰⵢⵎⵓⵜ ⴰⴷ ⴰⵔ ⵜⵙⵎⴰⵢⵏⵓ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴰⵙⴷⴷⵉⴷ ⵏ ⵜⵎⵔⵉⵙⵜ ⵏⵏⵙ ⴳ ⵡⴰⵏⵏⴰⵍ ⵏ ⵜⵉⵖⵉⵙⵜ ⵜⴰⵙⵎⴳⵓⵔⵜ ⵉⵕⵥⵎⵏ ⵜⴱⴰⴹ ⵜⴳ ⵜⴰⵎⵙⵜⴳⴳⴰⵔⵜ ⵜⵙⵎⴷ, ⴰⵔ ⵜⵜⵓⵙⵎⵔⴰⵙ ⵉ ⵓⵊⵎⵉⵍ ⵏ ⵉⵏⵎⵓⵔⴰⵏ ⴷ ⵜⵎⵔⵙⴰⵍ ⴷ ⵓⵣⵣⴳⵉⵔ ⵏ ⵉⵡⵜⵜⴰⵙⵏ ⵜⴳⵎⵉ ⵜⴰⵙⵓⵍⴰⵏⵜ.

    ⵓⵔ ⵉⴳⵉ ⵓⵏⵏⵓⵕⵥⵎ ⵖⵔ ⵜⴳⵍⴷⵉⵜ ⵜⵎⵖⵔⵉⴱⵉⵜ ⴰⵏⵎⴳⴰⵍ ⵏ ⵡⴰⴱⴰⴹ , ⵎⴰⵛⴰ ⵉⴳⴰ ⵢⴰⵜ ⵜⴼⴰⴷⴰ ⵜⴰⴷⵙⵍⴰⵏⵜ ⵏ ⵓⵣⵣⴳⵉⵔ ⴷ ⵓⵚⵕⵚⵚⵓ ⵏⵏⵙ.

     
     
    A+ A-

    Subscribe to our newsletter

    MTNRA © All rights reserved 2026 realization FORNET